4 Mose 21:9 - ŊMALƐ KRƆŊKRƆŊ LƐ

⁹ No hewɔ lɛ, Mose kɛ akɔɔble fee onufu, ni ekɛtsotsoro tso bloblo nɔ ni ekɛma shi. Mɔ fɛɛ mɔ ni onufui lɛ eko ekɔ̃ lɛ lɛ, ewoɔ ehiɛ nɔ ekwɛɔ akɔɔble onufu lɛ, ni eyi naa wala.

Ṅmãle̱ Kroṅkroṅ Le̱

⁹ Ni Mose fe akō̱ble onũfũ, ni eke̱-tšotšõro aflaṅātšo no̱, ni eba mli ake̱, ke̱dši onũfũ kõ moko le̱, ekwe̱o̱ akō̱ble onũfũ le̱, ni eyi náa wala.

4 Mose 21:9 ပူးပေါင်းရင်းမြစ်များ

2 Maŋtsɛmɛi 18:4

Lɛ efite hei grɔŋŋi lɛ, ni ekumɔ amãgãi lɛ, ni egba Ashera wɔŋkoo lɛ. Ni ekumɔ akɔɔble onufu ni Mose fee lɛ, ejaakɛ kɛbashi nakai gbii lɛ anɔ lɛ, Israelbii lɛ shãa tsofakɛŋma amɛhãa onufu lɛ, ni atsɛɔ lɛ Nehushtan.

Yesaia 45:22

“Jeŋ gbɔmɛi fɛɛ, nyɛkua nyɛsɛɛ kɛbaa miŋɔɔ, koni ahere nyɛyiwala. Ejaakɛ mi pɛ ji Nyɔŋmɔ, ni kɛjɛ misɛɛ lɛ mɔ ko bɛ dɔŋŋ.

Zakaria 12:10

“Mafɔse mimɔbɔnalɛ kɛ sɔlemɔ mumɔ mashwie David shwiei lɛ kɛ Yerusalɛm maŋbii lɛ anɔ bɔ ni kɛ amɛna mɔ ko ni amɛye lɛ awui ko lɛ, amɛaaye mɔ lɛ ŋkɔmɔ tamɔ ayeɔ bi koome ni egbo he ŋkɔmɔ; ni amɛaafo lɛ kɛ mlishãlɛ tamɔ afoɔ kromɔbi ni egbo.

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Yohane 12:32

Ni mi lɛ, kɛji awo minɔ kɛjɛ shikpɔŋ lɛ nɔ lɛ, magbala mɛi fɛɛ kɛaaba miŋɔɔ.”

Yohane 6:40

Ejaakɛ enɛ ji mí-Tsɛ suɔmɔnaanii, akɛ mɔ fɛɛ mɔ ni kwɛɔ Bi lɛ ni eheɔ enɔ eyeɔ lɛ ana naanɔ wala, ni mi lɛ mitee lɛ shi yɛ naagbee gbi lɛ nɔ.”

Romabii 1:17

Ejaakɛ no mli ajieɔ Nyɔŋmɔ jalɛ kpo yɛ, kɛjɛɔ hemɔkɛyeli mli kɛyaa hemɔkɛyeli mli, tamɔ bɔ ni aŋma lɛ akɛ, “Shi jalɔ ni tsɔ̃ hemɔkɛyeli nɔ lɛ yi aaana wala.”

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Hebribii 12:2

Ni wɔkwɛ hemɔkɛyeli shishijelɔ kɛ naagbelɔ ni ji Yesu lɛ, mɔ ni nyamɔ ni kã ehiɛ lɛ hewɔ lɛ emia ehiɛ yɛ sɛŋmɔtso lɛ he amanehulu lɛ mli. Ni ebuuu hiɛgbele lɛ, ni eyata shi yɛ Nyɔŋmɔ maŋtsɛ sɛi lɛ ninejurɔ nɔ lɛ.

1 Yohane 3:8

Mɔ ni feɔ esha lɛ, ejɛ abonsam mli; ejaakɛ kɛjɛ shishijee beebe lɛ, abonsam feɔ esha. Enɛ hewɔ Nyɔŋmɔ Bi lɛ jie ehe kpo koni efite abonsam nitsumɔi lɛ.