5 Mose 1:30 - ŊMALƐ KRƆŊKRƆŊ LƐ

³⁰ Yehowa, nyɛNyɔŋmɔ lɛ, mɔ ni nyiɛ nyɛhiɛ lɛ, baawu ehã nyɛ lɛ diɛŋtsɛ, tamɔ bɔ ni efee ehã nyɛ yɛ nyɛ diɛŋtsɛ nyɛhiŋmɛiaŋ, yɛ Ijipt,

Ṅmãle̱ Kroṅkroṅ Le̱

³⁰ Iehowa, nye-Nyoṅmo̱ le̱, ní nyie nyehĩe le̱, le̱ noṅṅ eewu ehãnye, take̱ bo noṅṅ ní efe ehãnye ye̱ Mizraim ye̱ maṅ fẽ hĩe le̱, 2 Mose 14,14. 25. Ios. 10,14.

5 Mose 1:30 ပူးပေါင်းရင်းမြစ်များ

2 Kronika 32:8

Lɛ lɛ adesa hewalɛ kɛ lɛ yɔɔ; shi wɔ lɛ, Yehowa, wɔNyɔŋmɔ lɛ kɛ wɔ yɔɔ, koni eye ebua wɔ, asaŋ koni ewu wɔtai lɛ ehã wɔ.” Maŋbii lɛ na ekãa kɛ hiɛnɔkãmɔ yɛ Yuda Maŋtsɛ Hezekia wiemɔi lɛ ahewɔ.

Nehemia 4:14

Kɛkɛ ni mikwɛ bɔ ni nibii yɔɔ hãa, ni mikɛɛ maŋ lɛ mli abladei lɛ kɛ nɔyelɔi lɛ kɛ mɛi ni eshwɛ lɛ fɛɛ akɛ, “Nyɛkashea henyɛlɔi lɛ agbeyei; shi moŋ nyɛkaia Nuŋtsɔ kpeteŋkple ni he yɔɔ gbeyei lɛ, ni nyɛwua nyɛhãa nyɛnyɛmimɛi kɛ nyɛbihii kɛ nyɛbiyei kɛ nyɛŋamɛi kɛ nyɛshĩaiaŋ lɛ.”

Nehemia 4:20

No hewɔ lɛ, he fɛɛ he ni nyɛaanu tɛtɛrɛmantɛrɛ gbɛɛmɔ yɛ lɛ, nyɛbuaa nyɛhe naa kɛbaa wɔŋɔɔ yɛ jɛi; wɔNyɔŋmɔ lɛ aaawu ahã wɔ.”

Lalai 46:11

Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe.

2 Mose 10:21

Agbɛnɛ Yehowa kɛɛ Mose akɛ, “Kpã onine mli kɛya ŋwɛi koni duŋ awo yɛ Ijipt shikpɔŋ lɛ nɔ, duŋ kabitii.”

2 Mose 14:14

Yehowa baawu ahã nyɛ, nyɛ lɛ nyɛfea diŋŋ”.

2 Mose 14:25

Ehã amɛshwiilii lɛ anaji lɛ bɔi fuu, ni ekɛwo Ijiptbii lɛ hejaramɔ. Kɛkɛ ni Ijiptbii lɛ kɛɛ akɛ, “Nyɛhãa wɔjoa Israelbii lɛ anaa foi ejaakɛ Yehowa kɛ wɔ miiwu miihã amɛ.”

2 Mose 19:4

‘Nyɛ diɛŋtsɛ nyɛna nɔ ni mifee Ijiptbii lɛ, kɛ bɔ ni mihiɛ nyɛ kɛ hewalɛ tamɔ okropɔŋ, ni mikɛ nyɛ bashɛ miŋɔɔ yɛ biɛ nɛɛ lɛ.

Romabii 8:31

Belɛ te wɔɔkɛɛ tɛŋŋ yɛ nii nɛɛ ahewɔŋ? Kɛ Nyɔŋmɔ yɛ wɔsɛɛ lɛ, namɔ aaate shi awo wɔ?

Romabii 8:37

Shi kɛ̃lɛ enɛɛmɛi fiaa mli lɛ, wɔtsɔ̃ɔ mɔ ni sumɔ wɔ lɛ nɔ wɔyeɔ kunim tsɔ̃.

5 Mose 1:29

“Kɛkɛ ni mikɛɛ nyɛ akɛ, ‘Nyɛkahãa ŋmiŋmi miimɔmɔa nyɛ, ni nyɛkashea amɛ gbeyei hu.

5 Mose 11:3

Shi moŋ nyɛ mɛi ni nyɛle okadii ni efee kɛ nibii ni efee Ijipt Maŋtsɛ lɛ kɛ eshikpɔŋ tso muu lɛ fɛɛ yɛ Ijipt lɛ.

5 Mose 29:2

Mose tsɛ Israel muu lɛ fɛɛ, ni ekɛɛ amɛ akɛ, “Nyɛ diɛŋtsɛ nyɛna kɛ nyɛhiŋmɛii nii fɛɛ ni Yehowa fee Ijipt maŋtsɛ lɛ kɛ etsuji lɛ kɛ emaŋbii lɛ fɛɛ hu yɛ Ijipt shikpɔŋ lɛ nɔ lɛ.

5 Mose 3:22

Nyɛkashea amɛ gbeyei, ejaakɛ Yehowa, nyɛNyɔŋmɔ lɛ, ji mɔ ni wuɔ ta lɛ hãa nyɛ.’

5 Mose 31:3

Yehowa, nyɛNyɔŋmɔ lɛ, diɛŋtsɛ aaanyiɛ nyɛhiɛ kɛfo faa lɛ; ni lɛ nɔŋŋ ebaakpãtã majimaji lɛ ahiɛ yɛ nyɛhiɛ koni nyɛŋɔ. Yɛ Yehowa wiemɔ naa lɛ, Yoshua aaanyiɛ nyɛhiɛ kɛfo Yordan Faa lɛ.

5 Mose 34:11

Gbalɔ ko hu efeko okadii kɛ naakpɛɛnii tamɔ nii fɛɛ ni Yehowa tsu Mose ni eyafee yɛ Ijipt shikpɔŋ lɛ nɔ etsɔ̃ɔ Ijipt maŋtsɛ kɛ etsuji lɛ kɛ eshikpɔŋ lɛ nɔ bii lɛ fɛɛ lɛ.

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

5 Mose 7:18

Nyɛkashea amɛ gbeyei, shi moŋ nyɛkaia nɔ ni Yehowa, nyɛNyɔŋmɔ lɛ, fee Ijipt maŋtsɛ lɛ kɛ emaŋbii lɛ fɛɛ lɛ.

Yoshua 10:14

Nakai gbi lɛ henɔ bako pɛŋ dã, ni kɛjɛ no sɛɛ hu eko bako dɔŋŋ ni Yehowa ebo gbɔmɔ toi nɛkɛ, ejaakɛ gbi lɛ Yehowa wu Israel ta lɛ ehã lɛ.

Yoshua 10:42

Ta shi kome ni Yoshua fã lɛ, ekɛye shikpɔji nɛɛ kɛ amɛmaŋtsɛmɛi lɛ fɛɛ anɔ kunim ejaakɛ Yehowa, Israel Nyɔŋmɔ lɛ, ji mɔ ni wu tai lɛ ehã Israelbii lɛ.

Yoshua 23:3

Te nyɛna nii fɛɛ ni Yehowa, nyɛNyɔŋmɔ lɛ, efee majimaji ni bɔle nyɛ nɛɛ fɛɛ yɛ nyɛhewɔ? Yehowa, nyɛNyɔŋmɔ lɛ, lɛ ewu nyɛtai lɛ ehã nyɛ.