4 Mose 18:7 - ŊMALƐ KRƆŊKRƆŊ LƐ

⁷ Shi bo kɛ obihii lɛ pɛ asɔ̃mɔ akɛ osɔfoi yɛ afɔleshãa latɛ lɛ he kɛ muhɔɔ lɛ mligbɛ hu. Miŋɔ osɔfoyeli lɛ mihã nyɛ akɛ sɔɔ̃mɔ ni aŋɔ ke. Mɔ fɛɛ mɔ ni ejeee osɔfo ni eeebɛŋkɛ nibii krɔŋkrɔŋi lɛ, gbe aaagbe lɛ.”

Ṅmãle̱ Kroṅkroṅ Le̱

⁷ Ši bo ke̱ obihĩĩ le̱ fẽ ahĩe nyeso̱foyeli le̱ mli ye̱ afo̱lešãlate̱ le̱ he nofẽno ke̱ nii ni yo̱ muhō̱ le̱ mligbe̱ le̱ agbe̱fãṅ, ní nyesúmo̱; miṅõ nyeso̱foyeli le̱ mihãnye ake̱ súomo̱ ní aṅõ-ke; ni *mokpõṅ ní aabe̱ṅke̱ le̱, aagbele̱. *1,51.

4 Mose 18:7 ပူးပေါင်းရင်းမြစ်များ

Lalai 115:10

Oo Aaronwe, nyɛŋɔa nyɛhiɛ nyɛfɔa Yehowa nɔ! Lɛ ji nyɛbualɔ kɛ nyɛtsɛŋ!

2 Mose 28:1

“Ŋɔɔ onyɛmi Aaron kɛ ebihii lɛ, ni ji Nadab kɛ Abihu kɛ Eleazar kɛ Itamar, kɛjɛ Israelbii lɛ ateŋ koni amɛsɔmɔ mi akɛ osɔfoi.

2 Mose 29:9

ni okɛ mlifiinii lɛ afimɔ amɛmli, ni obumɔ amɛ faii lɛ. Bɔ ni owo Aaron kɛ ebihii lɛ osɔfo nɛ koni osɔfo nitsumɔ lɛ afee amɛnɔ ni kã shi akɛ naanɔ akpɔ.

Ezekiel 44:15

“Osɔfoi lɛ ni jɛ Levi akutso lɛ mli, ni amɛ ji Zadok shwiei, mɛi ni kã he amɛsɔmɔ mi yɛ miHe krɔŋkrɔŋ lɛ, be mli ni Isrealbii lɛ du gbɛ kɛje mihe lɛ, amɛ amɛbaabɛŋkɛ mi ni amɛsɔmɔ mi. Amɛ amɛbaashã fɔ kɛ lá afɔle lɛ amɛha mi. Yehowa kɛɛ.

Ezekiel 44:16

Amɛ amɛbaabote miHe krɔŋkrɔŋ lɛ, ni amɛ amɛbaabɛŋkɛ mikpɔlɔ̃ lɛ ni amɛsɔmɔ mi; ni amɛ amɛbaatsu minii amɛhã mi.

Ezekiel 44:8

Nyɛ diɛŋtsɛ nyɛtsuuu minibii krɔŋkrɔŋi lɛ ahe nii yɛ miHe Krɔŋkrɔŋ lɛ; shi moŋ nyɛto maŋsɛɛbii ni amɛtsu.

3 Mose 16:2

“Okɛ onyɛmi Aaron awie koni ekabote He Krɔŋkrɔŋ lɛ mli kɛmiiya muhɔɔ lɛ sɛɛ, yɛ mɔbɔnalɛ sɛi ni bu Kpãŋmɔ Adeka lɛ nɔ lɛ hiɛ lɛ, be fɛɛ be kɛkɛ, koni ekagbo, ejaakɛ mapue yɛ atatu mli yɛ naanɔ ni bu Adeka lɛ nɔ lɛ nɔ.

3 Mose 7:35

Enɛ ji afɔlei ni ashãa ahãa Yehowa lɛ mli nɔ ni akɛhã Aaron kɛ ebii lɛ akɛ amɛgbɛfaŋnɔ gbi nɔ ni awoɔ amɛ osɔfo lɛ.

4 Mose 1:51

Kɛji maŋ lɛ fã nyiɛmɔ lɛ, Levibii lɛ afã Buu lɛ, ni kɛji shɛ be ni abaashi Buu lɛ, Levibii lɛ nɔŋŋ ashi. Mɔ folo fɛɛ mɔ folo ni aaabɛŋkɛ Buu lɛ agbe lɛ.

4 Mose 16:40

koni etsɔ̃ kaimɔnɔ ehã Israelbii lɛ bɔ ni afee ni mɔ ni jeee Aaron shwie ko akatsi ebɛŋkɛ afɔleshãa latɛ lɛ akɛ ebaashã tsofakɛŋma ekɛhã Yehowa, koni ekabatsɔ̃ tamɔ Kora kɛ esafo lɛ. Eleazar fee bɔ ni Yehowa tsɔ̃ Mose nɔ ekɛɛ lɛ lɛ pɛpɛɛpɛ.

4 Mose 18:20

Yehowa kɛɛ Aaron akɛ, “Onaŋ gboshinii ko yɛ shikpɔŋ lɛ nɔ, ni asaŋ onaŋ shikpɔŋ ni abaaja lɛ eko. Mi, Yehowa, mi ji ogbɛfaŋnɔ kɛ ogboshinii ni he hiaa bo yɛ Israelbii lɛ ateŋ.”

4 Mose 18:3

Amɛsɔ̃mɔ kɛtsu Kpee Buu lɛ mli nitsumɔi lɛ kɛkɛ yɛ oshishi; shi amɛkabɛŋkɛ He Krɔŋkrɔŋ lɛ mli nibii krɔŋkrɔŋi lɛ loo afɔleshãa latɛ lɛ koni amɛ kɛ nyɛ fɛɛ akagboi.

4 Mose 3:10

Ojɔɔ osɔfoyeli lɛ nɔ ohã Aaron kɛ ebihii lɛ pɛ. Mɔ fɛɛ mɔ ni aaajɛ sɛɛ efee ehe osɔfo lɛ agbe lɛ.”

4 Mose 3:38

Shi mɛi ni baamãmɔ amɛbui yɛ Kpee Buu Krɔŋkrɔŋ lɛ hiɛ yɛ bokãgbɛ ni amɛkɛ jɛi afee amɛshihilɛhe ji Mose kɛ Aaron kɛ ebihii lɛ. He Krɔŋkrɔŋ lɛ mli sɔ̃ɔmɔ kɛ kusumi fɛɛ ni sa akɛ atsu ahã Israel maŋbii lɛ, amɛ esa akɛ amɛtsu. Mɔ fɛɛ mɔ ni aaajɛ sɛɛ ni ekɛ ehe aaawo amɛnitsumɔ lɛ mli lɛ agbe lɛ.

Mateo 10:8

Nyɛtsaa helatsɛmɛi, nyɛtea gbohii ashi, nyɛhãa kpitiyelɔi ahe atsea, nyɛfamɔa mumɔi fɔ̃ji; yaka nyɛna, yaka nyɛkɛhãa.

Yohane 3:27

Yohane here nɔ ni ekɛɛ, “Gbɔmɔ nyɛŋ ana nɔ ko, akɛ ja ajɛ ŋwɛi akɛhã lɛ.

Efesobii 3:8

mi ni mi ji bibioo fe hetselɔi lɛ fɛɛ lɛ, akɛ nɛkɛ dromɔ nɛɛ ehã mi, akɛ mijaje Kristo nifalɛ ni anyɛɛɛ shishi ana lɛ he Sanekpakpa lɛ mitsɔ̃ɔ jeŋmaji lɛ.

5 Mose 18:2

Akahã amɛ shikpɔŋ ni abaaja lɛ eko tamɔ abaahã amɛnyɛmimɛi akutsei krokomɛi lɛ. Mi ji amɛgbɛfaŋnɔ tamɔ bɔ ni miwo amɛ shi lɛ.

Hebribii 5:4

Ni mɔ ko eŋɔɔɔ nyam nɛɛ ehãaa lɛ diɛŋtsɛ ehe, akɛ ja Nyɔŋmɔ etsɛ lɛ, tamɔ etsɛ Aaron hu lɛ.

Yoshua 18:7

Shi Levibii ni yɔɔ nyɛteŋ lɛ, amɛ lɛ amɛnaŋ shikpɔŋ lɛ eko, ejaakɛ amɛ lɛ amɛgbɛfaŋnɔ ji osɔfoyeli kɛhã Yehowa. Gad akutso lɛ kɛ Ruben akutso lɛ kɛ Manasebii ni yɔɔ bokãgbɛ lɛ, amɛna amɛgbɛfaŋnɔ momo yɛ Yordan lɛ sɛɛ, yɛ bokãgbɛ, he ni Yehowa tsulɔ Mose kɛhã amɛ lɛ.”

1 Petro 5:2

Nyɛlɛa Nyɔŋmɔ tooku ni yɔɔ nyɛteŋ lɛ, nyɛkwɛa nɔ, jeee nɔnyɛɛ naa, shi moŋ yɛ suɔmɔ naa; tamɔ bɔ ni Nyɔŋmɔ taoɔ, asaŋ jeee sɛɛnamɔ ni yɔɔ hiɛgbele hewɔ, shi moŋ tsuijurɔ naa;

1 Petro 5:3

asaŋ jeee akɛ mɛi ni yeɔ mɛi ni akɛhã nyɛ nɔkwɛmɔ lɛ anɔ akɛ nuŋtsɔmɛi, shi moŋ mɛi ni feɔ amɛhe nɔkwɛmɔnɔ amɛhãa toiku lɛ.

1 Samuel 2:28

Ni miŋɔ otsɛ we lɛ yɛ Israel akutsei lɛ fɛɛ ateŋ koni eye osɔfo ehã mi, ni esɔmɔ mi yɛ afɔleshãa latɛ lɛ naa, ni eshã tsofakɛŋma ehã mi, ni ewo efod lɛ kɛsɔmɔ mi. Ni no hewɔ lɛ, miŋɔ afɔlei fɛɛ ni akɛ la shãa mihã lɛ.