4 Mose 24:9 - ŊMALƐ KRƆŊKRƆŊ LƐ

⁹ Edɛke shi; ebu shi tamɔ jata, tamɔ jatayoo; namɔ aaatsiɛ lɛ? Mɔ fɛɛ mɔ ni jɔɔ bo lɛ, aaajɔɔ lɛ, ni mɔ fɛɛ mɔ ni lomɔɔ bo lɛ, aaalomɔ lɛ.”

Ṅmãle̱ Kroṅkroṅ Le̱

⁹ *Ēkoto ši, ēbu ši tamo̱ dšatanū ni tamo̱ dšatayō; namo aawo ehĩe la? Mofẽmo †ni dšō̱o̱o le̱, aadšō̱le̱, ni mofẽmo ní lomoo̱o le̱, aalomo̱le̱! *23,24. 1 Mose 49,9. †1 Mose 12,3.

4 Mose 24:9 ပူးပေါင်းရင်းမြစ်များ

1 Mose 12:3

Majɔɔ mɛi ni jɔɔ bo, ni mɔ ni lomɔɔ bo lɛ, malomɔ lɛ; kɛtsɔ̃ onɔ lɛ aaajɔɔ shikpɔŋ lɛ nɔ wekui fɛɛ.”

1 Mose 27:29

Maji asɔ̃mɔ bo, ni je lɛŋ maji akoto bo. Ye onyɛmimɛi lɛ anɔ lumɔ, ni onyɛ bihii lɛ akoto bo. Mɔ fɛɛ mɔ ni aaalomɔ bo lɛ, alomɔ lɛ, ni mɔ fɛɛ mɔ ni aaajɔɔ bo lɛ, ajɔɔ lɛ!”

1 Mose 49:9

Yuda lɛ, jata binuu ni; mibi yagbe milɛloo ni eku esɛɛ eeba! Eedɛkɛ shi, eebumɔ shi tamɔ jata, tamɔ jatayoo; namɔ aaanyɛ lɛ ajije?

1 Maŋtsɛmɛi 10:20

Ni jatai nyɔŋma kɛ enyɔ damɔ atrakpoi ekpaa lɛ anɔ yɛ biɛ kɛ biɛ. Maŋtsɛ sɛ̃i ko kwraa bɛ maŋtsɛyelihe ko ni tamɔ no.

2 Kronika 9:18

Akwɔɔ atrakpoi ekpaa dani ashɛɔ maŋtsɛ sɛi nɛɛ he; ni nane shi maŋoo ni akɛ shika eha he hu ma maŋtsɛ sɛi lɛ hiɛ. Nine yɛ maŋtsɛ sɛi lɛ he biɛ kɛ biɛ, ni jata ni ashɔ̃ kome damɔ sɛi lɛ nine lɛ masɛi.

Ester 6:13

Egba eŋa Zeresh kɛ enanemɛi lɛ fɛɛ nɔ osharã ni eyasharã lɛ lɛ. Haman nanemɛi nilelɔi lɛ kɛ eŋa lɛ hu kɛɛ lɛ akɛ, “Kɛji abɔ̃i bo shibaa yɛ Mɔdekai ni jɛ Yudafoi aseshi mli lɛ hiɛ lɛ, belɛ no lɛ onyɛŋ lɛ mɔ; bɔ fɛɛ bɔ ni fee lɛ ebaafe bo.”

Hiob 41:10

Kãkãlɔ ko kãkãlɔ ko bɛ ni aaanyɛ awo ehiɛ la. Belɛ namɔ ji mɔ ni aaanyɛ mi mihiɛ adamɔ mɔ?

Lalai 122:6

Nyɛbaa hejɔlɛ nyɛhãa Yerusalɛm. “Mɛi ni sumɔɔ bo lɛ ashwere.”

Lalai 2:12

nyɛkɛ hekpokpomɔ akotoa lɛ; kɛjeee nakai lɛ emli baafu nyɛ oya, ni nyɛhiɛ aaakpãtã. Ajɔɔ mɛi fɛɛ ni baa lɛ abo lɛ.

2 Mose 23:22

Shi kɛji nyɛye egbee nɔ pɛpɛɛpɛ, ni nyɛfee nɔ ni mikɛɛ nyɛ lɛ fɛɛ lɛ, no lɛ matsɔ̃ henyɛlɔ mahã nyɛhenyɛlɔi, ni mikɛ mɛi ni kɛ nyɛ tswaa baatswa.

Yesaia 31:4

Ejaakɛ bɔ ni Yehowa kɛɛ mi nɛ, “Bɔ ni kɛji jata loo jatabi miihũu yɛ emilɛ loo he, ni atsɛ tookwɛlɔi asafo tete awo ehe, ni amɛbolɔmɔ wooo ehe gbeyei, ni ebuuu hoo ni amɛaafee lɛ tete lɛ, nakai Yehowa, Taiatsɛ lɛ, aaaba abawu yɛ Zion Gɔŋ kɛ ehewɔ gɔŋkpɔi lɛ anɔ.

Mika 5:8

Israelbii ni aaashwɛ yɛ maji lɛ ateŋ lɛ aaatamɔ jata yɛ kooŋ kooloi ateŋ, aloo tamɔ jata oblanyo yɛ tookui ateŋ. Kɛji eegbɔbi kɛbote kooloi lɛ ateŋ lɛ, ehuruɔ eyiɔ amɛnɔ, ni etserɛɔ amɛmli, ni jielɔ ko bɛ.

4 Mose 22:12

Nyɔŋmɔ kɛɛ Balaam akɛ, “Okɛ bɔfoi lɛ akaya tsɛmɔ lɛ, ni asaŋ okalomɔ nakai mɛi lɛ hu, ejaakɛ mɛi ni mijɔɔ amɛ ni.”

4 Mose 22:6

No hewɔ lɛ, ofainɛ, ba nɔŋŋ, shi amɛyi fa fe wɔ, koni obalomɔ amɛ ohã mi akɛ aleenɔ minine aaatsɔ̃ amɛnɔ koni mashwie amɛ kɛje shikpɔŋ lɛ nɔ lo. Mile akɛ kɛji ojɔɔ mɔ ko lɛ, jɔɔmɔ baa mɔ lɛ nɔ; ni kɛji olomɔ mɔ ko hu lɛ, loomɔ baa mɔ lɛ nɔ.”

4 Mose 23:24

Naa, Israel teɔ shi tamɔ jata yoo; ni ewoɔ ehe nɔ tamɔ jata nuu. Ebuuu shi, ja egbe ni eye, ni enu mɛi ni egbegbee alá etã dã.”

4 Mose 24:10

Balak kɛ mlifu tswa edɛ̃, ni ekɛɛ Balaam akɛ, “Miyakpee bo kɛba koni obalomɔ mihenyɛlɔi ohã mi lɛ, jɔɔmɔ sɔŋŋ moŋ ojɔɔ amɛ shii etɛ̃ nɛɛ fɛɛ.

Mateo 25:40

Ni maŋtsɛ lɛ aaahere nɔ ekɛɛ amɛ akɛ, ‘Anɔkwale mikɛɔ nyɛ akɛ, gbii abɔ kɛ̃ ni nyɛfee nyɛhã minyɛmimɛi nɛɛ ateŋ bibioo kome lɛ, mi nɔŋŋ nyɛfee nyɛhã lɛ.’

Mateo 25:45

Kɛkɛ lɛ eeehere amɛ nɔ eeekɛɛ akɛ, ‘Anɔkwale mikɛɔ nyɛ akɛ, gbii abɔ ni nyɛfeee nyɛhãaa mɛi bibii kwraa nɛɛ ateŋ mɔ kome lɛ, nyɛfeee nyɛhãaa mi hu!’

Bɔfoi 9:5

Ni ekɛɛ, “Bo namɔŋ, Nuŋtsɔ?” Shi Nuŋtsɔ lɛ kɛɛ, “Mi Yesu, mɔ ni owaa lɛ yi lɛ. Ewa hã bo akɛ ooofã ntia oshi kooloi akpalamɔtso lɛ naa dade lɛ.”

5 Mose 30:7

Kɛkɛ lɛ Yehowa, nyɛNyɔŋmɔ lɛ, aaahã nɛkɛ loomɔi nɛɛ fɛɛ abashwie nyɛhenyɛlɔi kɛ nyɛhetsɛ̃lɔi ni waa nyɛ yi lɛ anɔ;