4 Mose 18:8 - ŊMALƐ KRƆŊKRƆŊ LƐ

⁸ Yehowa kɛɛ Aaron akɛ, “Naa, nibii ni Israelbii kɛbahãa mi akɛ afɔle lɛ, amɛmli nibii fɛɛ ni ashãaa lɛ, mijɔɔ nɔ mikɛke bo kɛ obihii osɔfoi lɛ kɛmiiya naanɔ akɛ nyɛgbɛnaanii kɛmiiya naanɔ.

Ṅmãle̱ Kroṅkroṅ Le̱

⁸ Ni Iehowa ke̱ Aaron wie ake̱: Ni mi le̱, na, mitu mino̱wómo̱-afo̱lei le̱ ní dši Israelbii le̱ anii kroṅkroṅi le̱ miwo odeṅ; mũfō̱ le̱ hewo le̱ mike̱-hão ke̱ obihĩĩ le̱ ake̱ gbe̱nā ní kã ši dā. 3 Mose 2,3. 10; 6,16-18; 7,6-10.

4 Mose 18:8 ပူးပေါင်းရင်းမြစ်များ

2 Maŋtsɛmɛi 12:16

Shi shika ni anaa kɛjɛɔ sɔ̃ afɔle kɛ esha afɔle lɛ mli lɛ, akɛ nomɛi baaa Yehowa we lɛ, nomɛi lɛ osɔfoi lɛ anɔ ni.

2 Kronika 31:4

Agbɛnɛ Maŋtsɛ Hezekia fã Yerusalɛm maŋ lɛ mli bii lɛ akɛ amɛhã osɔfoi lɛ kɛ Levibii lɛ nii ni ji amɛ, osɔfoi lɛ, kɛ Levibii lɛ, amɛgbɛfaŋ nii lɛ bɔ ni afee ni osɔfoi lɛ kɛ Levibii lɛ kɛ amɛhe fɛɛ ahã kɛsɔmɔ yɛ Yehowa Mla lɛ naa.

2 Kronika 31:5

Amrɔ nɔŋŋ ni anu famɔ nɛɛ he lɛ, Israelbii lɛ kɛ klɛŋklɛŋ abele kɛ wain kɛ mu kɛ wo kɛ ŋmɔshinii srɔtoi ni amɛkpa lɛ amli nii babaoo ba. Amɛkɛ nɔ fɛɛ nɔ ni amɛyɔɔ lɛ mlijaa nyɔŋma mli ekomekome babaoo hu ba.

2 Mose 28:43

Aaron kɛ ebihii lɛ awo tswakoto nɛɛ kɛji amɛmiiba Kpee Buu lɛ mli aloo kɛ amɛmiibɛŋkɛ afɔleshãa latɛ lɛ he kɛbasɔ̃mɔ yɛ Kpee Buu Krɔŋkrɔŋ lɛ mli koni amɛkaloo musu ni amɛgboi. Enɛ atsɔ̃ akpɔ ni kã shi kɛmiiya naanɔ hã Aaron kɛ eshwiei ni baaba yɛ esɛɛ lɛ.”

2 Mose 29:21

Agbɛnɛ ŋɔɔ lá ni yɔɔ afɔleshãa latɛ lɛ nɔ lɛ eko kɛ mɔmufɔɔ mu lɛ hu eko ni okɛshwã Aaron kɛ ehewulamɔ nibii lɛ fɛɛ nɔ; ni okɛshwã Aaron bihii lɛ hu kɛ amɛhewulamɔ nibii lɛ fɛɛ anɔ, koni okɛfee Aaron kɛ ehewulamɔ nibii lɛ kɛ ebihii lɛ hu kɛ amɛhewulamɔ nibii lɛ fɛɛ krɔŋkrɔŋ.

2 Mose 29:28

Enɛ atsɔ̃ gbɛnaanii ni akã shi daa ni sa akɛ Israelbii lɛ atuu ahã Aaron kɛ ebihii lɛ. Ejaakɛ eji osɔfo gbɛnaanii ni yɔɔ nii ni Israelbii lɛ kɛbaashã Yehowa toiŋjɔlɛ afɔle lɛ mli.

2 Mose 29:29

“Aaron hewulamɔ nibii krɔŋkrɔŋi lɛ atsɔ̃ ebihii lɛ anii yɛ egbele sɛɛ, ni no amɛwo kɛji aafɔ amɛ mu koni atuu osɔfoyeli lɛ awo amɛdɛŋ.

2 Mose 40:13

No sɛɛ lɛ, okɛ hewulamɔ nibii krɔŋkrɔŋi lɛ awula Aaron, ni ofɔ lɛ mu okɛfee lɛ krɔŋkrɔŋ koni eye osɔfo ehã mi.

2 Mose 40:15

ni ofɔ amɛ hu mu tamɔ ofɔ amɛtsɛ mu lɛ koni amɛsɔ̃mɔ mi akɛ osɔfoi. Amɛmufɔɔ nɛɛ aaahã osɔfoyeli atsɔ̃ amɛ kɛ amɛshwiei abihii anɔ kɛya naanɔ.”

Yesaia 10:27

Nakai gbi lɛ nɔ lɛ mibawo Asiria jatsu lɛ kɛje nyɛkɔŋ, ni abaakumɔ apã ni kã nyɛkuɛ lɛ.”

3 Mose 21:10

“Osɔfonukpa lɛ, mɔ ni afɔse mu ni akɛfɔɔ mɔ mu lɛ ashwie eyiteŋ ni awo lɛ osɔfo, ni ewo osɔfo atadei lɛ, lɛ lɛ ekahiɛ eyitso folo, ni ekagbala etadei hu kɛtsɔ̃ɔ akɛ eeye ŋkɔmɔ.

3 Mose 23:20

Osɔfo lɛ baaŋɔ aboloo lɛ kɛ gwantɛŋbii lɛ ehã koni afɔ̃ akɛ fɔ̃ɔ afɔle yɛ Yehowa hiɛ. Nibii nɛɛ etsɔ̃mɔ Yehowa nii krɔŋkrɔŋ. Aŋɔ hã osɔfo lɛ akɛ egbɛfaŋnɔ.

3 Mose 6:16

Afɔle lɛ nɔ ni shwɛɔ lɛ Aaron kɛ ebihii lɛ aye. Afee lɛ mã akpiti keeki, ni aye yɛ he ni tse krɔŋkrɔŋ, no ji yɛ Yehowa Kpee Buu lɛ kpo lɛ nɔ.

3 Mose 6:18

Bei fɛɛ, yɛ yinɔi fɛɛ ni baaba lɛ mli lɛ, nuu fɛɛ nuu ni jɛ Aaron shwiei lɛ ateŋ lɛ aye akɛ egbɛfaŋnɔ yɛ ŋmãa afɔlei ni ashãa ahãa Yehowa lɛ mli. Mɔ fɛɛ mɔ ni taa he lɛ aaatsɔ̃ krɔŋkrɔŋ.”

3 Mose 6:20

“Gbi nɔ ni afɔɔ Aaron loo eshwie ko mu akɛ osɔfo lɛ, ekɛ ŋmãa mamu kilo kome aba abahã Yehowa tamɔ daa ŋmãa afɔle lɛ nɔŋŋ. Akɛ fã aba leebi, ni akɛfã hu aba gbɛkɛ.

3 Mose 6:26

Osɔfo ni gbeɔ kooloo lɛ kɛshãa esha afɔle lɛ aye loo lɛ. Eye yɛ he ni tse krɔŋkrɔŋ; no ji yɛ Yehowa Kpee Buu lɛ kpo lɛ nɔ.

3 Mose 7:14

Nii ni ekɛba lɛ, ejie fɛɛ mli ekomekome ehã, ni akɛfee nɔwomɔ afɔle ahã Yehowa; Osɔfo lɛ ni tsiɔ kooloo lɛ lá lɛ eshwieɔ afɔleshãa latɛ lɛ he lɛ nɔ ni.

3 Mose 7:28

Yehowa kɛɛ Mose

3 Mose 7:6

Nuu fɛɛ nuu ni jɛ osɔfoi ateŋ aye eko; eye yɛ he ni yɔɔ krɔŋkrɔŋ; afɔle ni yɔɔ krɔŋkrɔŋ naakpa ni.

3 Mose 8:30

Mose ŋɔ mu ni akɛfɔɔ mɔ mu lɛ eko kɛ lá ni yɔɔ afɔleshãa latɛ lɛ nɔ lɛ eko, ni ekɛshwã Aaron kɛ etadei lɛ kɛ ebihii lɛ kɛ amɛtadei lɛ fɛɛ nɔ. Ekɛ enɛ fee Aaron kɛ etadei lɛ kɛ Aaron bihii lɛ kɛ amɛtadei lɛ fɛɛ krɔŋkrɔŋ ehã Yehowa.

4 Mose 18:9

Afɔlei krɔŋkrɔŋi ni fe fɛɛ lɛ amli nibii fɛɛ ni shwɛɔ yɛ afɔleshãa lɛ sɛɛ lɛ nyɛnɔ ni. Nibii fɛɛ ni akɛbakeɔ mi akɛ afɔle krɔŋkrɔŋ lɛ, niyenii afɔle ni jio, esha he afɔle ni jio, sɔ̃yeli he afɔle ni jio, mijɔɔ nɔ tswaa mikɛke bo kɛ oshwiei.

4 Mose 5:9

Asaŋ nibii fɛɛ ni Israelbii lɛ kɛaabahã akɛ amɛkɛbake Yehowa lɛ, osɔfoi lɛ anɔ ni.

1 Korintobii 9:13

Ani nyɛleee akɛ mɛi ni tsuɔ nii yɛ Sɔlemɔ we lɛ, Sɔlemɔ wenii lɛ eko nɔŋŋ amɛyeɔ? Ni mɛi ni sɔmɔɔ yɛ afɔleshãa latɛ lɛ he lɛ, afɔleshãa latɛ lɛ nɔ nii lɛ eko nɔŋŋ amɛnaa?

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

5 Mose 12:6

Nyɛkɛ kooloi ni agbeɔ akɛ afɔle kɛ afɔlei ni ashãa lɛ kɛ ekrokomɛi lɛ, nyɛnibii amlijai nyɔŋma mli ekomekome lɛ kɛ nyɛniyenii afɔlei lɛ kɛ nyɛshiwoo afɔlei lɛ kɛ nyɛtsuijurɔ naa nikeenii lɛ kɛ nyɛtoi kɛ nyɛtsinai akromɔbii lɛ, ayaa jɛi.

5 Mose 18:1

“Levibii ni ji osɔfoi akutso lɛ, akahã amɛ shikpɔŋ lɛ eko yɛ Israelbii lɛ ateŋ; amɛgbɛfaŋnɔ ji afɔlei ni ashãa ahãa mi, Yehowa, akɛ migbɛnaanii lɛ. Mijɔɔ no nɔ mihã amɛ koni amɛye.

5 Mose 26:13

yaakɛɛ yɛ Yehowa, oNyɔŋmɔ lɛ, hiɛ akɛ, ‘Mijie nii krɔŋkrɔŋ lɛ yɛ minii mli yɛ miwe lɛ, ni mikɛhã Levibii kɛ gbɔi kɛ awusãi kɛ okulafoi bɔ ni owo mi shi akɛ mifee lɛ. Mitɔ̃ko okitãi lɛ eko nɔ, ni mihiɛ hu kpako kitã ko nɔ.

Hebribii 1:9

Osumɔɔ jalɛ, ni onyɛɔ efɔŋfeemɔ; hewɔ lɛ Nyɔŋmɔ ni ji oNyɔŋmɔ lɛ kɛ mliflimɔ mu lɛ efɔ bo fe onanemɛi lɛ.”

1 Yohane 2:20

Ni nyɛ lɛ, nyɛna mufɔɔ kɛjɛ Mɔ Krɔŋkrɔŋ lɛ dɛŋ, ni nyɛle nii fɛɛ.

1 Yohane 2:27

Ni nyɛ lɛ, mufɔɔ ni nyɛna kɛjɛ eŋɔɔ lɛ yɛ nyɛmli, ni ehe ehĩaaa nyɛ akɛ mɔ ko atsɔ̃ɔ nyɛ nii, shi moŋ bɔ ni emufɔɔ lɛ tsɔ̃ɔ nyɛ nii fɛɛ, ni eji anɔkwale ni jeee amale ni lɛ, bɔ ni etsɔ̃ɔ nyɛ lɛ nyɛhia emli.