4 Mose 7:10 - ŊMALƐ KRƆŊKRƆŊ LƐ

¹⁰ Maŋ onukpai lɛ hiɛ nikeenii hu kɛba gbi ni afɔ afɔleshãa latɛ lɛ mu lɛ. Be ni maŋ onukpai lɛ kɛ amɛnikeenii lɛ ba lɛ amɛshã afɔle yɛ afɔleshãa latɛ lɛ hiɛ,

Ṅmãle̱ Kroṅkroṅ Le̱

¹⁰ Ni gbĩ ní afo̱ afo̱lešãlate̱ le̱ he mũ le̱ onukpai le̱ ke̱ *ebulemo̱ nikēnii ba; ni onukpai le̱ ke̱ ame̱nikēnii ba afo̱lešãlate̱ le̱ hĩe. *2 Kron. 7,9.

4 Mose 7:10 ပူးပေါင်းရင်းမြစ်များ

2 Kronika 7:5

Maŋtsɛ Solomon kɛ maŋ muu lɛ fɛɛ shã afɔlei amɛkɛhã Yehowa. Maŋtsɛ Solomon shã afɔle kɛ tsinai akpei nyɔŋmai enyɔ kɛ enyɔ, kɛ toi hu akpei oha kɛ nyɔŋmai enyɔ, ni lɛ maŋtsɛ lɛ, kɛ maŋ muu lɛ fɛɛ kɛgbele Nyɔŋmɔ Sɔlemɔtsu lɛ naa.

2 Kronika 7:9

Amɛjɔɔ afɔleshãa latɛ lɛ nɔ gbii kpawo, ni amɛye gbijurɔ lɛ hu gbii ejwɛ, ni gbi ni ji kpaanyɔ lɛ nɔ lɛ amɛkpe naagbee kpee.

Nehemia 12:27

Be ni abaajɔɔ Yerusalɛm gbogbo lɛ nɔ afee lɛ krɔŋkrɔŋ lɛ, ayatao Levibii yɛ hei ni amɛyɔɔ lɛ fɛɛ, ni akɛ amɛ ba Yerusalɛm koni amɛbaye hetsuumɔ gbijurɔ lɛ kɛ nyamɔ kɛ shidaa lalai kɛ ŋoŋoi kɛ kpãa saŋkui.

Nehemia 12:43

Nakai gbi lɛ amɛshã shãa afɔlei babaoo, ni amɛnyã, ejaakɛ Nyɔŋmɔ ehã amɛmii eshɛ amɛhe waa naakpa. Yei kɛ gbekɛbii lɛ hu nyãnyãa waa bɔ ni anu nyamɔ ni anyãa yɛ Yerusalɛm lɛ he yɛ shɔŋŋ tete.

Lalai 30:1

Oo Yehowa, makafo O, ejaakɛ ojie mi, ni ohãaa mihenyɛlɔi aye mi yɔɔ.

4 Mose 7:1

Gbi ni Mose gbe Yehowa Kpee Buu Krɔŋkrɔŋ lɛ shinaa lɛ naa lɛ efɔ Kpee Buu Krɔŋkrɔŋ lɛ kɛ ehe nibii lɛ fɛɛ mu ekɛtsuu amɛhe, ni asaŋ efɔ afɔleshãa latɛ lɛ kɛ ehe nibii lɛ hu mu nakai nɔŋŋ ekɛfee fɛɛ krɔŋkrɔŋ.

4 Mose 7:11

Yehowa kɛɛ Mose akɛ, “Onukpai lɛ aba mɔ kome mɔ kome amɛkɛ amɛnikeenii lɛ abahã, mɔ fɛɛ mɔ yɛ gbi ni ato ahã lɛ lɛ nɔ koni akɛjɔɔ afɔleshãa latɛ lɛ nɔ kɛgbele naa.”

4 Mose 7:84

Nibii fɛɛ ni Israel akutseiatsɛmɛi lɛ kɛbahã koni akɛshã afɔle kɛgbele afɔleshãa latɛ lɛ naa gbi nɔ ni afɔ afɔleshãa latɛ lɛ mu kɛjɔɔ nɔ lɛ nɛ: jwiɛtɛi plɛtei nyɔŋma kɛ enyɔ kɛ jwiɛtɛi okpolui hu nyɔŋma kɛ enyɔ kɛ shika tsɛnsii hu nyɔŋma kɛ enyɔ.

4 Mose 7:88

Kooloi fɛɛ ni akɛbahã koni akɛshã shidaa afɔle lɛ ayibɔ ji tsinai nyɔŋmai enyɔ kɛ ejwɛ kɛ ojwɛnii nyɔŋmai ekpaa kɛ too kpakpoi nyɔŋmai ekpaa kɛ gwantɛŋ bihii ni eye afi nyɔŋmai ekpaa. Nibii nɛɛ akɛbahã koni akɛshã afɔle kɛgbele afɔleshãa latɛ lɛ naa be ni afɔ latɛ lɛ mu kɛtsuu he sɛɛ lɛ.

5 Mose 20:5

“Osɔfo lɛ wiemɔ lɛ sɛɛ lɛ, asafoiatsɛmɛi lɛ akɛɛ tabilɔi lɛ akɛ, ‘Nyɛteŋ mɔ ni ema tsu hee ni egbeleko naa lɛ, eku esɛɛ kɛya ewe, ejaakɛ kɛji eeeyanyɔ yɛ ta lɛ mli lɛ, mɔ kroko moŋ ni baagbele tsu lɛ naa.