4 Mose 6:9 - ŊMALƐ KRƆŊKRƆŊ LƐ

⁹ “Kɛji mɔ ko tswa shi egbo trukaa yɛ emasɛi, ni no hewɔ lɛ, ebule eyiteŋ tsɔi lɛ ni ejɔɔ nɔ lɛ, eshɛ eyi lɛ yɛ gbi ni ji kpawo lɛ nɔ ni ekɛtsuu ehe.

Ṅmãle̱ Kroṅkroṅ Le̱

⁹ Ni ke̱dši moko yagbo trukã ye̱ emase̱i le̱, ní ebule eheno̱dšō̱mo̱ yi le̱, no le̱ eše̱ eyi ye̱ ehetšūmo̱ gbĩ ní dši *gbĩ kpawo le̱ no̱. *19,11.

4 Mose 6:9 ပူးပေါင်းရင်းမြစ်များ

Ezekiel 44:27

Gbi nɔ ni eyaa He krɔŋkrɔŋ lɛ yɛ mligbɛ kpo lɛ nɔ koni eyasɔmɔ yɛ He Krɔŋkrɔŋ lɛ, eyashã ehe esha afɔle. Mi, Nuŋtsɔ Yehowa mikɛɛ.

3 Mose 14:8

Mɔ ni atsuɔ ehe lɛ afɔ etadei lɛ ahe. Eshɛ eyiteŋ tsɔi fɛɛ, ni ekɛ nu aju ehe koni ehe atse. No sɛɛ lɛ, eba shitoohe lɛ mli, shi ekabote ebuu lɛ mli gbii kpawo.

3 Mose 14:9

Gbi ni ji kpawo lɛ esaa eshɛ eyiteŋ tsɔi ekoŋŋ kɛ etsɛŋ kɛ ehiŋmɛi sɛɛ tsɔi kɛ ehe tsɔi fɛɛ. Efɔ etadei ahe, ni ekɛ nu aju ehe; kɛkɛ lɛ ehe baatse.

4 Mose 6:18

Nazirnyo lɛ ashɛ eyiteŋ tsɔi ni eto kɛjɛ be ni ejɔɔ ehe nɔ ehã Yehowa yɛ Kpee Buu lɛ shinaa lɛ shi lɛ, koni eloo eyitsɔi lɛ ewo la ni yɔɔ toiŋjɔlɛ afɔle lɛ shishi lɛ mli.

4 Mose 6:8

bei abɔ fɛɛ ni Nazirnyo ji lɛ lɛ, mɔ krɔŋkrɔŋ ji lɛ hã Yehowa.

Bɔfoi 18:18

Be ni Paulo ehi jɛi gbii kplaŋŋ sɛɛ lɛ, ekɛ nyɛmimɛi lɛ ye shɛɛ, ni ebote lɛlɛ mli kɛmiiya Siria; ni Priskila kɛ Akwila kɛ lɛ tee ni eyashɛ eyi yɛ Kenkrea, ejaakɛ ewo shi.

Bɔfoi 21:27

Shi be ni eshwɛ fioo ni aaagbe gbii kpawo lɛ naa lɛ, Yudafoi ni jɛ Asia lɛ na lɛ yɛ Sɔlemɔ we lɛ, ni amɛta asafo lɛ fɛɛ mli, ni amɛbamɔ lɛ;

5 Mose 21:12

no lɛ kɛ yoo lɛ aya owe, ni ohã eshɛ eyi, ni ejie ewaobii anaa;