4 Mose 5:7 - ŊMALƐ KRƆŊKRƆŊ LƐ

⁷ no lɛ ejaje esha ni efee lɛ, ni eto mɔ ni efee lɛ esha lɛ najiaŋ; asaŋ ekɛ nii ni ekɛtoɔ mɔ lɛ najiaŋ lɛ mlijaa enumɔ mli ekome afata he ehã mɔ lɛ.

Ṅmãle̱ Kroṅkroṅ Le̱

⁷ no le̱ ame̱dšadše eša ní ame̱fe le̱ faṅṅ, ni ame̱to noni ame̱ye yi sõ le̱ nãdšiaṅ, ni ame̱ṅõ mlidšāi enumo̱ mli ekome ame̱fata he ame̱hã mo he ní dse̱ ní ame̱ye fo̱ le̱.

4 Mose 5:7 ပူးပေါင်းရင်းမြစ်များ

Lalai 32:5

Mijaje mihe esha lɛ mitsɔ̃ɔ bo, ni minifɔɔjianii lɛ mitsimɔ̃ɔɔ nɔ. Mikɛɛ akɛ, “Majaje mitɔmɔi lɛ matsɔ̃ɔ Yehowa.” Kɛkɛ ni okɛ mihe esha kɛ tɔ̃mɔ lɛ fa mi.

Abe̱i 28:13

Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.

3 Mose 26:40

“Shi kɛji amɛjaje amɛnifɔɔjianii lɛ kɛ amɛtsɛmɛi lɛ hu anifɔ̃ɔjianii ni amɛfee amɛshi mi, kɛ bɔ ni amɛbaaa amɛjeŋ bɔ ni mi mitaoɔ,

3 Mose 26:41

ni no hewɔ hu mi hu mite shi miwo amɛ, ni mihã amɛyaje amɛhenyɛlɔi shikpɔŋ nɔ lɛ, kɛji amɛtsui ni ekpiliŋ lɛ he jɔ, ni amɛba amɛhe shi, ni amɛkpɛlɛ̃ amɛnifɔɔji lɛ ahe nyɔmɔwoo lɛ nɔ lɛ,

3 Mose 5:15

“Kɛji oniai krɔŋkrɔŋi ni atsuɔ ahãa Yehowa lɛ mɔ ko hãaa egbɛfaŋnɔ, ni no ehã eye sɔ̃ ni eleee lɛ, no lɛ esɔ̃ afɔle ni ekɛbaahã Yehowa nɛ: etoi lɛ ateŋ too ojwɛni ni he bɛ kpa ko. Too lɛ jara adamɔ he krɔŋkrɔŋ lɛ shika jara nɔ, ni akɛfee sɔ̃ afɔle.

3 Mose 5:16

Mɔ ni efee esha yɛ onia krɔŋkrɔŋ ko gbɛfaŋ lɛ ato onia ni ehãaa lɛ najiaŋ, ni ekɛ mlijaa enumɔ mli ekome afata he. Ekɛhã osɔfo lɛ. Osɔfo lɛ kɛ too ojwɛni lɛ akpãtã akɛ sɔ̃ afɔle ahã lɛ, koni akɛ esha ni efee lɛ afa lɛ.

3 Mose 5:5

Kɛji mɔ ko ye sɔ̃ yɛ nii nɛɛ eko he lɛ, no lɛ ejaje esha ni efee lɛ

3 Mose 7:7

Esha afɔle lɛ etamɔ sɔ̃ afɔle lɛ; mla kome nɔŋŋ kã shi hã enyɔ lɛ fɛɛ: osɔfo ni shãa afɔle lɛ kɛkpãtãa lɛ, enɔ ji loo lɛ.

4 Mose 5:8

Shi kɛji mɔ nɔ ni atɔ̃ lɛ egbo, ni anaaa ewekunyo ko ni bɛŋkɛ lɛ koni akɛ najiaŋtoo nii lɛ ahã mɔ lɛ lɛ, no lɛ najiaŋtoo nii lɛ atsɔ Yehowa nɔ, ni akɛhã osɔfo lɛ; esoro ojwɛni ni tɔ̃lɔ lɛ baahã koni akɛshã afɔle ekɛdãi efɔŋ ni efee lɛ.

Luka 19:8

Shi Zakeo ho damɔ shi ni ekɛɛ Nuŋtsɔ lɛ akɛ, “Nuŋtsɔ, naa, miiŋɔ minii fã make ohiafoi, ni kɛji mikɛ yaka naafolɔmɔ eshɔ̃ mɔ ko nɔ ko yɛ edɛŋ lɛ, miiku mabɔ he toi ejwɛ mahã lɛ.”

Yoshua 7:19

Kɛkɛ ni Yoshua kɛɛ Akan akɛ, “Mibi, wo Yehowa, Israel Nyɔŋmɔ lɛ, hiɛ nyam, ni asaŋ jiemɔ eyi. Jajemɔ otsɔ̃ɔ mi nɔ ni ofee; kaashiu mi sane nɔ.”