4 Mose 28:2 - ŊMALƐ KRƆŊKRƆŊ LƐ

² “Kɛɛmɔ Israelbii lɛ akɛ amɛhiɛ ahi minikeenii ni ji niyenii afɔle ni akɛ la shãa ni ejeɔ ŋma ewoɔ mi lɛ nɔ koni amɛkɛbahã mi kɛji afɔle hãmɔ be shɛ lɛ.

Ṅmãle̱ Kroṅkroṅ Le̱

² Wo Israelbii le̱ akitã ni okē̱ame̱ ake̱: *Minikēnii ní dši miniyenii-afo̱lei ní ake̱ la šãa ní dšeo̱ ṅma woo̱mi le̱, nyehĩe ahĩa no̱ ní nyeke̱-bahãami ye̱ be ní sa mli. *3 Mose 21,6.

4 Mose 28:2 ပူးပေါင်းရင်းမြစ်များ

3 Mose 3:11

Osɔfo ni yɔɔ nitsumɔ nakai gbi lɛ nɔ lɛ ashã yɛ afɔleshãa latɛ lɛ nɔ akɛ niyenii afɔle ni aashã akɛhã Yehowa.

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Filipibii 4:18

Shi mina nii fɛɛ ni eteke nɔ; ni akɛni minine eshɛ nii ni nyɛkɛmaje Epafrodito kɛbahã mi lɛ nɔ nɛɛ, mina nɔ fɛɛ nɔ ni mitaoɔ; eji ŋmajee kpakpa kɛ afɔle kɛ ŋɔɔmɔ ni sa Nyɔŋmɔ hiɛ.

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

2 Korintobii 2:15

Ejaakɛ Kristo ŋmajee ni ekɛhãa Nyɔŋmɔ ji wɔ yɛ mɛi ni ahereɔ amɛyiwala lɛ kɛ mɛi ni laajeɔ lɛ fɛɛ ateŋ,

Maleaki 1:12

Shi nyɛ lɛ nyɛbuleɔ mifɔleshãa latɛ lɛ kɛji nyɛkɛɛ akɛ abule Yehowa afɔleshãa latɛ lɛ momo, ni no hewɔ ni nyɛkɛ niyenii ni nyɛnyaŋeɔ baa bashãa afɔle yɛ nɔ lɛ.

Maleaki 1:7

Nyɛkɛ aboloo ni abule bashãa afɔle yɛ mifɔleshãa latɛ lɛ nɔ. Agbɛnɛ hu nyɛkɛɔ akɛ, ‘Mɛni wɔfeɔ kɛtsɔ̃ɔ akɛ wɔhiɛ esɔɔɔ bo?’ Nɔ ni mikɛɔ ji akɛ, ‘Nyɛnifeemɔ tsɔ̃ɔ akɛ nyɛbuuu mifɔleshãa latɛ lɛ.’

Ezekiel 20:41

Kɛji mijie nyɛ kɛjɛ majimaji lɛ amli, ni mibua nyɛnaa kɛjɛ shikpɔji ni agbɛ nyɛ ashwã nɔ lɛ anɔ kɛba lɛ, mana nyɛhe tsui tamɔ nɔ ko ni jeɔ ŋma, ni majie mikrɔŋkrɔŋ ni mi ji lɛ kpo matsɔ̃ɔ yɛ nyɛteŋ ni majimaji aaana.

Ezekiel 16:19

Asaŋ milɛ bo kɛ ashikishaŋ kpakpa kɛ mu kɛ wo, ni miniyenii ni mikɛhã bo lɛ, nomɛi okɛmamɔ amãgãi lɛ ahiɛ koni eje ŋma ewo amɛ.” Nuŋtsɔ Yehowa kɛɛ.

Lalai 81:3

Nyɛkpãa tɛtɛrɛmantɛrɛ yɛ wɔgbijurɔyeli gbi lɛ nɔ, be ni nyɔŋ hee eje, kɛ be hu ni nyɔŋ lɛ eye emuu,

4 Mose 15:24

ni atɔ̃ tɔ̃mɔ ko, yɛ leee ni asafo lɛ leee hewɔ lɛ, no lɛ asafo muu lɛ fɛɛ ahiɛ amɛdɛŋ tsina oblanyo kome koni amɛkɛshã shãa afɔle amɛkɛhã mi, akɛ afɔle ni jeɔ ŋma woɔ mi, Yehowa. Akɛ niyenii kɛ dãa afɔle hu bɔ ni afo akɛ kusum lɛ afata he. Too kpakpo kome hu afata he koni akɛshã esha lɛ hefaikpamɔ afɔle.

4 Mose 15:7

ni akɛ wain lita kome kɛ fã afata he koni afɔle lɛ ŋma lɛ asa mihiɛ.

4 Mose 15:3

kɛji nyɛkɛ tsina loo too baashã afɔle nyɛkɛhã mi, Yehowa, lɛ, shãa afɔle ni jio, gbee afɔle ni jio, afɔle ni akɛmiiye shiwoo ko nɔ ni jio, tsuijurɔ naa afɔle ni jio, nyɛgbii juji ni ato lɛ eko nɔ afɔle ni jio, afɔle lɛ ŋma asa mi, Yehowa, mihiɛ.

4 Mose 9:13

Shi mɔ ni he tse, ni asaŋ edomko, shi kɛ̃lɛ ekwa Hehoo Gbijurɔ lɛ yeli lɛ, nakai mɔ lɛ ehiɛ aaakpãtã yɛ maŋbii lɛ ateŋ, ejaakɛ ekɛ Yehowa nikeenii lɛ baaa ebahãaa yɛ be ni ato lɛ mli. Nakai gbɔmɔ lɛ yi sɔ̃ atere lɛ diɛŋtsɛ.’

4 Mose 9:7

Amɛbakɛɛ Mose akɛ, “Wɔ lɛ wɔyabule wɔhe kɛ gbonyo ko he ni wɔyata lɛ. Mɛni hewɔ ni atsiɔ wɔ gbɛ akɛ wɔkɛ wɔnikeenii akabahã Yehowa yɛ ebe ni eto lɛ mli tamɔ Israelbii krokomɛi lɛ?”

3 Mose 21:8

Nyɛbua osɔfo lɛ akɛ mɔ krɔŋkrɔŋ, ejaakɛ mi, Yehowa, ji mɔ ni mifeɔ osɔfoi lɛ krɔŋkrɔŋ lɛ.

3 Mose 21:6

Osɔfo lɛ afee ehe krɔŋkrɔŋ ahã mi, ni ekawo migbɛi lɛ he muji, ejaakɛ Yehowa afɔlei ni akɛ la shãa, ni ji eNyɔŋmɔ lɛ aboloo lɛ, lɛ ekɛbahãa. No hewɔ lɛ, efee ehe krɔŋkrɔŋ.

3 Mose 1:17

Emɔ loofɔlɔ lɛ fiji lɛ amli koni egba loofɔlɔ lɛ mli, shi ekakpɔlɔ efiji lɛ. Osɔfo lɛ ashã loofɔlɔ lɛ yɛ lai lɛ nɔ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.”

3 Mose 1:13

Shi mɔ lɛ kɛ nu afɔ kooloo lɛ mlinii lɛ kɛ enaji lɛ ahe. No sɛɛ lɛ, osɔfo lɛ ni tsuɔ nii nakai gbi lɛ kɛ nomɛi hu baashi nɔ, ni eshã kooloo muu lɛ fɛɛ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.

3 Mose 1:9

Nuu lɛ kɛ nu afɔ kooloo lɛ mlinii lɛ kɛ enaji lɛ ahe; ni osɔfo lɛ ashã kooloo muu lɛ fɛɛ yɛ afɔleshãa latɛ lɛ nɔ; shãa afɔle ni, afɔle ni akɛ la shãa kooloo lɛ fɛɛ ni. Afɔle nɛɛ jeɔ ŋma woɔ Yehowa.

2 Mose 29:18

ni oma too ojwɛni muu lɛ fɛɛ naa la yɛ afɔleshãa latɛ lɛ nɔ. Eji afɔle ni akɛ la shãa ahãa mi, Yehowa; ni misumɔɔ eŋma lɛ.

2 Mose 23:15

Nyɛyea Akpiti Gbijurɔ lɛ. Bɔ ni miwo nyɛ ehe kitã lɛ, nyɛyea aboloo ni akɛ mã akpiti shã. Nyɛyea lɛ gbii kpawo yɛ be ni ato lɛ, ni ji Abib nyɔɔŋ lɛ nɔ, ejaakɛ no nɔ nyɛshi Ijipt shikpɔŋ lɛ nɔ. No be lɛ mli lɛ mɔ ko akaba mi jamɔ ni ehiɛɛɛ edɛŋ afɔle.

4 Mose 28:1

Yehowa kɛɛ Mose akɛ,

Ezra 3:3

Tsɛbelɛ nomii lɛ she maŋsɛɛbii ni yɔɔ shikpɔŋ lɛ nɔ lɛ agbeyei moŋ, shi kɛ̃lɛ amɛma afɔleshãa latɛ lɛ yɛ eshimaahe lɛ nɔŋŋ. Amɛshã leebi shãa afɔlei kɛ gbɛkɛ shãa afɔlei yɛ afɔleshãa latɛ nɛɛ nɔ amɛhã Yehowa.

4 Mose 29:39

“Afɔlei ni nyɛshã nyɛkɛhã Yehowa yɛ nyɛgbii juji ni ato lɛ anɔ lɛ nɛ. Esoro shãa afɔlei lɛ kɛ niyenii afɔlei lɛ kɛ dãa afɔlei lɛ kɛ shidaa afɔlei lɛ ni nyɛshãa yɛ shiwoo naa loo suɔmɔ naa lɛ.”

1 Kronika 23:31

Be fɛɛ be ni aashã afɔle ahã Yehowa yɛ hejɔɔmɔ gbii anɔ loo yɛ nyɔji hei ajee mli kɛ gbii juji anɔ hu amɛ amɛlaa. Ato Levibii ni be fɛɛ be lɛ amɛ amɛbaatsu nitsumɔi nɛɛ ateŋ eko fɛɛ eko kɛsɔmɔ Yehowa.

2 Kronika 23:18

Kɛkɛ ni Osɔfo Yehoiada tu Yehowa Sɔlemɔtsu lɛ mli nitsumɔi lɛ anɔkwɛmɔ hegbɛjianɔtoi lɛ ewo Levibii osɔfoi lɛ adɛŋ. Ni yɛ Levibii krokomɛi lɛ agbɛfaŋ lɛ, bɔ ni David jara amɛmli koni amɛsɔmɔ yɛ Yehowa Sɔlemɔtsu lɛ mli lɛ, asaŋ akɛ amɛ amɛshã Yehowa shãa afɔlei lɛ bɔ ni yɔɔ Mose Mla lɛ mli lɛ, Osɔfo Yehoiada saa ekɛhã amɛ bɔ pɛ ni David eja ehã amɛ eto lɛ. Nakai nɔŋŋ efee kui ni amɛgbɛnaa ji akɛ amɛla lɛ.

2 Kronika 31:3

Maŋtsɛ lɛ gbɛfaŋ nii ni etsu ji akɛ emɔɔ lɛ diɛŋtsɛ ekooloi ni eyɔɔ lɛ eko ehãa, ni akɛshãa daa leebi kɛ gbɛkɛ afɔlei lɛ, kɛ agbɛnɛ afɔlei ni ashãa yɛ hejɔɔmɔ gbii lɛ nɔ lɛ kɛ nyɔŋ hei shishijee nɔ, kɛ gbii juji krokomɛi lɛ hu anɔ lɛ tamɔ bɔ ni eyɔɔ Yehowa Mla lɛ mli lɛ.

Ezra 3:2

Kɛkɛ ni Yeshua, Yehozadak bi lɛ, kɛ enanemɛi osɔfoi lɛ kɛ Zerubabel, Shealtiel bi lɛ, kɛ ewekumɛi kɛ nitsumɔ wo mli, ni amɛma Israel Nyɔŋmɔ lɛ afɔleshãa latɛ lɛ koni amɛshã shãa afɔlei yɛ nɔ, tamɔ bɔ ni aŋma yɛ Nyɔŋmɔ Gbɔmɔ Mose Mla lɛ mli lɛ.

Nehemia 10:34

Wɔ ni ji osɔfoi kɛ Levibii kɛ maŋbii lɛ, wɔfɔ̃fɔ̃ɔ oshiki yɛ laihamɔ hewɔ, koni ato naa akɛba wɔNyɔŋmɔ lɛ we lɛ yɛ wɔtsɛmɛi awei lɛ anaa, yɛ bei ni ato lɛ amli daa afi, koni ashã yɛ Yehowa, wɔNyɔŋmɔ lɛ afɔleshãa latɛ lɛ nɔ, tamɔ bɔ ni aŋmã yɛ mla lɛ mli lɛ.

Ezekiel 45:17

Lumɔ lɛ gbɛnaa nitsumɔ ji akɛ, lɛ eha kooloi ni akɛbaashã afɔlei ni ji shãa afɔlei kɛ niyenii afɔlei kɛ dãa afɔlei lɛ yɛ gbii juji kɛ nyɔji hei kɛ hejɔɔmɔ gbii kɛ Israelbii agbii juji krokomɛi ni amɛyeɔ lɛ fɛɛ nɔ. Lɛ nɔŋŋ eha nɔ ni akɛbaashã esha afɔle lɛ kɛ niyenii afɔle lɛ kɛ shãaafɔle lɛ kɛ toiŋjɔlɛ afɔle lɛ, koni akɛkpãtã aha Israel we lɛ.”