4 Mose 5:23 - ŊMALƐ KRƆŊKRƆŊ LƐ

²³ Osɔfo lɛ aŋmã loomɔi nɛɛ yɛ nɔ ko nɔ; no sɛɛ lɛ, efɔ niŋmaa lɛ ewo nu ni joɔ lɛ mli,

Ṅmãle̱ Kroṅkroṅ Le̱

²³ Ni oso̱fo le̱ aṅmã lōmo̱i ne̱ ye̱ wolo no̱, ni efo̱ ewo nu ke̱ dšōmo̱ le̱ mli,

4 Mose 5:23 ပူးပေါင်းရင်းမြစ်များ

2 Kronika 34:24

‘Mi, Yehowa, mibafee biɛ nɛɛ kɛ emli bii fɛɛ efɔŋ; mahã loomɔi fɛɛ ni aŋmala yɛ wolo ni akane atsɔ̃ɔ Yuda maŋtsɛ lɛ mli lɛ fɛɛ aba mli.

Hiob 31:35

Oo, mina mɔ ko ni aaabo mi toi! Naa, minine naa okadi! Ofe lɛ ahã mi hetoo! Oo, mina ni kulɛ mɔ ni kɛ mi ena lɛ eŋmala saji ni ekɛshiɔ mi lɛ ewo wolo hiɛ!

Lalai 51:1

Oo Naa Nyɔŋmɔ, naa mi mɔbɔ yɛ osuɔmɔ ni tsakeee lɛ hewɔ. Omɔbɔnalɛ babaoo lɛ naa lɛ, gbee mitɔmɔi lɛ.

Lalai 51:9

Kaakwɛ eshai ni mifee lɛ; fɔ mihe eshai lɛ fɛɛ oshwie.

2 Mose 17:14

Kɛkɛ ni Yehowa kɛɛ Mose akɛ, “Ŋmaa kunimyeli nɛɛ he sane lɛ owo wolo mli ofɔ̃ shi koni etsɔ̃ kaimɔ nɔ; ni okpã owo Yoshua toiŋ akɛ mibagbe Amalek kwrakwra yɛ shikpɔŋ nɛɛ nɔ.”

Yesaia 43:25

“Kɛ̃lɛ mi, mi nɔŋŋ ji mɔ ni ŋɔɔ ohe eshai lɛ efaa, yɛ mi diɛŋtsɛ mihewɔ, ni mikaiŋ ohe eshai lɛ dɔŋŋ.

Yesaia 44:22

Mihã ohe eshai lɛ ekpalaŋ kɛtee tamɔ atatu, ohe eshai lɛ emii tamɔ afua. Kpalemɔ kɛba miŋɔɔ, ejaakɛ mi, mikpɔ̃ bo.”

4 Mose 5:22

Kɛji nɛkɛ nu nɛɛ ni gbalaa loomɔ kɛbaa lɛ bote omli lɛ, ehã omusu afũu, ni oyoohe abɛ.’ ” Yoo lɛ ahere osɔfo lɛ nɔ akɛ, “Amen. Amen!”

4 Mose 5:24

ni ehã yoo lɛ anu nu ni joɔ ni gbalaa loomɔ kɛbaa lɛ, koni kɛji nu lɛ bote yoo lɛ mli lɛ epiŋ lɛ waa.

Bɔfoi 3:19

No hewɔ lɛ, nyɛtsakea nyɛtsui ni nyɛkua nyɛsɛɛ, koni agbe nyɛhe eshai lɛ,

5 Mose 31:19

“No hewɔ lɛ, agbɛnɛ ŋmaa nɛkɛ lala nɛɛ, ni otsɔ̃ɔ Israelbii lɛ. Lala lɛ ahi amɛdaaŋ. Enɛ baaye mi kɛ Israelbii ateŋ odase.

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.