4 Mose 8:20 - ŊMALƐ KRƆŊKRƆŊ LƐ

²⁰ No hewɔ lɛ, Mose kɛ Aaron kɛ Israelbii asafo muu lɛ fɛɛ jɔɔ Levibii lɛ anɔ amɛhã. Bɔ pɛpɛɛpɛ ni Yehowa fã Mose akɛ efee yɛ Levibii lɛ agbɛfaŋ lɛ, nakai Israelbii lɛ fee Levibii lɛ.

Ṅmãle̱ Kroṅkroṅ Le̱

²⁰ Ni Mose ke̱ Aaron ke̱ Israelbii asafo mū le̱ fẽ fe Levibii le̱ nakai; bo̱ni Iehowa wo Mose kitã ye̱ Levibii le̱ ahewo̱ le̱, nakai Israelbii le̱ feame̱.

4 Mose 8:20 ပူးပေါင်းရင်းမြစ်များ

4 Mose 8:19

ni mikɛ Levibii lɛ miihã Aaron kɛ ebihii lɛ kwraa akɛ Israelbii lɛ adɛŋ nikeenii koni amɛsɔ̃mɔ yɛ Kpee Buu lɛ mli yɛ Israelbii lɛ anajiaŋ bɔ ni afee ni amɛkpãtã efɔŋ ni baaba maŋbii anɔ kɛji amɛbɛŋkɛ He Krɔŋkrɔŋ lɛ.”

4 Mose 8:21

Levibii lɛ tsu kusum kɛfɔ amɛhe eshai; amɛfɔfɔɔ amɛtadei ahe, ni Aaron jɔɔ amɛnɔ ehã akɛ keenii krɛdɛɛ hã Yehowa. Asaŋ etsuu amɛhe hu.

2 Mose 12:50

Israelbii lɛ fɛɛ fee bɔ ni Yehowa wo Mose kɛ Aaron kitã lɛ pɛpɛɛpɛ.

4 Mose 1:50

Moŋ akɛ miKpee Buu Krɔŋkrɔŋ lɛ kɛ ehe nibii lɛ fɛɛ kɛ nɔ fɛɛ nɔ ni fata he lɛ nɔkwɛmɔ awo amɛdɛŋ. Amɛ amɛtere Buu lɛ kɛ ehe nibii lɛ fɛɛ, ni amɛ nɔŋŋ amɛkura Buu lɛ. Ni kɛji ato shi yɛ he ko lɛ, amɛmãmɔ amɛwɔɔhei amɛkɛbɔle Buu lɛ he kpula kɛkpe.

4 Mose 1:54

Bɔ ni Yehowa fã Mose lɛ nakai pɛpɛɛpɛ Israelbii lɛ fee lɛ.

4 Mose 9:5

ni amɛye Hehoo lɛ yɛ klɛŋklɛŋ nyɔŋ lɛ nɔ gbi nyɔŋma kɛ ejwɛ lɛ gbɛkɛnaashi, yɛ Sinai Shiaŋa lɛ nɔ. Bɔ ni Yehowa fã Mose lɛ nakai pɛpɛɛpɛ Israelbii lɛ fee.

4 Mose 9:22

Ni kɛ gbii enyɔ atatu lɛ ye yɛ Kpee Buu Krɔŋkrɔŋ lɛ nɔ jio, nyɔŋ kome jio, be kakadaŋŋ jio, gbii abɔ ni eyɔɔ Buu lɛ nɔ lɛ, Israelbii lɛ efãaa. Shi kɛji ewo ehe nɔ pɛ, kɛkɛ lɛ amɛfã.