4 Mose 9:14 - ŊMALƐ KRƆŊKRƆŊ LƐ

¹⁴ “Ni kɛji mɔkpɔŋ ko bato gbɔ yɛ nyɛteŋ ni eesumɔ akɛ eye Yehowa Hehoo Gbijurɔ lɛ, eye; shi eye yɛ Hehoo lɛ he akpɔ kɛ gbɛjianɔtoo lɛ anaa. Akpɔ kome akã shi ahã mɔ fɛɛ mɔ, gbɔ jio, mɔ ni afɔ lɛ yɛ shikpɔŋ lɛ nɔ jio.”

Ṅmãle̱ Kroṅkroṅ Le̱

¹⁴ Ni ke̱dši mokpõṅ ko bato gbo̱ ye̱ nyeteṅ ni ēsumo̱ ake̱ eye Iehowa Hehō le̱, bo̱ni Hehō le̱ he akpo ke̱ gbe̱dšianotō le̱ yo̱ le̱, nakai eyele̱. Akpo kome akã ši ahãnye, gbo̱ dšio, moni afo̱le ye̱ ši-kpoṅ le̱ no̱ dšio.

4 Mose 9:14 ပူးပေါင်းရင်းမြစ်များ

3 Mose 24:22

Mla koome nɛɛ akã shi ahã nyɛ fɛɛ, gbɔ kɛ maŋnyo fɛɛ, ejaakɛ mi ji Yehowa, nyɛNyɔŋmɔ lɛ.”

5 Mose 31:12

Abua maŋ lɛ fɛɛ naa kɛkpe, hii kɛ yei kɛ gbekɛbii kɛ gbɔi ni yɔɔ nyɛmaji lɛ amli lɛ, koni amɛbo mlai lɛ atoi ni amɛkase bɔ ni afee ni amɛshe Yehowa, nyɛNyɔŋmɔ lɛ, gbeyei koni amɛjwɛŋ nɔ ni amɛye mla nɛɛ mli wiemɔi lɛ fɛɛ anɔ.

5 Mose 29:11

kɛ nyɛbii bibii lɛ, kɛ nyɛŋamɛi lɛ, kɛ gbɔi ni kɛ nyɛ yɔɔ nyɛshitoohei lɛ amli lɛ, laiyalɔi kɛ faaŋyalɔi fɛɛ.

3 Mose 25:15

Adamɔ afii abɔ ni abaanyɛ ahu shikpɔŋ lɛ ni akpa enɔ nibaanii lɛ dani wɔsɛɛ Nikpɔ̃mɔ Afi lɛ ashɛ nɔ awo shikpɔŋ lɛ he jara.

3 Mose 22:25

“Nyɛkahea kooloi nɛɛ eko yɛ maŋsɛɛnyo dɛŋ ni nyɛkɛbahã Yehowa akɛ niyenii afɔle, ejaakɛ adebɔɔ mli kpa ko yɛ maŋsɛɛ kooloi nɛɛ ahe. Eji kpa ni eka amɛhe, ni amɛsaŋ Yehowa hiɛ.

3 Mose 19:10

Ni nyɛkakpaa wain tsei lɛ ayibii hu fɛɛ kɛmɔɔ shi; ni wain yibii ni aaashwie shi lɛ hu nyɛkakɔlɔa. Nyɛshĩa nyɛhãa ohiafoi kɛ gbɔi lɛ koni amɛbaye lɛ kpɛkpɛo. Mi ji Yehowa, nyɛNyɔŋmɔ lɛ.

2 Mose 12:43

Ni Yehowa kɛɛ Mose kɛ Aaron akɛ, “Hehoo lɛ he akpɔi nɛ: Mɔkpɔŋ ko mɔkpɔŋ ko akaye eko.

2 Mose 12:47

Israel maŋ muu lɛ fɛɛ aye gbɛjianɔtoi nɛɛ anɔ.

4 Mose 15:15

Gbɛjianɔtoo kome baakã shi ahã shikpɔŋ muu lɛ nɔ gbɔmɛi fɛɛ; ni ekã shi akɛ naanɔ akpɔ ahã nyɛ, Israel fɔmɔbii kɛ mɔkpɔŋ ni ebato nyɛ gbɔ lɛ fɛɛ ashwiei. Israelnyo kɛ mɔkpɔŋ lɛ, amɛ fɛɛ pɛ yɛ Yehowa hiɛ.

4 Mose 15:16

No hewɔ lɛ, mla kome kɛ gbɛjianɔtoo kome baahi shi ahã nyɛ Israel fɔmɔbii kɛ gbɔ ni ebato nyɛ lɛ fɛɛ.”

Ezra 6:21

Israelbii lɛ ni jɛ nomŋɔɔ mli ba lɛ ye Hehoo toobi lɛ. Mɛi krokomɛi hu ni ye ji mɛi fɛɛ ni etse amɛhe yɛ nii ni buleɔ mɔ ni shikpɔŋ lɛ nɔ wɔŋjalɔi feɔ lɛ ahe, ni amɛkɛ amɛhe ebabɔ Israelbii lɛ ahe koni amɛtao Yehowa, Israel Nyɔŋmɔ lɛ, sɛɛgbɛ lɛ.