4 Mose 7:19 - ŊMALƐ KRƆŊKRƆŊ LƐ

¹⁹ Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle.

Ṅmãle̱ Kroṅkroṅ Le̱

¹⁹ Noni eke̱-ba ne̱: dſie̱te̱i kã kome ní nā šio̱ šekeli oha ke̱ nyoṅmai-etẽ ke̱ dſietei lalakã kome ní nā šio̱ šekeli nyoṅmai-kpawo ye̱ hekroṅkroṅ le̱ šekel le̱ nā, ni enyo̱ le̱ fẽ eyimo̱ obõbõ ke̱ ṅmā̃ má ní awo mli mũ ní ake̱-bašã niyenii-afo̱le,

4 Mose 7:19 ပူးပေါင်းရင်းမြစ်များ

Ezra 1:9

Nibii nɛɛ ayibɔ nɛ: shika okpolui nyɔŋmai etɛ̃, jwiɛtɛi okpolui akpe, ŋɛsui nyɔŋmai enyɔ kɛ nɛɛhu,

2 Mose 25:29

Okɛ shika ŋmiiŋmi afee okplɔ̃ lɛ he plɛtei kɛ tsɛnsii ni akɛ tsofakɛŋma baawo amɛmli lɛ, kɛ agbɛnɛ okpolui kɛ kpuji ni akɛbaaye ŋkpai lɛ.

Yeremia 52:18

Amɛŋɔ kukwɛii lɛ kɛ sofii lɛ kɛ lajee tsɛnsii lɛ kɛ okpolui lɛ kɛ tsɛnsii ni akɛshãa tsofakɛŋma lɛ kɛ akɔɔble tsɛnsii krokomɛi fɛɛ ni akɛsɔ̃mɔɔ yɛ Sɔlemɔ we lɛ kɛtee.

3 Mose 2:1

“Kɛji mɔ ko kɛ ŋmãa miiba abashã afɔle ahã Yehowa lɛ, egbɛlɛ ŋmãa lɛ mã. Ekɛ mu ashwie mamu lɛ nɔ, ni ekɛ tsofakɛŋma hu afata he;

3 Mose 5:11

Shi kɛji enyɛɛɛ kosɛɛ okpoi enyɔ loo okpobii enyɔ ehã lɛ, no lɛ ekɛ mã kilo kome aba akɛ esha afɔle yɛ esha ni efee lɛ hewɔ. Ekɛ mu akawo mli, ni ekɛ ohɛ hu akafɔ̃ nɔ, ejaakɛ esha afɔle ni.

Zakaria 14:20

Nakai gbi lɛ nɔ lɛ aaaŋmalã yɛ ŋmɛji ni tsotsoroɔ okpɔŋɔi lɛ ahe lɛ anɔ akɛ; “Eyɛ Krɔŋkrɔŋ hã Yehowa.” Ni kukwɛi ni yɔɔ Yehowa Sɔlemɔ we lɛ baatsɔ̃ nɔ krɔŋkrɔŋ tamɔ kãi ni yɔɔ afɔleshãa latɛ lɛ hiɛ lɛ.

4 Mose 7:18

Gbi ni ji enyɔ lɛ nɔ lɛ, Netanel ni ji Zuar bi, ni lɛ ji Isakar akutso lɛ mli bii anukpa lɛ kɛ enikeenii lɛ bahã.

4 Mose 7:20

Nikee nii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma,

Mateo 14:8

Ni enyɛ wo lɛ ŋaa, ni ebakɛɛ akɛ, “Ŋɔɔ Yohane Baptisilɔ lɛ yitso ofɔ̃ kã mli ohã mi yɛ biɛ!”

Marko 6:25

Ni amrɔ lɛ eba maŋtsɛ lɛ ŋɔɔ oya ni ebakɛɛ lɛ akɛ, “Miitao ni okɛ Yohane Baptisilɔ lɛ yitso ahã mi amrɔ nɛɛ nɔŋŋ yɛ kã mli.”