4 Mose 17:10 - ŊMALƐ KRƆŊKRƆŊ LƐ

¹⁰ Kɛkɛ ni Yehowa kɛɛ Mose akɛ, “Kpalemɔ ni okɛ Aaron tso lɛ ayafɔ̃ Kpãŋmɔ Adeka lɛ hiɛ ekoŋŋ koni akɛto okadi ahã toigbolɔi lɛ bɔ ni afee ni huhuuhu ni amɛwieɔ amɛshiɔ mi lɛ sɛɛ afo, koni amɛkagboi.”

Ṅmãle̱ Kroṅkroṅ Le̱

¹⁰ Nyetea ši ke̱-dše̱a ne̱ke̱ asafo ne̱ teṅ, ni makpãtã ame̱hĩe tamo̱ atſaä hĩṅmei! Ni *ame̱ke ame̱hĩeaṅ bumo̱ ši. *16,4. 22.

4 Mose 17:10 ပူးပေါင်းရင်းမြစ်များ

Lalai 57:4

Mikã jatai ni kɛ hɔmɔ tserɛɔ gbɔmɛi amli ateŋ. Amɛnyanyɔji lɛ akplɔi kɛ gãimlibii ni; ni amɛlilɛii lɛ klantei ni naa ba ni.

2 Mose 16:32

Kɛkɛ ni Mose kɛɛ maŋ lɛ akɛ, “Kitã ni Yehowa ewo nɛ, ‘Nyɛkɛ niyenii nɛɛ tsenesa kome falɛ atoa nyɛhãa nyɛshwiei koni amɛbana ŋmaa ni mikɛlɛ nyɛ yɛ ŋa lɛ nɔ be mli ni mijie nyɛ kɛje Ijipt shikpɔŋ lɛ nɔ lɛ.’ ”

2 Mose 16:34

Aaron kɛ mana lɛ yama Kpãŋmɔ Adeka lɛ hiɛ tamɔ bɔ ni Yehowa fã Mose lɛ koni akɛto.

Yesaia 1:2

Yehowa kɛɛ akɛ, “Ŋwɛi, bo toi, ni shikpɔŋ bo hu feemɔ toi, ejaakɛ mi Yehowa, miiwie. Milɛ bii ni amɛdara, shi amɛ lɛ, amɛtse mihiɛ atua.

Hosea 10:9

Yehowa kɛɛ akɛ, “Israel, ofee esha kɛjɛ Gibea esha lɛ nɔ beebe, ni ohiɛ esha lɛ mli oofee lolo. Mɛni hewɔ esaaa akɛ ta ni afã ashi nɔshafeelɔi lɛ ninaa bo yɛ Gibea?

4 Mose 14:5

Kɛkɛ ni Mose kɛ Aaron kɛ amɛhiɛ bumɔ shi yɛ Israelbii asafo ni ebabɔ gwa lɛ fɛɛ hiɛ.

4 Mose 16:21

“Nyɛtsia nyɛhe yɛ nɛkɛ asafo nɛɛ he koni makpãtã amɛhiɛ hiŋmɛitswaa mli.”

4 Mose 16:38

No hewɔ lɛ, atswia hii nɛɛ, mɛi ni kɛ amɛwala wo esha lɛ he nyɔmɔ lɛ, atsɛnsii lɛ tɛtɛrɛbii, ni akɛha afɔleshãa latɛ lɛ he koni etsɔ̃ okadi ehã Israelbii fɛɛ.”

4 Mose 16:40

koni etsɔ̃ kaimɔnɔ ehã Israelbii lɛ bɔ ni afee ni mɔ ni jeee Aaron shwie ko akatsi ebɛŋkɛ afɔleshãa latɛ lɛ akɛ ebaashã tsofakɛŋma ekɛhã Yehowa, koni ekabatsɔ̃ tamɔ Kora kɛ esafo lɛ. Eleazar fee bɔ ni Yehowa tsɔ̃ Mose nɔ ekɛɛ lɛ lɛ pɛpɛɛpɛ.

4 Mose 17:11

Mose fee bɔ ni Yehowa kɛɛ lɛ pɛpɛɛpɛ.

4 Mose 17:4

Kɔlɔmɔ tsei lɛ fɛɛ kɛya Kpee Buu lɛ mli, ni okɛyashwie Kpãŋmɔ Adeka lɛ hiɛ he ni mi kɛ bo kpeɔ yɛ lɛ.

4 Mose 17:9

Mose loo tsei lɛ fɛɛ yɛ Yehowa hiɛ kɛje kpo kɛba Israelbii lɛ aŋɔ̃ɔ, ni ekɛbatsɔ̃ɔ amɛ, ni akutsotsɛ fɛɛ akutsotsɛ kɔ etso.

4 Mose 20:9

Mose kɔ tso lɛ yɛ Yehowa hiɛ tamɔ bɔ ni Yehowa fã lɛ lɛ.

4 Mose 4:18

“Nyɛkahãa Kohatbii akutso lɛ mli wekui lɛ ashishi miibule yɛ Levibii lɛ ateŋ,

1 Korintobii 10:10

Ni nyɛsaa nyɛkawiea huhuuhu tamɔ bɔ ni amɛteŋ mɛi komɛi hu wie huhuuhu ni hiɛkpãtãlɔ lɛ bakpãtã amɛhiɛ lɛ.

Efesobii 5:6

Nyɛkahãa mɔ ko kɛ wiemɔi foji miishishiua nyɛ, ejaakɛ nii nɛɛ ahewɔ ni Nyɔŋmɔ mlifu baa toigbelebii lɛ anɔ lɛ.

5 Mose 9:24

Yehowa hiɛ atua sɔŋŋ kɛkɛ nyɛtseɔ kɛjɛ gbi nɔ ni mile nyɛ lɛ.

5 Mose 9:7

“Nyɛkaia, ni nyɛhiɛ akakpaa nɔ, bɔ ni nyɛtsɔ̃ nyɛwo Yehowa, nyɛNyɔŋmɔ lɛ, mlifu nyɛhã be mli ni nyɛyɔɔ shiaŋa lɛ nɔ lɛ. Kɛjɛ gbi nɔ ni nyɛshi Ijipt shikpɔŋ lɛ nɔ aahu kɛbashi nyɛbashɛ biɛ nɛɛ lɛ, Yehowa hiɛ atua sɔŋŋ kɛkɛ nyɛtseɔ.

Hebribii 9:4

Jɛi shika tsofakɛŋma shãa nɔ lɛ kɛ Kpãŋmɔ Adeka ni akɛ shika eha he fɛɛ lɛ yɔɔ; no mli shika kpulu kɛ emli mana lɛ kɛ Aaron tso ni gba afofro lɛ kɛ kpãŋmɔ tɛi tɛtɛrɛbii lɛ yɔɔ.

1 Samuel 2:12

Osɔfo Eli bihii lɛ yafee amɛhe yakagbɔmɛi, ni amɛbuu Yehowa,

1 Samuel 30:22

Kɛkɛ ni mɛi ni kɛ David tee lɛ ateŋ yitsoŋwalɔi kɛ yakagbɔmɛi lɛ kɛɛ akɛ, “Akɛni amɛbɛ mli ni wɔtee lɛ hewɔ lɛ nibii ni wɔyashɔ̃ kɛba lɛ, amɛnɔ bɛ mli fe mɔ oŋa kɛ obii ni obaanyɛ obakpala amɛ kɛya kɛkɛ.”