4 Mose 19:9 - ŊMALƐ KRƆŊKRƆŊ LƐ

⁹ Kɛkɛ lɛ mɔ ko ni he tse aloo tsinayoo lɛ lamlu lɛ, ni ekɛya shitoohe lɛ sɛɛ he ko ni tse koni akɛ lamlu lɛ ayato jɛi. Akɛ lamlu nɛɛ awo nu ni akɛtsuɔ mɔ he akɛdãiɔ esha ni afee yɛ Israel lɛ mli. Enɛ ji hetsuumɔ afɔle.

Ṅmãle̱ Kroṅkroṅ Le̱

⁹ Ni moko ní he tše alō tšinayō le̱ lamlu le̱, ni eke̱-yaſie nsra le̱ se̱ ye̱ heko ní tše, ni ake̱-to ní ake̱-fe hetšūmo̱nu ahã Israelbii asafo le̱; eša-afo̱le ni.

4 Mose 19:9 ပူးပေါင်းရင်းမြစ်များ

3 Mose 15:20

Nɔ fɛɛ nɔ ni yoo lɛ ekã nɔ gbii abɔ ni etee tsuiasɛɛ lɛ he tseee; ni nɔ fɛɛ nɔ ni eta nɔ hu he tseee.

Zakaria 13:1

“Nakai gbi lɛ nɔ lɛ abaagbele nu hiŋmɛi naa ahã David we lɛ kɛ mɛi ni yɔɔ Yerusalɛm lɛ, koni akɛfɔ amɛhe eshai kɛ amɛhe muji ashwie.”

4 Mose 19:13

Mɔ ni aaata gbonyo ko he ni etsuuu ehe lɛ, eebule Yehowa Kpee Buu Krɔŋkrɔŋ lɛ, ni abuŋ lɛ ashiŋ Israelbii lɛ anɔ, ejaakɛ ejuko nu ni akɛtsuɔ he lɛ ekɛdãiko ehe, ni no hewɔ lɛ, ekã muji lɛ mli lolo.

4 Mose 19:17

“Bɔ ni atsɔ̃ atsuu mɔ ni ebule ehe lɛ he nɛ: akpiti tsina tsuru ni ashã lɛ lamlu lɛ eko awo nɔ̃ mli, ni ayɛ faa ni hoɔ mli nu awo lamlu lɛ he.

4 Mose 19:18

Mɔ ko ni ehe tse kɛ hisopo atsɔ nu kɛ lamlu lɛ mli koni ekɛshwã buu lɛ kɛ emli nibii fɛɛ kɛ mɛi ni yɔɔ jɛi kɛ mɛi hu ni tee mli lɛ fɛɛ anɔ. Nakai nɔŋŋ akɛ nu nɛɛ ashwã mɔ ni eyata mɔ ni nyɔ yɛ klante naa gbonyo he loo mɔ ni gbo lɛ diɛŋtsɛ edɛŋ gbele gbonyo he loo gbonyowu loo gbonyobu he lɛ nɔ.

4 Mose 19:3

Akɛ tsina lɛ ahã Osɔfo Eleazar, ni ekɛ kooloo lɛ aje kpo kɛya shitoohe lɛ sɛɛ koni agbe kooloo lɛ yɛ Eleazar hiɛ.

4 Mose 19:8

Mɔ ni shã tsina lɛ hu afɔ etadei ahe, ni eju ehe. Lɛ hu ehe tseee kɛyashi gbi lɛ gbɛkɛ.

4 Mose 6:12

Esaa ejɔɔ ehe nɔ ehã Yehowa ekoŋŋ ejaakɛ be ni ewo shi tsuutsu lɛ eho. Ekɛ too gwantɛŋ binuu ni eye afi aba ekɛbashã fɔyeli he afɔle, ejaakɛ ebule ehe nɔ ni ejɔɔ lɛ, ni ekɛhã be ni eye momo lɛ efee yaka.

4 Mose 8:7

Ni bɔ ni ofee amɛ ni otsuu amɛhe nɛ. Okɛ nu ni akɛtsuɔ mɔ he lɛ ashwã amɛnɔ; amɛshɛ amɛhe tsɔi fɛɛ kɛ kakla, ni amɛfɔ amɛtadei ahe koni amɛhe atse.

4 Mose 9:13

Shi mɔ ni he tse, ni asaŋ edomko, shi kɛ̃lɛ ekwa Hehoo Gbijurɔ lɛ yeli lɛ, nakai mɔ lɛ ehiɛ aaakpãtã yɛ maŋbii lɛ ateŋ, ejaakɛ ekɛ Yehowa nikeenii lɛ baaa ebahãaa yɛ be ni ato lɛ mli. Nakai gbɔmɔ lɛ yi sɔ̃ atere lɛ diɛŋtsɛ.’

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

Hebribii 7:26

Ejaakɛ Yesu lɛ Osɔfonukpa ni sa wɔ pɛ nɛ. Mɔ ni he tse, ni efɔŋ ko bɛ ehe, ni ehe bɛ kpa ko, ni etse ehe kɛjɛ esha he, ni awo enɔ ahã ekwɔ fe ŋwɛii.

Hebribii 9:13

Ejaakɛ kɛ too kpakpo kɛ tsinai alá kɛ tsina yoo lamlu ni atsɔɔ ashwãa mɛi ni ebule amɛhe lɛ anɔ lɛ tsuuɔ amɛhe ni amɛhe tseɔ yɛ heloo gbɛfaŋ lɛ,