4 Mose 24:7 - ŊMALƐ KRƆŊKRƆŊ LƐ

⁷ Nu aaajɛ onubui amli, Israel, ashwie shi ni oshwiei kɛaadu nii. Omaŋtsɛ lɛ baaje agbo fe Maŋtsɛ Agag, ni aaawo emaŋtsɛyeli nɔ.

Ṅmãle̱ Kroṅkroṅ Le̱

⁷ Nu adše̱ Iakob nuyē̱nõ mli aſie ši, ni esešibii le̱ ahĩ nu babaō he. Ni emaṅtše̱ le̱ aawó eno̱ fè Agag, ni aawó emaṅtše̱yeli le̱ no̱.

4 Mose 24:7 ပူးပေါင်းရင်းမြစ်များ

2 Samuel 5:12

David na akɛ Yehowa ewo emaŋtsɛyeli lɛ nɔ gojoo yɛ Yehowa maŋ Israel lɛ hewɔ.

1 Maŋtsɛmɛi 4:21

Solomon ye maŋtsɛyelii fɛɛ nɔ lumɔ kɛjɛ Eufrate Faa lɛ naa, kɛ Filistibii lɛ ashikpɔŋ lɛ nɔ kɛyashwie Ijipt husui lɛ anɔ. Amɛtsu onia amɛhã Solomon, ni amɛsɔmɔ lɛ ewala gbii abɔ fɛɛ.

1 Maŋtsɛmɛi 5:1

Hiram, Tiro maŋtsɛ lɛ, naanyo ji Maŋtsɛ David yɛ ewala beiaŋ fɛɛ. Be ni Hiram nu akɛ afɔ Solomon mu awo lɛ maŋtsɛ yɛ etsɛ David sɛɛ lɛ, etsu etsuji kɛba Solomon ŋɔɔ.

1 Kronika 14:2

Enɛ hã David na akɛ Yehowa ehã ehe shi akɛ Israel fɛɛ maŋtsɛ lɛɛlɛŋ, ni asaŋ Yehowa ewo emaŋtsɛyeli lɛ nɔ gojoo yɛ Yehowa maŋ Israel.

Ezra 4:20

Asaŋ maŋtsɛmɛi wuji hu ehi Yerusalɛm ni amɛye Eufrate Faa lɛ biɛgbɛ shikpɔŋ lɛ fɛɛ nɔ, ni atsuɔ onia kɛ maŋ too kɛ gbɛjee shika ahãa amɛ.

Ester 3:1

Saji nɛɛ asɛɛ lɛ Maŋtsɛ Ahashwerosh wo nuu ko ni atsɛɔ lɛ Haman lɛ maŋsɔ̃ɔlɔ nukpa ni fe fɛɛ. Haman nɛɛ tsɛ gbɛi ji Hamedata, ni ejɛ Agag seshi mli.

Lalai 18:43

Ohãaa maŋsɔ̃ aba mi kɛ maŋbii ateŋ. Ofee mi majimaji lɛ atsɛ; mɛi ni mileee amɛ po basɔmɔ mi.

Lalai 68:26

Ajie Nyɔŋmɔ yi yɛ asafo kpele lɛ mli. Oo, nyɛ Yakob shwiei, nyɛjiea Nuŋtsɔ lɛ yi.

Lalai 72:11

Maŋtsɛmɛi fɛɛ aaakoto lɛ, majimaji fɛɛ kwa aaasɔmɔ lɛ.

Lalai 89:27

Mafee lɛ mikromɔbi kɛ shikpɔŋ lɛ nɔ maŋtsɛmɛi lɛ ateŋ mɔ wulu fe fɛɛ.

Yesaia 2:2

Ebaaba mli akɛ naagbee mli lɛ, gɔŋ lɛ ni Yehowa Sɔlemɔ we lɛ ma nɔ lɛ baatsɔ̃ gɔŋ ni kwɔ fe gɔji fɛɛ. Abaawo enɔ fe gɔji lɛ fɛɛ, ni aaajɛ jeŋjeŋ fɛɛ aba jɛi.

Yesaia 30:25

Ni gbi nɔ ni aaaplene gbɔmɛi babaoo, ni amɛmɔji lɛ aaagbeegbee shi lɛ, faa baaho yɛ gɔji grɔŋŋi fɛɛ kɛ gɔ̃ŋkpɔi ni kwɔlɔ fɛɛ anɔ.

Yesaia 48:1

Nyɛ Israelbii, nyɛ mɛi ni akɛ Israel gbɛi ewo nyɛ, ni nyɛjɛ Yuda mli, nyɛboa enɛ toi! Nyɛkɛ Yehowa gbɛi lɛ kãa kitã, ni nyɛkɛɔ akɛ Israel Nyɔŋmɔ lɛ, lɛ ji Nyɔŋmɔ, shi anɔkwale kome nɛkɛ bɛ mli.

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Yeremia 51:13

Ao! Nyɛ mɛi ni nyɛyɔɔ he ni nu babaoo yɔɔ, ni nyɛyɔɔ jwetri babaoo, nyɛnaagbee eshɛ, ni afo nyɛwala sɛɛ.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

4 Mose 24:20

Agbɛnɛ Balaam na Amalekbii lɛ yɛ ninaa lɛ mli. Kɛkɛ ni etsɔ̃ gbalɛ lɛ kɛtee amɛnɔ ni ekɛɛ akɛ, “Amalek ji majimaji lɛ ateŋ mɔ ni yɔɔ hewalɛ fe fɛɛ; shi naagbee mli aahu lɛ, ehiɛ baakpãtã kwraa.”

Yohane 1:49

Natanael here nɔ ni ekɛɛ lɛ akɛ, “Rabi, bo ji Nyɔŋmɔ Bi lɛ, bo ji Israel Maŋtsɛ lɛ.”

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 17:1

Bɔfoi kpawo lɛ ni hiɛ tɔi kpawo lɛ ateŋ mɔ kome ba, ni ekɛ mi bawie ekɛɛ, “Ba ni matsɔ̃ɔ bo ajwamãŋ kpeteŋkple lɛ ni ta nui babaoo lɛ anɔ lɛ kojomɔ lɛ.

Kpojiemɔ 17:15

Ni bɔfo lɛ kɛɛ mi akɛ, “Nui lɛ ni ona ni yoo ajwamãŋ lɛ ta nɔ lɛ ji maji kɛ asafoi kɛ jeŋmaji kɛ maji anɔ wiemɔi.

Kpojiemɔ 19:16

Ni aŋma gbɛi ko yɛ etade kɛ egboŋ nɔ akɛ, “Maŋtsɛmɛi aMaŋtsɛ kɛ Nuŋtsɔmɛi aNuŋtsɔ.”