4 Mose 7:13 - ŊMALƐ KRƆŊKRƆŊ LƐ

¹³ Enikeenii lɛ fee jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃, kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ koni akɛshã niyenii afɔle.

Ṅmãle̱ Kroṅkroṅ Le̱

¹³ Ni enikēnii le̱ ne̱: dſie̱te̱i kã kome ní nā šio̱ šekeli oha ke̱ nyoṅmai-etẽ ke̱ dſie̱te̱i lalakã kome ní nā šio̱ šekeli nyoṅmai-kpawo ye̱ hekroṅkroṅ le̱ šekel le̱ nā, ni enyo̱ le̱ fẽ eyimo̱ obõbõ ke̱ ṅmā̃ mã ní awo mli mũ ní ake̱-bašã niyenii-afo̱le,

4 Mose 7:13 ပူးပေါင်းရင်းမြစ်များ

1 Maŋtsɛmɛi 7:43

Huram fee shwiilii nyɔŋma kɛ botokui nyɔŋma ni mãmɔ shwiilii lɛ anɔ.

1 Maŋtsɛmɛi 7:45

Huram fee gbɛ́i kɛ jwɛiloomɔnii kɛ lalakãi. Nɛkɛ nibii nɛɛ fɛɛ lɛ akɔɔble ni atsuu he kaŋkaŋ akɛfee ahã Maŋtsɛ Solomon koni akɛsaa Yehowa shĩa lɛ mli.

Ezra 8:25

Miŋmɛ jwiɛtɛi kɛ shika kɛ nibii ni ji Sɔlemɔ we lɛ nikeenii ni maŋtsɛ lɛ kɛ ejinafoi lɛ kɛ elumɛi lɛ kɛ Israel fɛɛ ni yɔɔ jɛi lɛ kekee lɛ miwo amɛdɛŋ.

2 Mose 25:29

Okɛ shika ŋmiiŋmi afee okplɔ̃ lɛ he plɛtei kɛ tsɛnsii ni akɛ tsofakɛŋma baawo amɛmli lɛ, kɛ agbɛnɛ okpolui kɛ kpuji ni akɛbaaye ŋkpai lɛ.

2 Mose 30:13

Ni too ni áye lɛ nɛ: mɔ fɛɛ mɔ ni aaakane lɛ lɛ awo jwiɛtɛi shekel fã yɛ He Krɔŋkrɔŋ lɛ shekel lɛ tsiimɔ naa akɛ shidaa afɔle ni akɛhãa mi, Yehowa. (Shekel kome feo gerai nyɔŋmai enyɔ.)

2 Mose 37:16

Ekɛ shika ŋmiiŋmi fee okplɔ̃ lɛ he nibii ni ji plɛtei kɛ kpuji ni akɛbaashã wain afɔle lɛ.

Yeremia 52:19

Nebuzaradan loo nibii fɛɛ hu ni akɛ shika loo jwiɛtɛi fee lɛ hu kɛtee: enɛɛmɛi ji okpolui bibii lɛ kɛ lajee tsɛnsii lɛ kɛ tsɛnsii ni akɛsɔoɔ kooloi alá lɛ, kɛ kukwɛii kɛ kanetsei lɛ kɛ tsɛnsii ni akɛshãa tsofakɛŋma lɛ kɛ okpolui ni akɛshãa daa gbi afɔle lɛ. Nɔ fɛɛ nɔ ni ji shikanii lɛ eŋɔ kɛtee akɛ shika, ni nɔ ni ji jwiɛtɛi nii lɛ eŋɔ kɛtee akɛ jwiɛtɛi.

Daniel 5:2

Be mli ni anuɔ dãa lɛ, Belshazar fã akɛ ayahole shika kɛ jwiɛtɛi kpuji lɛ ni etsɛ Maŋtsɛ Nebukadnezar yaloo yɛ Yerusalɛm Sɔlemɔ we lɛ kɛba, koni lɛ, maŋtsɛ lɛ, kɛ enukpai lɛ kɛ eŋãmɛi lɛ kɛ ehemɛi lɛ kɛnu dãa.

3 Mose 2:1

“Kɛji mɔ ko kɛ ŋmãa miiba abashã afɔle ahã Yehowa lɛ, egbɛlɛ ŋmãa lɛ mã. Ekɛ mu ashwie mamu lɛ nɔ, ni ekɛ tsofakɛŋma hu afata he;

3 Mose 27:25

“Tɛ nɔ ni adamɔ kɛwo jara fɛɛ jara afee He Krɔŋkrɔŋ lɛ jwiɛtɛi tɛ lɛ naa; no ji akɛ gerai nyɔŋmai enyɔ afee shekel kome.

3 Mose 27:3

Nuu ni eye kɛjɛ afii nyɔŋmai enyɔ kɛyashi afii nyɔŋmai ekpaa lɛ, eyi jara afee jwiɛtɛi shekeli nyɔŋmai enumɔ.

Zakaria 14:20

Nakai gbi lɛ nɔ lɛ aaaŋmalã yɛ ŋmɛji ni tsotsoroɔ okpɔŋɔi lɛ ahe lɛ anɔ akɛ; “Eyɛ Krɔŋkrɔŋ hã Yehowa.” Ni kukwɛi ni yɔɔ Yehowa Sɔlemɔ we lɛ baatsɔ̃ nɔ krɔŋkrɔŋ tamɔ kãi ni yɔɔ afɔleshãa latɛ lɛ hiɛ lɛ.

4 Mose 15:4

Mɔ ni baashã afɔle lɛ ekɛ niyenii hu afata kooloo lɛ he kɛba. Niyenii nɛɛ afee ŋmãa mamu kilo kome ni akɛ mu lita kome efutu mli,

4 Mose 28:5

Akɛ ŋmãa kilo kome ni akɛ fɔ kpakpa ni ashi mli lita kome ekpɔtɔ afata he.

4 Mose 29:6

Enɛɛmɛi asɛɛ lɛ ashã nyɔŋ hee shãa afɔle kɛ ehe niyenii afɔle lɛ, kɛ daa gbi shãa afɔle lɛ hu kɛ ehe niyenii afɔle lɛ hu. Eko fɛɛ eko lɛ kɛ ehe dãa afɔle bɔ ni afo aŋmɛ shi lɛ pɛpɛɛpɛ. Niyenii afɔlei ni akɛ la shãa ni jeɔ ŋma woɔ Yehowa ni.

4 Mose 3:47

Hemɔ He Krɔŋkrɔŋ lɛ niŋmɛɛ tɛ naa jwiɛtɛi shekeli enumɔ yɛ mɔ kome yi, shekel kome feɔ garai nyɔŋmai enyɔ.

4 Mose 7:12

Klɛŋklɛŋ gbi lɛ nɔ lɛ mɔ ni kɛ enikeenii lɛ bahã ji Nahashon ni eji Aminadab bi, ni lɛ ji Yuda akutso lɛ mli bii anukpa lɛ.

4 Mose 7:14

Nikeenii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma,

4 Mose 7:73

Nibii ni ekɛba lɛ nɛ: jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃ kɛ jwiɛtɛi okpolu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ ni akɛbaashã niyenii afɔle.

Mateo 14:11

Ni akɛ eyitso lɛ fɔ̃ kã mli kɛba, ni akɛhã oblayoo lɛ, ni ekɛyahã enyɛ.

Mateo 14:8

Ni enyɛ wo lɛ ŋaa, ni ebakɛɛ akɛ, “Ŋɔɔ Yohane Baptisilɔ lɛ yitso ofɔ̃ kã mli ohã mi yɛ biɛ!”