4 Mose 4:4 - ŊMALƐ KRƆŊKRƆŊ LƐ

⁴ Kohatbii lɛ anitsumɔ ni amɛbaatsu yɛ Kpee Buu lɛ he lɛ kɔɔ nibii krɔŋkrɔŋi fe fɛɛ lɛ ahe.

Ṅmãle̱ Kroṅkroṅ Le̱

⁴ Ene̱ dši Kahat bii le̱ anitšumo̱ ní ame̱batšu ye̱ kpē-bū le̱ he, nii kroṅkroṅi ní fè fẽ le ahe.

4 Mose 4:4 ပူးပေါင်းရင်းမြစ်များ

1 Kronika 23:6

David jara amɛmli kuikui yɛ Levi bihii ni ji Gershon kɛ Kohat kɛ Merari lɛ anaa.

4 Mose 10:21

Kɛkɛ ni Levibii lɛ ateŋ Kohatbii lɛ ni tereɔ He Krɔŋkrɔŋ lɛ mli nibii lɛ fã. Ashiɔ Yehowa Kpee Buu Krɔŋkrɔŋ lɛ amãa shi dani asafo lɛ yashɛɔ he ni ayaato shi yɛ ehee lɛ.

4 Mose 4:15

Kɛji Aaron kɛ ebihii lɛ eha Kpee Buu lɛ kɛ Buu lɛ mli nibii lɛ hu fɛɛ ahe amɛgbe naa, ni maŋ lɛ baafã nyiɛmɔ lɛ, no mli dani Kohatbii lɛ abahole nibii lɛ, shi moŋ amɛkɛ amɛnine akata nibii lɛ eko he koni amɛkagboi. Enɛɛmɛi ji Kpee Buu lɛ he nibii ni Kohatbii lɛ baatere lɛ.

4 Mose 4:19

kɛtsɔ̃ gboimɔ ni amɛaagboi kɛji amɛmiibɛŋkɛ nibii krɔŋkrɔŋi fe fɛɛ lɛ nɔ. Shi moŋ nɔ ni nyɛfee nyɛhã amɛ koni amɛyi ana wala ji akɛ Aaron kɛ ebihii lɛ abote Kpee Buu lɛ mli koni amɛtsɔ̃ɔ Kohatbii lɛ ateŋ mɔ fɛɛ mɔ enitsumɔ kɛ ejatsu hu.

4 Mose 4:24

Jatsui ni Gershonbii lɛ atere ji:

4 Mose 4:3

kɛjɛ mɔ ni eye afii nyɔŋmai etɛ̃ nɔ aahu kɛyashi mɔ ni eye afii nyɔŋmai enumɔ nɔ. Aŋmã mɔ fɛɛ mɔ ni yɔɔ hegbɛ akɛ etsu nii yɛ Kpee Buu lɛ mli lɛ gbɛi koni amɛtsu Kpee Buu lɛ he nii.

4 Mose 4:30

kɛjɛ mɔ ni eye afii nyɔŋmai etɛ̃ nɔ aahu kɛyashi mɔ ni eye afii nyɔŋmai enumɔ nɔ. Aŋmã mɔ fɛɛ mɔ ni yɔɔ hegbɛ akɛ etsuɔ nii yɛ Kpee Buu lɛ mli lɛ gbɛi koni amɛtsu Kpee Buu lɛ he nii.

4 Mose 4:5

“Kɛji maŋ lɛ baafã nyiɛmɔ lɛ, Aaron kɛ ebihii lɛ aya Kpee Buu lɛ mli, ni amɛyajie muhɔɔ ni tsiɔ Kpãŋmɔ Adeka lɛ hiɛ lɛ koni amɛkɛ muhɔɔ nɛɛ aha Kpãŋmɔ Adeka lɛ he.

4 Mose 7:9

Shi Kohatbii lɛ shwiili jio, tsina jio, Mose hãaa amɛ eko ejaakɛ nibii krɔŋkrɔŋi ni amɛkwɛɔ nɔ lɛ, kɔ̃ŋ nɔ atereɔ yɛ.

Marko 13:34

Etamɔ nuu ko ni edom eshi ewe, ni ehã etsuji lɛ hegbɛ kɛ amɛteŋ mɔ fɛɛ mɔ enitsumɔ, ni efã agbonaakwɛlɔ lɛ akɛ ebu.