5 Mose 1:11 - ŊMALƐ KRƆŊKRƆŊ LƐ

¹¹ Yehowa, nyɛtsɛmɛi aNyɔŋmɔ lɛ, ahã nyɛyi afa bɔ ni nyɛyɔɔ amrɔ nɛɛ toi akpei abɔ; ni ejɔɔ nyɛ tamɔ bɔ ni ewo nyɛ shi lɛ.

Ṅmãle̱ Kroṅkroṅ Le̱

¹¹ Iehowa, nyetše̱mei a-Nyoṅmo̱ le̱, ahã nyeyi afá fè bo̱ni nyeyo̱ ne̱ toi akpei abo̱, ni edšō̱nye take̱ bo̱ni ewonye ši le̱!

5 Mose 1:11 ပူးပေါင်းရင်းမြစ်များ

1 Mose 15:5

Nyɔŋmɔ kɛ Abram je kpo ni ekɛɛ lɛ akɛ, “Kwɛmɔ ŋwɛi koo, ni okane ŋulamii lɛ akɛ ooonyɛ amɛ okane lo.” Ekɛɛ Abram akɛ, “Bɔ ni oshwiei aaatamɔ nɛ.”

1 Mose 22:17

hewɔ lɛ, jɔɔmɔ majɔɔ bo, ni mahã oshwiei afa tamɔ ŋwɛi ŋulamii kɛ ŋshɔnaa shia. Oshwiei lɛ aaaye amɛhenyɛlɔi anɔ kunim.

1 Mose 26:4

ni maye kitã ni mikã otsɛ Abraham lɛ nɔ. Mibahã oshwiei afa tamɔ bɔ ni mikã otsɛ Abraham kitã lɛ. Mibahã oshwiei afa tamɔ ŋwɛi ŋulamii, ni mibaŋɔ nɛkɛ shikpɔji nɛɛ fɛɛ mahã oshwiei lɛ. Oshwiei lɛ mli aaajɛ ajɔɔ shikpɔŋ lɛ nɔ jeŋ maji lɛ fɛɛ,

1 Mose 49:25

Otsɛ Yakob Nyɔŋmɔ lɛ ji mɔ ni aaaye abua bo. Nyɔŋmɔ Ofe lɛ baajɔɔ bo. Lɛ eeejɔɔ bo kɛ jɔɔmɔi ni jɛ ŋwɛi kɛ jɔɔmɔi ni jɛ shikpɔŋ lɛ shishi nui lɛ amli. Eeejɔɔ bo kɛ fufɔ ni kɔ̃ɔ, eeejɔɔ bo kɛ fɔmɔnii kpakpa.

2 Samuel 24:3

Shi Yoab here Maŋtsɛ David nɔ akɛ, “Nii, Yehowa oNyɔŋmɔ lɛ, aaahã maŋbii ayikulɛ ŋmɛnɛ aku abɔ he nakai toi oha, ni enɛ aaanyɛ aba mli yɛ miNuŋtsɔ maŋtsɛ yinɔ hu. Shi mɛni eba hewɔ ni Nii taoɔ ekane maŋ lɛ nɛɛ?”

1 Kronika 21:3

Shi Yoab kɛɛ David akɛ, “Yehowa ahã bɔ ni maŋ lɛ yifalɛ yɔɔ amrɔ nɛɛ lɛ aku abɔ he toi oha! Shi minuŋtsɔ Maŋtsɛ, kwɛ jeee mikɛɛ bekɛ otsuji ji amɛ fɛɛ? Mɛɛba mɔ ni minuŋtsɔ taoɔ akɛ afee nɛkɛ nɔ ko ni baahã Israel fɛɛ atɔ̃ nɛɛ?”

Lalai 115:14

Yehowa aaahã nyɛshwere babaoo, nyɛ kɛ nyɛbii fɛɛ.

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

Ezekiel 16:7

‘Oyi ana wala koni oda tamɔ ŋanɔtso.’ Kɛkɛ ni oda, ni okwɔ, ni oshɛ oblayoo, ni oje fufɔ, ni oyitsɔi kɛlɛ; shi kɛ̃lɛ onyiɛ yayai kɛ ohe pasaa.

4 Mose 22:12

Nyɔŋmɔ kɛɛ Balaam akɛ, “Okɛ bɔfoi lɛ akaya tsɛmɔ lɛ, ni asaŋ okalomɔ nakai mɛi lɛ hu, ejaakɛ mɛi ni mijɔɔ amɛ ni.”

4 Mose 6:27

“Kɛji amɛtsɛ migbɛi nɛkɛ amɛkɛjɔɔ Israelbii lɛ, mibajɔɔ maŋbii lɛ.”

5 Mose 1:10

Yehowa, nyɛNyɔŋmɔ lɛ, ehã nyɛyi efa, ni ŋmɛnɛ nyɛyikulɛ tamɔ ŋwɛi ŋulamii.

5 Mose 1:12

Te mafee tɛŋŋ ni mi koome manyɛ nyɛhaomɔi kɛ nyɛteŋ saji fɛɛ makura hu?

5 Mose 1:8

Shikpɔŋ lɛ mikɛfɔ̃ nyɛhiɛ nɛɛ. Nyɛyaa ni nyɛyaŋɔa! Yehowa wo nyɛtsɛmɛi Abraham kɛ Isak kɛ Yakob shi yɛ he akɛ ekɛbaahã amɛ kɛ amɛshwiei.’ ”

5 Mose 10:22

Nyɛtsɛmɛi lɛ ni tee Ijipt lɛ ayikulɛ ji gbɔmɛi nyɔŋmai kpawo; shi ŋmɛnɛ lɛ, Yehowa, nyɛNyɔŋmɔ lɛ, ehã nyɛyi efa tamɔ ŋwɛi ŋulamii.”

5 Mose 28:62

Tsɛbelɛ sa lɛ nyɛyi fa tamɔ ŋwɛi ŋulamii, shi nyɛyi fioo kɛkɛ aaashwɛ, ejaakɛ nyɛbooo Yehowa, nyɛNyɔŋmɔ lɛ, toi.