4 Mose 7:1 - ŊMALƐ KRƆŊKRƆŊ LƐ

¹ Gbi ni Mose gbe Yehowa Kpee Buu Krɔŋkrɔŋ lɛ shinaa lɛ naa lɛ efɔ Kpee Buu Krɔŋkrɔŋ lɛ kɛ ehe nibii lɛ fɛɛ mu ekɛtsuu amɛhe, ni asaŋ efɔ afɔleshãa latɛ lɛ kɛ ehe nibii lɛ hu mu nakai nɔŋŋ ekɛfee fɛɛ krɔŋkrɔŋ.

Ṅmãle̱ Kroṅkroṅ Le̱

¹ Ni eba mli ake̱ gbĩ ni Mose gbe šihĩle̱he le̱ šī nā, ní *efo he mū, ni efe no ke̱ ehe nii le̱ fẽ ke̱ afo̱lešãlate̱ le̱ ke̱ ehe nii le̱ fẽ kroṅkroṅ, ni efo̱ame̱ mũ ni efeame̱ kroṅkroṅ le̱, *2 Mose 40,9. 10.

4 Mose 7:1 ပူးပေါင်းရင်းမြစ်များ

1 Mose 2:3

Nyɔŋmɔ jɔɔ gbi ni ji kpawo lɛ ni efee lɛ krɔŋkrɔŋ, ejaakɛ no nɔ ejɔɔ ehe yɛ, be ni egbe ebɔɔ nitsumɔ ni etsu lɛ fɛɛ naa lɛ.

1 Maŋtsɛmɛi 8:64

Nakai gbi lɛ nɔ nɔŋŋ lɛ maŋtsɛ jɔɔ kpo lɛ ni yɔɔ Sɔlemɔtsu lɛ hiɛ lɛ nɔ efee lɛ krɔŋkrɔŋ, ejaakɛ jɛi eshã shãa afɔlei kɛ niyenii afɔlei kɛ kooloo muu afɔlei lɛ fɛɛ afɔi lɛ yɛ. Efee nakai ejaakɛ akɔɔble afɔleshãa latɛ ni mã Yehowa hiɛ lɛ edaaa, bɔ ni shãa afɔlei lɛ kɛ niyenii afɔlei lɛ kɛ shidaa afɔlei lɛ ahe fɔi lɛ aaaho nɔ.

2 Mose 13:2

“Kromɔbi nuu fɛɛ kromɔbi nuu, ni ji binuu fɛɛ binuu ni gbeleɔ musu naa, yɛ Israelbii ateŋ lɛ ajɔɔ enɔ ahã mi, gbɔmɔ ni jio, kooloo ni jio, ajɔɔ enɔ ahã mi, ejaakɛ minɔ ni.”

2 Mose 29:36

Gbi fɛɛ gbi lɛ omɔ tsina kome koni okɛshã afɔle ni okɛkpãtã Nyɔŋmɔ yɛ esha ni afee hewɔ, ni okɛ kpãtãmɔ ni obaakpãtã nɛɛ nɔŋŋ akpala afɔleshãa latɛ lɛ he esha, ni ofɔ latɛ lɛ mu koni okɛfee lɛ krɔŋkrɔŋ.

2 Mose 40:11

Ofɔ okpolu lɛ kɛ eshishitamɔ nii lɛ hu mu ni okɛfee lɛ krɔŋkrɔŋ.

4 Mose 17:2

“Bi Israelbii lɛ koni amɛkutseiatsɛmɛi lɛ abahã bo dɛhiɛmɔtsei nyɔŋma kɛ enyɔ, akutso fɛɛ akutso lɛ dɛhiɛmɔtso kome. Ŋmãa akutso fɛɛ akutso gbɛi yɛ dɛhiɛmɔtso ni ekɛba lɛ he;

4 Mose 7:10

Maŋ onukpai lɛ hiɛ nikeenii hu kɛba gbi ni afɔ afɔleshãa latɛ lɛ mu lɛ. Be ni maŋ onukpai lɛ kɛ amɛnikeenii lɛ ba lɛ amɛshã afɔle yɛ afɔleshãa latɛ lɛ hiɛ,

4 Mose 7:84

Nibii fɛɛ ni Israel akutseiatsɛmɛi lɛ kɛbahã koni akɛshã afɔle kɛgbele afɔleshãa latɛ lɛ naa gbi nɔ ni afɔ afɔleshãa latɛ lɛ mu kɛjɔɔ nɔ lɛ nɛ: jwiɛtɛi plɛtei nyɔŋma kɛ enyɔ kɛ jwiɛtɛi okpolui hu nyɔŋma kɛ enyɔ kɛ shika tsɛnsii hu nyɔŋma kɛ enyɔ.

4 Mose 7:88

Kooloi fɛɛ ni akɛbahã koni akɛshã shidaa afɔle lɛ ayibɔ ji tsinai nyɔŋmai enyɔ kɛ ejwɛ kɛ ojwɛnii nyɔŋmai ekpaa kɛ too kpakpoi nyɔŋmai ekpaa kɛ gwantɛŋ bihii ni eye afi nyɔŋmai ekpaa. Nibii nɛɛ akɛbahã koni akɛshã afɔle kɛgbele afɔleshãa latɛ lɛ naa be ni afɔ latɛ lɛ mu kɛtsuu he sɛɛ lɛ.

Mateo 23:19

Shwilafoi kwashiai! Te nɔ ni feŋ, afɔle lɛ, loo afɔleshãa latɛ lɛ ni hãa afɔle lɛ feɔ krɔŋkrɔŋ lɛ?