4 Mose 23:9 - ŊMALƐ KRƆŊKRƆŊ LƐ

⁹ Tɛsai ayiteŋ mijɛ mina amɛ; ni gɔŋkpɔi anɔ mijɛ mikwɛ amɛ akɛ maŋ ni amɛkome too amɛyɔɔ. Amɛle akɛ ajɔɔ amɛ fe maji fɛɛ.

Ṅmãle̱ Kroṅkroṅ Le̱

⁹ Edšake̱ te̱sāi ayiteṅ midše̱ minale̱, ni goṅkpo̱i ano̱ midše̱ mikwe̱le̱. Na, maṅ ne̱, ekometō eehĩ ši, ni ebuṅ ehe ešiṅ dšeṅmãdši le̱ ano̱.

4 Mose 23:9 ပူးပေါင်းရင်းမြစ်များ

Ezra 9:2

Yudahii eŋɔŋɔɔ maŋsɛɛ yei amɛhã amɛ diɛŋtsɛ amɛhe akɛ ŋamɛi, ni amɛbihii hu efee nakai nɔŋŋ. Belɛ jaku ni he tse lɛ ebule amɛhe. Onukpai lɛ kɛ nɔyelɔi lɛ titri tɔ̃ɔ mla nɛɛ.

Ester 3:8

Kɛkɛ ni Haman kɛɛ maŋtsɛ Ahashwerosh akɛ, “Nii, Gbɔmɛi komɛi egbɛ eshwã omaŋtsɛyeli shikpɔji kɛ kpokpai fɛɛ anɔ, ni amɛ lɛ esoro amɛkusum kwraa yɛ maŋbii krokomɛi lɛ anɔ he, ni amɛyeee maŋtsɛ mlai lɛ anɔ hu. Enɛ lɛ esaaa akɛ Nii aŋmɛ amɛ gbɛ nakai.

2 Mose 33:16

ejaakɛ mɛni aaatsɔ̃ɔ akɛ oyɛ mi kɛ omaŋ nɛɛ he miishɛɛ akɛ ja tee ni okɛ wɔ aaatee lɛ, bɔ ni afee ni ana akɛ soro wɔ, ni ji mi kɛ omaŋ lɛ, yɛ maji fɛɛ ni yɔɔ shikpɔŋ lɛ nɔ lɛ ateŋ.”

Yeremia 46:28

Miwebii Yakob shwiei, nyɛkashea gbeyei, Yehowa kɛɛ, ejaakɛ mi kɛ nyɛ yɛ. Mibakpãtã maji fɛɛ ni mishwie nyɛ kɛtee amɛŋɔɔ lɛ ahiɛ butuu, shi nyɛ lɛ mikpãtãŋ nyɛhiɛ kɛmɔŋ shi. Mibagbala nyɛtoi bɔ ni sa kɛkɛ, mikɛ nyɛhe ekeŋ nyɛ efolo tswaa nakai. Mi, Yehowa, mikɛɛ.”

Yeremia 49:31

Nyɛtea shi, nyɛyatuaa maŋ ni he ejɔ lɛ ni eyɔɔ shweshweeshwe, maŋ ni agboi loo agbosɛɛ adabaŋi ahe ehiaaa amɛ, maŋ ko ni ekɛ ehe ebɔɔɔ maŋ ko he, shi ekome eyɔɔ. Mi, Yehowa, mikɛɛ.

Amos 9:9

“Naa, mibafã, ni mibasha Israelbii lɛ amli yɛ je lɛ mli maji lɛ ateŋ tamɔ akɛ shaanii shaa ŋmaa mli lɛ, ni ŋmaa kuli nɛkɛ egbeŋ shi.

Mika 7:14

Yehowa, feemɔ tookwɛlɔ ohã omaŋ lɛ, ni olɛ amɛ, maŋ ni bo diɛŋtsɛ ohala lɛ. Amɛyɛ ŋa kplanaa nɔ banee yɛ Gɔŋ Karmel lɛ yiteŋ, tsɛbelɛ shikpɔŋ ni baa nii bɔle amɛ kɛkpe. Hã ni amɛhi Bashan kɛ Gilead shikpɔŋ frɔ̃frɔ̃ lɛ nɔ; ni amɛye enɔ nii tamɔ blema ko lɛ.

2 Korintobii 6:17

No hewɔ lɛ, Yehowa kɛɛ, “Nyɛjea amɛteŋ, ni nyɛtsea nyɛhe, ni nyɛkataa muji nɔ ko he, ni mahere nyɛ atuu.

5 Mose 32:8

Be ni Ŋwɛinyo lɛ ja shikpɔŋ lɛ ekɛhã jeŋ majimaji lɛ, ni egbala adesai abii amli lɛ, ejie maji lɛ ahusui eshwie shi faŋŋ, yɛ Nyɔŋmɔ webii lɛ ayibɔ naa.

5 Mose 33:28

No hewɔ lɛ, Israelbii lɛ, aaahi shi shweshweeshwe. Yakob nubu lɛ aaahi shikpɔŋ ni abele kɛ wain pii baa yɛ nɔ, ni ŋwɛi bɔ nyɔɔ kɛjɛɔ ŋwɛi shwieɔ nɔ lɛ nɔ.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;