4 Mose 18:2 - ŊMALƐ KRƆŊKRƆŊ LƐ

² Ŋɔɔ onyɛmimɛi, Levibii ni ji otsɛ akutso lɛ mli bii lɛ, ofata ohe koni amɛwa bo be ni bo kɛ obii lɛ tsuɔ osɔfoi anitsumɔi lɛ yɛ Kpee Buu lɛ mli lɛ.

Ṅmãle̱ Kroṅkroṅ Le̱

² Ni onyemimei *Levi akutšo le̱ ní dši otše̱ akutšo le̱ hũ, ṅõame̱ ofata ohe, ní ame̱kpe̱te̱ ohe, ní ame̱súmo̱o; ši bo ke̱ obihĩĩ le̱ fẽ asúmo̱ ye̱ odase-bū le̱ hĩe. *3,6-10.

4 Mose 18:2 ပူးပေါင်းရင်းမြစ်များ

1 Mose 29:34

Esaa ena musu, ni efɔ binuu ekoŋŋ. Ekɛɛ akɛ, “Enɛ lɛ, agbɛnɛ, miwu kɛ ehe baakpɛtɛ mihe, ejaakɛ mikɛ lɛ efɔ bihii etɛ̃.” Enɛ hewɔ lɛ, ewo gbekɛ lɛ Levi.

2 Kronika 30:16

Mɔ fɛɛ mɔ tee eyadamɔ he ni esɔmɔɔ yɛ bɔ ni Nyɔŋmɔ gbɔmɔ Mose Mla lɛ eto gbɛjianɔ lɛ. Osɔfoi lɛ heɔ lá ni Levibii lɛ sɔoɔ lɛ yɛ amɛdɛŋ, ni amɛkɛshwãa afɔleshãa latɛ lɛ nɔ.

Ezekiel 44:11

Amɛbaasɔ̃mɔ yɛ miHe krɔŋkrɔŋ lɛ, amɛbaabu miSɔlemɔ we lɛ agboi lɛ anaa, ni amɛbaasɔ̃mɔ yɛ Sɔlemɔ we lɛ mli hu. Amɛ amɛbaagbe kooloi ni akɛbaashã shãaafɔlei lɛ, kɛ maŋbii lɛ afɔlei lɛ; ni amɛ nɔŋŋ amɛbaawa maŋbii lɛ ni amɛsɔmɔ amɛ.

Ezekiel 44:15

“Osɔfoi lɛ ni jɛ Levi akutso lɛ mli, ni amɛ ji Zadok shwiei, mɛi ni kã he amɛsɔmɔ mi yɛ miHe krɔŋkrɔŋ lɛ, be mli ni Isrealbii lɛ du gbɛ kɛje mihe lɛ, amɛ amɛbaabɛŋkɛ mi ni amɛsɔmɔ mi. Amɛ amɛbaashã fɔ kɛ lá afɔle lɛ amɛha mi. Yehowa kɛɛ.

Maleaki 2:4

Enɛ ji nɔ ni nyɛkɛaana nyɛle akɛ mi mikɛ kitã nɛɛ tsu kɛba nyɛŋɔɔ; ni asaŋ koni kpãŋmɔ ni kã mi kɛ osɔfoi, ni ji Levi shwiei lɛ, ateŋ lɛ akaku mli,” Yehowa, Taiatsɛ kɛɛ.

4 Mose 1:53

Shi Levibii lɛ ashishii amɛbui lɛ kɛbɔle miKpee Buu Krɔŋkrɔŋ lɛ; amɛbu he bɔ ni afee ni mɔ folo ko akabɛŋkɛ Buu lɛ ni no yatsɛ mimlifu bahã Israelbii lɛ.”

4 Mose 16:40

koni etsɔ̃ kaimɔnɔ ehã Israelbii lɛ bɔ ni afee ni mɔ ni jeee Aaron shwie ko akatsi ebɛŋkɛ afɔleshãa latɛ lɛ akɛ ebaashã tsofakɛŋma ekɛhã Yehowa, koni ekabatsɔ̃ tamɔ Kora kɛ esafo lɛ. Eleazar fee bɔ ni Yehowa tsɔ̃ Mose nɔ ekɛɛ lɛ lɛ pɛpɛɛpɛ.

4 Mose 17:7

Mose kɛ tsei lɛ tee eyashwie Kpãŋmɔ Adeka lɛ hiɛ yɛ Kpee Buu lɛ mli.

4 Mose 18:4

Amɛ, amɛfata ohe koni amɛtsu amɛgbɛfaŋ nitsumɔi fɛɛ ni yɔɔ Kpee Buu lɛŋ lɛ: shi moŋ mɔ ko ni jeee Levinyo akabɛŋkɛ nyɛ ni ebatsu jɛi nitsumɔ lɛ eko.

4 Mose 3:5

Kɛkɛ ni Yehowa kɛɛ Mose akɛ,

4 Mose 4:15

Kɛji Aaron kɛ ebihii lɛ eha Kpee Buu lɛ kɛ Buu lɛ mli nibii lɛ hu fɛɛ ahe amɛgbe naa, ni maŋ lɛ baafã nyiɛmɔ lɛ, no mli dani Kohatbii lɛ abahole nibii lɛ, shi moŋ amɛkɛ amɛnine akata nibii lɛ eko he koni amɛkagboi. Enɛɛmɛi ji Kpee Buu lɛ he nibii ni Kohatbii lɛ baatere lɛ.

4 Mose 8:19

ni mikɛ Levibii lɛ miihã Aaron kɛ ebihii lɛ kwraa akɛ Israelbii lɛ adɛŋ nikeenii koni amɛsɔ̃mɔ yɛ Kpee Buu lɛ mli yɛ Israelbii lɛ anajiaŋ bɔ ni afee ni amɛkpãtã efɔŋ ni baaba maŋbii anɔ kɛji amɛbɛŋkɛ He Krɔŋkrɔŋ lɛ.”

4 Mose 8:22

No sɛɛ lɛ, Levibii lɛ tee Buu lɛ mli, ni amɛyasɔ̃mɔ yɛ Aaron kɛ ebihii lɛ ashishi. Bɔ ni Yehowa fã Mose akɛ efee yɛ Levibii lɛ agbɛfaŋ lɛ, nakai efee amɛ.

Hebribii 9:6

Ni be ni asaa nibii nɛɛ nɛkɛ lɛ, osɔfoi lɛ yaa klɛŋklɛŋ buu lɛ mli daa gbi, amɛyatsuɔ sɔ̃ɔmɔ nitsumɔ lɛ;