5 Mose 1:10 - ŊMALƐ KRƆŊKRƆŊ LƐ

¹⁰ Yehowa, nyɛNyɔŋmɔ lɛ, ehã nyɛyi efa, ni ŋmɛnɛ nyɛyikulɛ tamɔ ŋwɛi ŋulamii.

Ṅmãle̱ Kroṅkroṅ Le̱

¹⁰ Iehowa, nye-Nyoṅmo̱ le̱, ehā nyeyi efá, ni na, ṅme̱ne̱ *nyetamo̱ ṅwei ṅulamii ye̱ fále̱ nā. *10,22. 1 Mose 15,5.

5 Mose 1:10 ပူးပေါင်းရင်းမြစ်များ

1 Mose 15:5

Nyɔŋmɔ kɛ Abram je kpo ni ekɛɛ lɛ akɛ, “Kwɛmɔ ŋwɛi koo, ni okane ŋulamii lɛ akɛ ooonyɛ amɛ okane lo.” Ekɛɛ Abram akɛ, “Bɔ ni oshwiei aaatamɔ nɛ.”

1 Mose 22:17

hewɔ lɛ, jɔɔmɔ majɔɔ bo, ni mahã oshwiei afa tamɔ ŋwɛi ŋulamii kɛ ŋshɔnaa shia. Oshwiei lɛ aaaye amɛhenyɛlɔi anɔ kunim.

1 Mose 28:14

Oshwiei aaafa tamɔ shikpɔŋ mlu, ni ooogbɛ oshwã anai kɛ bokã kɛ kooyi kɛ wuoyi. Bo kɛ oshwiei amli aaajɛ ajɔɔ shikpɔŋ lɛ nɔ akutsei fɛɛ.

1 Kronika 27:23

Maŋtsɛ David hãaa akane mɛi ni yeko afii nyɔŋmai enyɔ ejaakɛ Yehowa ewo shi eto akɛ ebaahã Israel yi afa tamɔ ŋwɛi ŋulamii lɛ.

Nehemia 9:23

Ohã amɛbii lɛ hu ayi fa tamɔ ŋulamii, ni oŋɔ amɛ kɛba shikpɔŋ lɛ ni okɛɛ amɛtsɛmɛi akɛ amɛya amɛyaŋɔ lɛ nɔ.

Lalai 107:38

Ejɔɔ amɛ, ni amɛyi faa naakpa; ehãaa amɛtsinai ayifalɛ nɔ agbɔ.

2 Mose 12:37

Kɛkɛ ni Israelbii lɛ yi mli kɛjɛ Rameses kɛtee Sukot, hii ni nyiɛ amɛnane aaafee akpei ohai ekpaa, soro yei kɛ gbekɛbii.

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

Yesaia 51:2

Nyɛkwɛa nyɛtsɛ Abraham kɛ Sara, mɛi amli ni nyɛjɛ lɛ. Be ni mitsɛ Abraham lɛ, ekome ni; shi mijɔɔ lɛ, ni mihã ewo shwiei babaoo.

Ezekiel 16:7

‘Oyi ana wala koni oda tamɔ ŋanɔtso.’ Kɛkɛ ni oda, ni okwɔ, ni oshɛ oblayoo, ni oje fufɔ, ni oyitsɔi kɛlɛ; shi kɛ̃lɛ onyiɛ yayai kɛ ohe pasaa.

4 Mose 1:46

amɛyikulɛ fee mɛi akpei ohai ekpaa kɛ etɛ̃ kɛ ohai enumɔ kɛ nyɔŋmai enumɔ.

4 Mose 10:36

Ni kɛji Kpãŋmɔ Adeka lɛ miito shi lɛ, Mose kɛɔ akɛ, “Kuu osɛɛ, Yehowa, kɛba Israelbii akpeiakpei abɔ lɛ aŋɔ̃ɔ.”

5 Mose 1:11

Yehowa, nyɛtsɛmɛi aNyɔŋmɔ lɛ, ahã nyɛyi afa bɔ ni nyɛyɔɔ amrɔ nɛɛ toi akpei abɔ; ni ejɔɔ nyɛ tamɔ bɔ ni ewo nyɛ shi lɛ.

5 Mose 10:22

Nyɛtsɛmɛi lɛ ni tee Ijipt lɛ ayikulɛ ji gbɔmɛi nyɔŋmai kpawo; shi ŋmɛnɛ lɛ, Yehowa, nyɛNyɔŋmɔ lɛ, ehã nyɛyi efa tamɔ ŋwɛi ŋulamii.”

5 Mose 26:5

No sɛɛ lɛ, okɛɛ, yɛ Yehowa, oNyɔŋmɔ lɛ, hiɛ akɛ, ‘Aramnyo ni ebɔ ko ji mitsɛ; ekɛ mɛi fioo ko tee Ijipt, ni eyato gbɔ yɛ jɛi. Shi eshwiei ayi bafa, ni etsɔ̃ maŋ kpeteŋkple ni he wa yɛ jɛi.

5 Mose 28:62

Tsɛbelɛ sa lɛ nyɛyi fa tamɔ ŋwɛi ŋulamii, shi nyɛyi fioo kɛkɛ aaashwɛ, ejaakɛ nyɛbooo Yehowa, nyɛNyɔŋmɔ lɛ, toi.

5 Mose 7:7

Jeee fa ni nyɛyi fa fe maji fɛɛ hewɔ ni Yehowa sumɔ nyɛ, ni eŋɔ nyɛ akɛ ewebii lɛ; ejaakɛ nyɛ moŋ po ji mɛi komɛi ni nyɛyi faaa kwraa yɛ maji fɛɛ ateŋ.