4 Mose 3:9 - ŊMALƐ KRƆŊKRƆŊ LƐ

⁹ Ojɔɔ Levibii lɛ anɔ ohã Aaron kɛ ebihii lɛ. Oŋɔ amɛ yɛ Israelbii lɛ ateŋ, ni ojɔɔ amɛnɔ kwraa ohã koni amɛsɔ̃mɔ Aaron kɛ ebihii osɔfoi lɛ.

Ṅmãle̱ Kroṅkroṅ Le̱

⁹ Ni oṅõ Levibii le̱ ohã Aaron ke̱ ebihĩĩ le̱, aṅõame̱ ahãle̱ kwrä ye̱ Israelbii le̱ ateṅ.

4 Mose 3:9 ပူးပေါင်းရင်းမြစ်များ

1 Kronika 15:2

Kɛkɛ ni David kɛɛ akɛ, “Levibii lɛ pɛ ji mɛi ni baatere Nyɔŋmɔ Kpãŋmɔ Adeka lɛ ejaakɛ amɛ ji mɛi pɛ ni Yehowa ŋɔ̃ akɛ amɛ amɛta Yehowa Kpãŋmɔ Adeka lɛ he, asaŋ akɛ amɛsɔmɔ lɛ kɛya naanɔ.”

1 Kronika 6:33

Naa hii ni tsu lala he nitsumɔ nɛɛ eko lɛ. Amɛteŋ mɔ fɛɛ mɔ kɛ eshwiei: Kohatbii anɔ mli lɛ Heman, ni ji Samuel bi Yoel bi lɛ, ji klɛŋklɛŋ lalatsɛ lɛ. Nɛkɛ ji bɔ ni wekukpãa kã shi ha kɛyashi Yakob nɔ: Heman tsɛ ji Yoel, ni Yoel tsɛ ji Samuel.

Ezra 2:43

Sɔlemɔ we sɔ̃ɔlɔi lɛ: Zihabii kɛ Hasufabii kɛ Tabaotbii lɛ.

Ezra 6:18

Ni amɛto osɔfoi lɛ kɛ amɛsafokui lɛ, kɛ Levibii yɛ amɛmlijai lɛ anaa amɛhã Nyɔŋmɔ sɔ̃ɔmɔ nitsumɔ ni yɔɔ Yerusalɛm lɛ, taakɛ bɔ ni aŋmã yɛ Mose wolo lɛ mli lɛ.

Ezra 8:20

Sɔlemɔ We sɔ̃ɔlɔi ohai enyɔ kɛ nyɔŋmai enyɔ ni David kɛ etsuji lɛ hala ni amɛsɔ̃mɔ Levibii lɛ fata he. Amɛ fɛɛ lɛ, atsi amɛgbɛii atã.

4 Mose 16:9

Israel Nyɔŋmɔ lɛ etse nyɛ yɛ Israel asafo lɛ he, ni ehãa nyɛ hegbɛ ni nyɛbɛŋkɛɔ lɛ, ni nyɛtsuɔ Yehowa Kpee Buu Krɔŋkrɔŋ lɛ mli nii; ni asaŋ nyɛdamɔɔ asafo lɛ hiɛ nyɛsɔ̃mɔɔ amɛ, aso no faaa hãaa nyɛ lo?

4 Mose 18:2

Ŋɔɔ onyɛmimɛi, Levibii ni ji otsɛ akutso lɛ mli bii lɛ, ofata ohe koni amɛwa bo be ni bo kɛ obii lɛ tsuɔ osɔfoi anitsumɔi lɛ yɛ Kpee Buu lɛ mli lɛ.

4 Mose 3:8

Amɛbaakwɛ Kpee Buu Krɔŋkrɔŋ lɛ mli saamɔ nibii lɛ fɛɛ anɔ, ni amɛbaawa maŋbii foji lɛ kɛji amɛba koni amɛbaja yɛ Yehowa Kpee Buu Krɔŋkrɔŋ lɛŋ.

4 Mose 8:14

koni ojie Levibii lɛ yɛ Israelbii krokomɛi lɛ ateŋ oto afã akɛ minɔ.

4 Mose 8:16

Ejaakɛ miiŋɔ amɛ kwraa yɛ Israelbii lɛ ateŋ miihã mihe; mikɛ amɛ eto nɔ fɛɛ nɔ ni gbeleɔ musu naa ni ji Israelbii akromɔbii lɛ anajiaŋ.

4 Mose 8:18

Levibii lɛ mikɛto Israelbii lɛ akromɔbii fɛɛ anajiaŋ

4 Mose 8:19

ni mikɛ Levibii lɛ miihã Aaron kɛ ebihii lɛ kwraa akɛ Israelbii lɛ adɛŋ nikeenii koni amɛsɔ̃mɔ yɛ Kpee Buu lɛ mli yɛ Israelbii lɛ anajiaŋ bɔ ni afee ni amɛkpãtã efɔŋ ni baaba maŋbii anɔ kɛji amɛbɛŋkɛ He Krɔŋkrɔŋ lɛ.”

Efesobii 4:11

Ni lɛ nɔŋŋ ehã mɛi komɛi tsɔ̃mɔ bɔfoi, mɛi komɛi lɛ gbalɔi, mɛi komɛi hu Sanekpakpashiɛlɔi, ni mɛi komɛi hu nɔkwɛlɔi kɛ tsɔɔlɔi.

Efesobii 4:8

No hewɔ lɛ, ekɛɛ, “Ekwɔ kɛtee ŋwɛi, ni eŋɔ nomi anom, ni ekɛ nikeenii hã gbɔmɛi.”