4 Mose 3:6 - ŊMALƐ KRƆŊKRƆŊ LƐ

⁶ “Ŋɔɔ Levi akutso lɛ kɛba ni owo amɛ yelikɛbualɔi, mɛi ni baawa Osɔfo Aaron yɛ esɔfoyeli nitsumɔ lɛ mli.

Ṅmãle̱ Kroṅkroṅ Le̱

⁶ Ṅõ Levi akutšo le̱ ke̱-ba ni oke̱ame̱ abadamo̱ oso̱fo Aaron hĩe, koni ame̱súmo̱le̱; 2 Mose 32,29.

4 Mose 3:6 ပူးပေါင်းရင်းမြစ်များ

1 Kronika 15:2

Kɛkɛ ni David kɛɛ akɛ, “Levibii lɛ pɛ ji mɛi ni baatere Nyɔŋmɔ Kpãŋmɔ Adeka lɛ ejaakɛ amɛ ji mɛi pɛ ni Yehowa ŋɔ̃ akɛ amɛ amɛta Yehowa Kpãŋmɔ Adeka lɛ he, asaŋ akɛ amɛsɔmɔ lɛ kɛya naanɔ.”

1 Kronika 23:28

ni ahã amɛ nitsumɔi ni baa nɛɛ akɛ amɛtsu: amɛwaa Aaron shwiei ni ji osɔfoi lɛ kɛji aaja yɛ Yehowa we lɛ; amɛsaa kpoi lɛ anɔ kɛ piai lɛ amli; amɛtsumɔɔ nibii krɔŋkrɔŋi lɛ fɛɛ ahe; amɛtsuɔ nitsumɔi krokomɛi fɛɛ ni kɔɔ Yehowa we lɛ mli sɔɔmɔ he;

1 Kronika 23:32

Belɛ Levibii lɛ ji mɛi ni kwɛ Yehowa Kpee Buu lɛ kɛ Sɔlemɔ we lɛ nɔ; ni amɛ amɛwa Aaron shwiei ni ji amɛnyɛmimɛi osɔfoi lɛ, ni akɛsɔmɔ yɛ Yehowa we lɛ.

1 Kronika 6:33

Naa hii ni tsu lala he nitsumɔ nɛɛ eko lɛ. Amɛteŋ mɔ fɛɛ mɔ kɛ eshwiei: Kohatbii anɔ mli lɛ Heman, ni ji Samuel bi Yoel bi lɛ, ji klɛŋklɛŋ lalatsɛ lɛ. Nɛkɛ ji bɔ ni wekukpãa kã shi ha kɛyashi Yakob nɔ: Heman tsɛ ji Yoel, ni Yoel tsɛ ji Samuel.

2 Kronika 29:11

Mibii, nyɛkafea hejɔ̃ yɛ sane nɛɛ mli ejaakɛ nyɛ, nyɛ ji mɛi ni Yehowa diɛŋtsɛ ehala akɛ nyɛdamɔ ehiɛ nyɛsɔmɔ lɛ, asaŋ ni nyɛshã tsofakɛŋma nyɛhã lɛ.”

Ezra 6:18

Ni amɛto osɔfoi lɛ kɛ amɛsafokui lɛ, kɛ Levibii yɛ amɛmlijai lɛ anaa amɛhã Nyɔŋmɔ sɔ̃ɔmɔ nitsumɔ ni yɔɔ Yerusalɛm lɛ, taakɛ bɔ ni aŋmã yɛ Mose wolo lɛ mli lɛ.

Maleaki 2:4

Enɛ ji nɔ ni nyɛkɛaana nyɛle akɛ mi mikɛ kitã nɛɛ tsu kɛba nyɛŋɔɔ; ni asaŋ koni kpãŋmɔ ni kã mi kɛ osɔfoi, ni ji Levi shwiei lɛ, ateŋ lɛ akaku mli,” Yehowa, Taiatsɛ kɛɛ.

4 Mose 18:21

“Too fɛɛ too ni ji nii mlijaa nyɔŋma mli ekomekome ni awoɔ yɛ Israel ni akɛbahãa mi lɛ, mijɔɔ nɔ mihã Levibii lɛ akɛ amɛgbɛfaŋ gboshinii yɛ sɔ̃ɔmɔ ni amɛsɔ̃mɔɔ kɛtsuɔ Kpee Buu lɛ he nii lɛ hewɔ.

4 Mose 2:17

“Kɛkɛ lɛ Levibii lɛ kɛ Kpee Buu lɛ hu baafã kɛnyiɛ klɛŋklɛŋ asafoi wuji enyɔ lɛ kɛ naagbee asafoi wuji enyɔ lɛ ateŋ. Bɔ ni ato naa abato shi lɛ, nakai nɔŋŋ abaato naa kɛfã nyiɛmɔ, mɔ fɛɛ mɔ anyiɛ egbɛhe yɛ aflaŋaa shishi.

4 Mose 2:33

Shi akaneee Levibii lɛ ashiii Israelbii krokomɛi lɛ anɔ tamɔ bɔ ni Yehowa fã Mose akɛ efee lɛ.

4 Mose 3:5

Kɛkɛ ni Yehowa kɛɛ Mose akɛ,

5 Mose 10:8

Be ni ayɔɔ gɔŋ lɛ he lɛ, Yehowa ŋɔ Levi akutso lɛ akɛ amɛ amɛtere Kpãŋmɔ Adeka lɛ. Asaŋ amɛ amɛdamɔ ehiɛ amɛsɔmɔ lɛ, ni amɛ pɛ amɛkɛ egbɛi ajɔɔ mɛi. Nitsumɔi nɛɛ amli amɛhiɛ kɛbashi ŋmɛnɛ gbi nɛɛ.