4 Mose 8:22 - ŊMALƐ KRƆŊKRƆŊ LƐ

²² No sɛɛ lɛ, Levibii lɛ tee Buu lɛ mli, ni amɛyasɔ̃mɔ yɛ Aaron kɛ ebihii lɛ ashishi. Bɔ ni Yehowa fã Mose akɛ efee yɛ Levibii lɛ agbɛfaŋ lɛ, nakai efee amɛ.

Ṅmãle̱ Kroṅkroṅ Le̱

²² Ni no se̱ le̱ Levibii le̱ ba ame̱-batšu ame̱nitšumo̱ ye̱ kpē-bū le̱ mli ye̱ Aaron ke̱ ebihĩĩ le̱ ahĩe; bo̱ni Iehowa wo Mose kitã ye̱ Levibii le̱ ahewo le̱, nakai ame̱feame̱.

4 Mose 8:22 ပူးပေါင်းရင်းမြစ်များ

2 Kronika 31:2

Maŋtsɛ Hezekia hã akɛ bɔ ni ajara osɔfoi lɛ kɛ Levibii lɛ amli kuikui sa lɛ bɔ̃i nitsumɔ ekoŋŋ bɔ ni ku fɛɛ ku yɛ enitsumɔ krɛdɛɛ lɛ. Mɛi yɛ ni shãa afɔle ni ashãa fɛɛ lɛ, kɛ shidaa afɔlei lɛ; ni mɛi yɛ ni sɔmɔɔ yɛ jamɔ lɛ mli, ni mɛi yɛ ni laa kɛjieɔ Yehowa yi; dani mɛi yɛ ni buɔ Sɔlemɔ we lɛ agboi lɛ anaa.

2 Kronika 30:27

Kɛkɛ ni osɔfoi lɛ kɛ Levibii lɛ ba Nyɔŋmɔ dɛŋ jɔɔmɔ amɛhã maŋbii lɛ. Nyɔŋmɔ nu sɔlemɔ lɛ, ni ebo toi.

4 Mose 8:15

Otsuu amɛhe koni no sɛɛ lɛ amɛba Kpee Buu lɛ mli amɛbasɔ̃mɔ yɛ jɛi.

4 Mose 8:21

Levibii lɛ tsu kusum kɛfɔ amɛhe eshai; amɛfɔfɔɔ amɛtadei ahe, ni Aaron jɔɔ amɛnɔ ehã akɛ keenii krɛdɛɛ hã Yehowa. Asaŋ etsuu amɛhe hu.

4 Mose 8:23

Yehowa kɛɛ Mose akɛ,

2 Mose 12:50

Israelbii lɛ fɛɛ fee bɔ ni Yehowa wo Mose kɛ Aaron kitã lɛ pɛpɛɛpɛ.

4 Mose 1:50

Moŋ akɛ miKpee Buu Krɔŋkrɔŋ lɛ kɛ ehe nibii lɛ fɛɛ kɛ nɔ fɛɛ nɔ ni fata he lɛ nɔkwɛmɔ awo amɛdɛŋ. Amɛ amɛtere Buu lɛ kɛ ehe nibii lɛ fɛɛ, ni amɛ nɔŋŋ amɛkura Buu lɛ. Ni kɛji ato shi yɛ he ko lɛ, amɛmãmɔ amɛwɔɔhei amɛkɛbɔle Buu lɛ he kpula kɛkpe.