4 Mose 5:8 - ŊMALƐ KRƆŊKRƆŊ LƐ

⁸ Shi kɛji mɔ nɔ ni atɔ̃ lɛ egbo, ni anaaa ewekunyo ko ni bɛŋkɛ lɛ koni akɛ najiaŋtoo nii lɛ ahã mɔ lɛ lɛ, no lɛ najiaŋtoo nii lɛ atsɔ Yehowa nɔ, ni akɛhã osɔfo lɛ; esoro ojwɛni ni tɔ̃lɔ lɛ baahã koni akɛshã afɔle ekɛdãi efɔŋ ni efee lɛ.

Ṅmãle̱ Kroṅkroṅ Le̱

⁸ Ši ke̱dši nakai mo le̱ be̱ wekunyo ko ní be̱ṅke̱le̱ ní ake̱ nãdšiaṅtōnii le̱ aahãle̱ le̱, no le̱ nãdšiaṅtōnii le̱ atšo Iehowa nõ ni aṅõ-hã oso̱fo le̱, sŏro kpãtã-mo̱ tōagbo ní ake̱-bakpãtãa ahãale̱ le̱.

4 Mose 5:8 ပူးပေါင်းရင်းမြစ်များ

2 Maŋtsɛmɛi 12:16

Shi shika ni anaa kɛjɛɔ sɔ̃ afɔle kɛ esha afɔle lɛ mli lɛ, akɛ nomɛi baaa Yehowa we lɛ, nomɛi lɛ osɔfoi lɛ anɔ ni.

3 Mose 5:16

Mɔ ni efee esha yɛ onia krɔŋkrɔŋ ko gbɛfaŋ lɛ ato onia ni ehãaa lɛ najiaŋ, ni ekɛ mlijaa enumɔ mli ekome afata he. Ekɛhã osɔfo lɛ. Osɔfo lɛ kɛ too ojwɛni lɛ akpãtã akɛ sɔ̃ afɔle ahã lɛ, koni akɛ esha ni efee lɛ afa lɛ.

3 Mose 6:5

loo nɔ ko ni ekã he amale kitã lɛ, najiaŋ.

3 Mose 7:7

Esha afɔle lɛ etamɔ sɔ̃ afɔle lɛ; mla kome nɔŋŋ kã shi hã enyɔ lɛ fɛɛ: osɔfo ni shãa afɔle lɛ kɛkpãtãa lɛ, enɔ ji loo lɛ.

4 Mose 5:7

no lɛ ejaje esha ni efee lɛ, ni eto mɔ ni efee lɛ esha lɛ najiaŋ; asaŋ ekɛ nii ni ekɛtoɔ mɔ lɛ najiaŋ lɛ mlijaa enumɔ mli ekome afata he ehã mɔ lɛ.

4 Mose 5:9

Asaŋ nibii fɛɛ ni Israelbii lɛ kɛaabahã akɛ amɛkɛbake Yehowa lɛ, osɔfoi lɛ anɔ ni.