4 Mose 3:13 - ŊMALƐ KRƆŊKRƆŊ LƐ

¹³ Ejaakɛ gbi ni migbe Ijipt shikpɔŋ lɛ nɔ kromɔbii fɛɛ lɛ, mijɔɔ Israelbii akromɔbii fɛɛ anɔ mihã mihe, kɛjɛ gbɔmɔ kromɔbi nɔ kɛyashi shĩa kooloo kromɔbi nɔ. Minii ji amɛ fɛɛ. Mi ji Yehowa.”

Ṅmãle̱ Kroṅkroṅ Le̱

¹³ Edšake̱ minõ dši kromo̱bi-fẽ-kromo̱bi; gbĩ ní mitſia kromo̱bii fẽ anii ye̱ Mizraim šikpoṅ le̱ no̱ le̱, gbĩ le̱ mife kromo̱bii fẽ kroṅkroṅ ye̱ Israel ke̱-dše̱ gbomo no̱ ke̱-yaši šĩa koloi ano̱: minii dšiame̱; midši Iehowa.

4 Mose 3:13 ပူးပေါင်းရင်းမြစ်များ

Nehemia 10:36

Tamɔ bɔ ni aŋmã yɛ Mla lɛ mli lɛ, wɔkɛ wɔkromɔbihii kɛ wɔkooloi akromɔbii hu kɛ wɔtsinai akromɔbii kɛ wɔtoi akromɔbii aaaba wɔNyɔŋmɔ lɛ we lɛ wɔkɛbahã osɔfoi lɛ ni sɔ̃mɔɔ yɛ jɛi lɛ.

2 Mose 13:12

binuu fɛɛ binuu ni gbeleɔ musu naa lɛ, nyɛjɔa enɔ nyɛhãa mi, Yehowa. Nyɛshiai amli kooloi akromɔ bihii hu Yehowa nii ni.

2 Mose 13:15

Ejaakɛ be ni Farao kɛ kuɛŋtilɛ ekpɛlɛ̃ɛɛ kwrakwra akɛ eŋmɛ wɔ gbɛ koni wɔshi Ijipt lɛ, Yehowa gbe Ijipt shikpɔŋ lɛ nɔ kromɔbii fɛɛ kɛjɛ gbɔmɔ kromɔbi nɔ kɛyashi kooloo tete kromɔbi nɔ. Enɛ hewɔ ni kooloo fɛɛ kooloo ni gbeleɔ musu naa, ni ji nuu lɛ, wɔkɛshãa afɔle wɔhãa Yehowa lɛ, shi wɔkromɔ bihii lɛ, amɛ lɛ wɔkpɔ̃ɔ amɛ lɛ.

2 Mose 13:2

“Kromɔbi nuu fɛɛ kromɔbi nuu, ni ji binuu fɛɛ binuu ni gbeleɔ musu naa, yɛ Israelbii ateŋ lɛ ajɔɔ enɔ ahã mi, gbɔmɔ ni jio, kooloo ni jio, ajɔɔ enɔ ahã mi, ejaakɛ minɔ ni.”

2 Mose 22:29

“Kɛji oŋmɔshi nii ba, ni kɛ oŋa owain kɛ omu lɛ, kaashashao shi ni okɛ Nyɔŋmɔ nɔ lɛ abahã lɛ. Jɔɔmɔ obihii ateŋ kromɔ lɛ nɔ ohã mi.

2 Mose 34:19

“Nɔ fɛɛ nɔ ni ji nuu ni gbeleɔ musu naa lɛ minɔ ni, tsina ni jio, too ni jio.

Ezekiel 44:30

Nyɛŋmɔshinii fɛɛ amli klɛŋklɛŋ yibii ni hi fe fɛɛ lɛ kɛ nibii fɛɛ ni nyɛkɛshãa afɔlei nyɛhãa mi lɛ, osɔfoi lɛ anɔ ni. Asaŋ klɛŋklɛŋ ma aboloo ni nyɛaashã lɛ, akɛhã osɔfoi lɛ, koni mijɔɔmɔ ahi nyɛwe.

3 Mose 27:26

“Shi kooloi fɛɛ akromɔbii ni ji Yehowa nii momo lɛ, mɔ ko akajɔɔ eko nɔ ekɛmiike Yehowa: tsina ni jio, too ni jio, Yehowa nɔ ni momo.

4 Mose 18:15

“Nɔ fɛɛ nɔ ni gbeleɔ musu naa ni akɛbahãa Yehowa lɛ, gbɔmɔ ni jio, kooloo ni jio, mijɔɔ enɔ mihã nyɛ. Shi gbɔmɔ kromɔbi lɛ ohã akpɔ̃ lɛ; kooloi ni he tseee lɛ ohã akpɔ̃ amɛ

4 Mose 18:6

Ni naa, mijie nyɛnyɛmimɛi Levibii lɛ yɛ Israelbii fɛɛ ateŋ, ni mikɛ amɛ eke nyɛ akɛ mi, Yehowa, minikeenii, koni amɛsɔ̃mɔ yɛ Kpee Buu lɛ mli.

4 Mose 3:41

ni otse Levibii lɛ ohã mi, Yehowa, koni okɛ amɛ ato Israelbii kromɔ bihii lɛ fɛɛ anajiaŋ. Nakai nɔŋŋ oŋɔ̃ Levibii ashĩa kooloi ohã mi koni okɛto Israelbii fɛɛ ashĩa kooloi akromɔ bihii fɛɛ anajiaŋ.”

4 Mose 33:4

No mli lɛ Ijiptbii lɛ miifufuu amɛkromɔbii fɛɛ ni Yehowa egbe lɛ agbohii lɛ. Yehowa kɛ nɛkɛ gbele nɛɛ tsɔ̃ɔ akɛ eyɛ hewalɛ fe Ijiptbii awɔji lɛ.

Luka 2:23

tamɔ bɔ ni aŋma yɛ Nuŋtsɔ lɛ Mla lɛ mli akɛ, “Nuu fɛɛ nuu ni gbeleɔ musu naa lɛ aaatsɛ lɛ mɔ ni afee lɛ krɔŋkrɔŋ ahã Nuŋtsɔ lɛ;”

Hebribii 12:23

kɛ kromɔbii ni aŋma amɛgbɛii yɛ ŋwɛi lɛ asafo lɛ he nyɛba. Kɛ Nyɔŋmɔ ni ji mɛi fɛɛ akojolɔ lɛ, kɛ jalɔi ni ehi kɛwula shi lɛ amumɔi lɛ,