4 Mose 28:3 - ŊMALƐ KRƆŊKRƆŊ LƐ

³ “Gbi fɛɛ gbi lɛ ahã gwantɛŋbii enyɔ ni eye afiafi asaŋ ni kpa ko bɛ amɛhe koni akɛshã afɔle ahã mi.

Ṅmãle̱ Kroṅkroṅ Le̱

³ Ni okē̱ame̱ ake̱: Šā̃-afo̱le ní nyešã nyehã Iehowa ne̱: Gbĩ-fẽ-gbĩ le̱ gwanteṅbii enyo̱ ní eye afifi ní kpa ko be̱ ame̱he ake̱-šã afo̱le ahãmi. 2 Mose 29,38-42.

4 Mose 28:3 ပူးပေါင်းရင်းမြစ်များ

1 Kronika 16:40

koni amɛshã shãa afɔlei yɛ afɔleshãa latɛ lɛ nɔ amɛhã Yehowa daa leebi kɛ gbɛkɛ, bɔ ni mla ni Yehowa ewo Israel lɛ kɛɔ lɛ.

2 Kronika 8:13

Gbi fɛɛ gbi kɛ enɔ afɔle ni ashãa bɔ ni Mose wo he kitã akɛ ashã lɛ. Solomon shã Hejɔɔmɔgbii afɔlei lɛ, kɛ nyɔji hei ashishijee afɔlei lɛ kɛ afi mli gbii juji etɛ̃ lɛ hu anɔ afɔlei lɛ, nomɛi ji Ma Akpiti Gbijurɔ lɛ kɛ Otsii Agbijurɔ lɛ kɛ Asesei Agbijurɔ lɛ.

Ezra 3:5

Enɛɛmɛi asɛɛ hu amɛshã daa shãa afɔlei lɛ kɛ nyɔŋ hee afɔlei lɛ kɛ gbii krɔŋkrɔŋi fɛɛ anɔ shãa afɔlei ni Yehowa etsɔ̃ɔ akɛ ashã lɛ, kɛ mɔ fɛɛ mɔ nii ni ekɛbakeɔ Yehowa yɛ tsuijurɔ naa lɛ.

Daniel 11:31

Ebaawo etabilɔi lɛ ekomɛi agbɛ koni amɛyabule Sɔlemɔ we Krɔŋkrɔŋ lɛ kɛ mɔɔ lɛ hu. Amɛbaagu daa gbi afɔlei ni ashãa lɛ, ni amɛkɛ amãgã ni buleɔ Sɔlemɔ we lɛ baama jɛi.

Daniel 12:11

“Kɛji agu daa gbi afɔle ni ashãa lɛ, be ni akɛ amãgã ni buleɔ Sɔlemɔ we lɛ baama shi lɛ, gbii akpe kɛ ohai enyɔ kɛ nyɔŋmai nɛɛhu baaho.

Daniel 8:11

Ewo ehe nɔ aahu kɛyashɛ ŋwɛi asafo lɛ lumɔ lɛ tete nɔ; ni eshɔ̃ daa gbi afɔle ni ashãa lɛ yɛ edɛŋ, ni efite He Krɔŋkrɔŋ lɛ.

Daniel 8:13

Kɛkɛ ni minu mɔ krɔŋkrɔŋ ko gbee miiwie, ni minu ni mɔ krɔŋkrɔŋ kroko hu bi mɔ krɔŋkrɔŋ ni wie lɛ akɛ, “Mɛɛ beyinɔ nɔŋŋ ninaa nɛɛ baakã he kɛyashi? Mɛɛ be mlatɔ̃mɔ nɛɛ baatsĩ daa gbi afɔleshãa krɔŋŋ lɛ naa kɛyashi? Ni mɛɛ be nɔŋŋ abaanaanaa ŋwɛi asafo lɛ nɔ, ni abaabule He Krɔŋkrɔŋ lɛ kɛyashi.”

3 Mose 3:5

Osɔfoi lɛ kɛshwie afɔleshãa latɛ lɛ nɔ koni ashã: shãa afɔle ni jeɔ ŋma ewoɔ Yehowa ni.

3 Mose 6:9

“Fã Aaron kɛ ebii lɛ akɛ shãa afɔle he mla nɛ. Shãa afɔle lɛ ahi afɔleshãa latɛ lɛ nɔ nyɔɔŋnyɔɔŋ fɛɛ, ni la ahi shishi kɛyashi leebi.

Amos 4:4

“Nyɛ Israelbii, nyɛbaa Betel nyɛbatɔ̃a mla; nyɛyaa Gilgal nyɛyahãa mlanɔtɔ̃mɔ lɛ afaa; nyɛkɛ nyɛfɔlei abaa koni ashã daa leebi; ni nyɛkɛ nyɛnibii amlijaa nyɔŋma mli ekomekome lɛ abaa daa gbii etɛ̃.

4 Mose 28:10

Hejɔɔmɔ gbi lɛ nɔ afɔle nɛɛ sɛɛ lɛ, ashã daa gbi afɔle lɛ hu kɛ ehe dãa afɔle lɛ.”

4 Mose 28:15

No sɛɛ lɛ, akɛ too kpakpo kome ashã esha hefaikpamɔ afɔle akɛhã Yehowa; dani soro daa gbi afɔle kɛ ehe dãa afɔle ni sa akɛ ashã lɛ hu.”

4 Mose 28:23

Enɛɛmɛi asɛɛ lɛ ashã daa gbi leebi afɔle lɛ hu.

4 Mose 28:24

Nyɛfea nakai daa gbi kɛyashi gbii kpawo; niyenii afɔle ni, ni ejeɔ ŋma ewoɔ Yehowa. Soro no, ni soro daa gbi afɔle ni ashãa lɛ hu.

4 Mose 28:31

Enɛɛmɛi asɛɛ lɛ ashã daa gbi afɔle ni kã shi lɛ kɛ ehe niyenii afɔle lɛ kɛ dãa afɔle lɛ hu pɛpɛɛpɛ. Nyɛkwɛa koni kpa ko kpa ko akahi afɔlei lɛ ahe.”

4 Mose 28:4

Oshã gwantɛŋbi kome leebi, ni oshã ekome hu gbɛkɛnaashi.

4 Mose 29:11

Asaŋ no sɛɛ lɛ akɛ too kpakpo kome ashã esha hefaikpamɔ afɔle koni akɛkpãtã ahã maŋ lɛ. Ashã daa gbi afɔle lɛ hu kɛ ehe dãa afɔlei lɛ.

4 Mose 29:16

Asaŋ akɛ too kpakpo kome ashã esha hefaikpamɔ afɔle. Enɛɛmɛi asɛɛ lɛ ashã daa gbi shãa afɔle lɛ kɛ ehe niyenii afɔle lɛ kɛ dãa afɔle lɛ hu.

4 Mose 29:6

Enɛɛmɛi asɛɛ lɛ ashã nyɔŋ hee shãa afɔle kɛ ehe niyenii afɔle lɛ, kɛ daa gbi shãa afɔle lɛ hu kɛ ehe niyenii afɔle lɛ hu. Eko fɛɛ eko lɛ kɛ ehe dãa afɔle bɔ ni afo aŋmɛ shi lɛ pɛpɛɛpɛ. Niyenii afɔlei ni akɛ la shãa ni jeɔ ŋma woɔ Yehowa ni.

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Hebribii 9:6

Ni be ni asaa nibii nɛɛ nɛkɛ lɛ, osɔfoi lɛ yaa klɛŋklɛŋ buu lɛ mli daa gbi, amɛyatsuɔ sɔ̃ɔmɔ nitsumɔ lɛ;

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.