5 Mose 1:17 - ŊMALƐ KRƆŊKRƆŊ LƐ

¹⁷ Nyɛkakwɛa hiɛiaŋ nyɛkɛkojoa; nyɛboa mɔ bibioo kɛ mɔ wulu fɛɛ toi pɛpɛɛpɛ, ni nyɛkashea gbɔmɔ hiɛ sanekɛɛmɔ gbeyei, ejaakɛ Nyɔŋmɔ ji mɔ ni baakudɔ nyɛ kɛkojo. Shi sane ni mli wa tsɔ̃ hã nyɛ lɛ, nyɛkɛbahãa mi koni maye.’

Ṅmãle̱ Kroṅkroṅ Le̱

¹⁷ Ni *nyekakwe̱a hĩeaṅ ye̱ kodšomo̱ mli; nyeboa mo bibiõ ke̱ gbomo agbo fẽ toi pe̱pē̱pe̱; nyekasea gbomo hĩe gbeyei; edšake̱ kodšomo̱ le̱, †Nyoṅmo̱ nõṅ! Ši sane ní wa tšṍ hãnye le̱ nyeke̱baã miṅõ, ni mabo toi. *16,19. †2 Mose 21,6.

5 Mose 1:17 ပူးပေါင်းရင်းမြစ်များ

1 Mose 18:25

Enɛ akagbale bo fɔ̃ŋfɔ̃ akɛ oooye nɛkɛ sane, ni ooogbe jalɔ kɛ gbɔmɔ fɔŋ fɛɛ shi kome, ni jalɔ aaana nɔ tamɔ gbɔmɔ fɔŋ nɔŋŋ lo! Enɛ akagbale bo! Ani shikpɔŋ lɛ fɛɛ nɔ kojolɔ lɛ, ekojoŋ kojomɔ ni ja lo?”

2 Samuel 14:14

Gbele kã shi hã wɔ fɛɛ, ni ehãa wɔtsɔ̃ɔ tamɔ nu ni atsi ashwie shikpɔŋ, ni ehiii loomɔ dɔŋŋ. Shi mɔ ni toɔ gbɛjianɔ bɔ ni afee ni mɔ ni enyɔ kooŋ aba shĩa lɛ, Nyɔŋmɔ egbeee lɛ.

2 Kronika 19:5

Eto kojolɔi ehã Yuda maji wuji ni atswa gbogbo awo amɛhe lɛ fɛɛ ateŋ eko fɛɛ eko,

2 Kronika 19:6

ni ekɛɛ kojolɔi nɛɛ akɛ, “Nyɛkwɛa jogbaŋŋ kɛji nyɛbuaa sane ko he, ejaakɛ jeee gbɔmɛi adɛŋ hewalɛ ahã nyɛ lɛ, shi Yehowa dɛŋ hewalɛ ni; ni eyɛ nyɛmasɛi be mli ni nyɛmiibua sane ko he.

Hiob 31:34

Miishe mɛi asafo lɛ gbeyei, ni bɔ ni wekui baanyaŋe mi hu woɔ mihe gbeyei, ni no hewɔ ni mifee diŋŋ, ni mishiii shĩa mijeee kpo ejaakɛ miishe amɛ gbeyei.

Lalai 82:2

“Mɛɛ beyinɔ nɔŋŋ nyɛaaye toikɔdɔmɔ sane, ni nyɛaakwɛ mɛi fɔ̃ji ahiɛiaŋ kɛyaashi?

2 Mose 18:18

Ebaatɔ bo kɛ maŋ lɛ fɛɛ hu. Nitsumɔ nɛɛ fa tsɔ̃ hã bo; okome too onyɛŋ otsu.

2 Mose 18:22

Ohã amɛ amɛkura saji ni baaba maŋbii lɛ ateŋ lɛ be fɛɛ be. Sane wulu fɛɛ sane wulu lɛ, no lɛ akɛba ohiɛ; shi saji bibii fɛɛ lɛ kui anɔkwɛlɔi lɛ aye, bɔ ni afee ni amɛkɛmɔ mli amɛhã bo koni efo tsɔ́ ehã bo.

2 Mose 18:26

Nɔkwɛlɔi nɛɛ kuraa maŋbii lɛ ateŋ saji be fɛɛ be. Saji wuji lɛ amɛkɛbaa Mose ŋɔɔ; shi saji bibii fɛɛ lɛ amɛ diɛŋtsɛ amɛkuraa.

Abe̱i 18:5

Ehiii akɛ akwɛ efɔŋfeelɔ hiɛ ni abu lɛ bem, aloo atsɔ̃ jalɔ sane hiɛ abu shi.

Abe̱i 24:23

Nilelɔi awiemɔi lɛ ekomɛi hu nɛ. Hiɛaŋkwɛmɔ yɛ kojomɔ mli lɛ, ehiii.

Abe̱i 28:21

Hiɛaŋkwɛmɔ ehiii, ejaakɛ aboloo atrɔma kome pɛ hewɔ lɛ, gbɔmɔ aaafee efɔŋ.

Abe̱i 29:25

Gbɔmɔ gbeyeishemɔ lɛ, etsɔ̃ɔ tsɔne ehãa mɔ; shi mɔ ni kɛ ehiɛ fɔ̃ɔ Yehowa nɔ lɛ, eyɛ shweshweeshwe.

Yeremia 1:17

No hewɔ lɛ, bo Yeremia miamɔ, tee shi koni oyakɛɛ amɛ nɔ fɛɛ nɔ ni mibafã bo akɛ okɛɛ lɛ. Otsui akafã yɛ amɛhewɔ, kɛjeee nakai lɛ mahã ojija yɛ amɛhiɛ.

3 Mose 19:15

“Kaatsɔ̃ jalɛ sane hiɛ obu shi ni oye ohã ohiafo aloo ohiɛ shwie gbɔmɔ wulu hiɛ. Kojomɔ onaanyo gbɔmɔ yɛ jalɛ naa.

Maleaki 2:9

“No hewɔ lɛ, bei abɔ ni nyɛyeee mimlai lɛ anɔ, shi moŋ nyɛkwɛɔ mɛi ahiɛiaŋ yɛ nyɛnifeemɔ mli lɛ, mibahã nyɛhe guɔ agbo yɛ Israelbii fɛɛ ahiɛ.”

Mateo 22:16

Ni amɛtsu amɛkaselɔi lɛ kɛ Herodebii lɛ kɛba eŋɔɔ amɛbakɛɛ, “Tsɔɔlɔ, wɔle akɛ anɔkwafo ji bo, ni otsɔ̃ɔ Nyɔŋmɔ gbɛ lɛ yɛ anɔkwale mli, ni osheee mɔ ko gbeyei, ejaakɛ okwɛɛɛ gbɔmɛi ahiɛiaŋ;

Marko 12:14

Ni be ni amɛba lɛ, amɛkɛɛ lɛ akɛ, “Tsɔɔlɔ, wɔle akɛ anɔkwafo ji bo, ni osheee gbɔmɔ ko gbeyei, ejaakɛ okwɛɛɛ gbɔmɛi ahiɛiaŋ, shi moŋ otsɔ̃ɔ Nyɔŋmɔ gbɛ lɛ yɛ anɔkwale mli. Ani eja akɛ atsuɔ onia ahãa Kaisare aloo ejaaa? Wɔhã, aloo wɔkahã?”

Luka 20:21

Ni amɛkɛɛ lɛ akɛ, “Tsɔɔlɔ, wɔle akɛ owieɔ ni otsɔ̃ɔ nii jalɛ naa, ni asaŋ okwɛɛɛ gbɔmɛi ahiɛiaŋ, shi moŋ anɔkwale mli otsɔ̃ɔ Nyɔŋmɔ gbɛ lɛ yɛ. [Kɛɛmɔ wɔ]:

Romabii 2:11

Ejaakɛ Nyɔŋmɔ kwɛɛɛ gbɔmɛi ahiɛiaŋ.

Efesobii 6:9

Ni nyɛ nuŋtsɔmɛi lɛ, nyɛfea amɛ nakai nɔŋŋ ni nyɛfɔ̃a amɛhe gbeyeiwoo ni nyɛle akɛ nyɛ kɛ amɛ fɛɛ yɛ Nuŋtsɔ yɛ ŋwɛi, ni gbɔmɛi ahiɛiaŋkwɛmɔ ko bɛ egbɛfaŋ.

5 Mose 10:17

Ejaakɛ Yehowa, nyɛNyɔŋmɔ lɛ, lɛ ji nyɔŋmɔi fɛɛ aNyɔŋmɔ kɛ nuŋtsɔmɛi anuŋtsɔ; lɛ ji Nyɔŋmɔ Ofe ni je agbo, ni he yɔɔ gbeyei lɛ; mɔ ni kwɛɛɛ hiɛiaŋ, ni asaŋ eheee nyɔɔŋnii lɛ.

5 Mose 16:19

Amɛkaye toikɔdɔmɔ sane; amɛkakwɛ mɛi ahiɛiaŋ lɛ, amɛkahe nyɔɔŋnii hu, ejaakɛ nyɔɔŋniihemɔ shwilaa nilelɔi tete po ahiŋmɛi, ni ehãa atsɔ̃ɔ jalɔ sane hiɛ abuɔ shi.

5 Mose 24:17

“Kaatsɔ̃ gbɔ loo awusã sane hiɛ obu shi; ni kaahe okulafo hebo akɛ awaba.

5 Mose 25:1

“Kɛji mɛi enyɔ miibe, ni amɛkɛ amɛsane lɛ tee kojomɔhe koni akojo lɛ, mɔ ni yeɔ bem lɛ abu lɛ bem, ni mɔ ni yeɔ fɔ lɛ abu lɛ fɔ.

Kolosebii 3:25

Shi mɔ ni feɔ nii ni ejaaa gbɛ lɛ, nii ni ejaaa gbɛ nɔŋŋ he nyɔmɔwoo eeena, ni hiɛiaŋkwɛmɔ ko bɛŋ.

1 Tesalonikabii 2:4

shi moŋ tamɔ bɔ ni Nyɔŋmɔ ebu wɔ akɛ wɔsa akɛ atu Sanekpakpa lɛ awo wɔdɛŋ lɛ, nakai wɔwieɔ, jeee tamɔ mɛi ni taoɔ asa gbɔmɛi ahiɛ, shi moŋ tamɔ mɛi ni taoɔ asa Nyɔŋmɔ ni kaa wɔtsuii kwɛɔ lɛ hiɛ.

Yakobo 2:9

Shi kɛji mɛi ahiɛiaŋ nyɛkwɛɔ lɛ, no lɛ nyɛmiifee esha, ni Mla lɛ kãa nyɛ akɛ mlatɔ̃lɔi.

1 Petro 1:17

Ni kɛ nyɛtsɛɔ mɔ ni kwɛɛɛ mɛi ahiɛiaŋ shi ekojoɔ yɛ mɔ fɛɛ mɔ nitsumɔ naa lɛ akɛ nyɛTsɛ lɛ, nyɛkɛ gbeyeishemɔ abaa nyɛjeŋ yɛ nyɛgbɔtoo be lɛ mli.

1 Samuel 16:7

Shi Yehowa kɛɛ Samuel akɛ, “Kaahã ehiɛŋtso loo ekwɔlɛ nyɛnyereŋŋ lɛ miilaka bo. Jeee bɔ ni gbɔmɔ adesa kwɛɔ nii Yehowa kwɛɔ nii. Gbɔmɔ adesa kwɛɔ kpo nɔ gbɛ nii ekɛyeɔ sane, shi Yehowa lɛ kwɛɔ tsuiŋ.”

1 Samuel 2:25

Kɛji gbɔmɔ fee enyɛmi gbɔmɔ esha lɛ, Nyɔŋmɔ ji mɔ ni kojoɔ lɛ; shi kɛji gbɔmɔ fee esha eshi Yehowa lɛ, namɔ po ni aaakpa fai ahã lɛ?” Shi oblahii lɛ eyabooo amɛtsɛ, Eli, toi ejaakɛ Yehowa eto akɛ ebaagbe amɛ.