4 Mose 16:9 - ŊMALƐ KRƆŊKRƆŊ LƐ

⁹ Israel Nyɔŋmɔ lɛ etse nyɛ yɛ Israel asafo lɛ he, ni ehãa nyɛ hegbɛ ni nyɛbɛŋkɛɔ lɛ, ni nyɛtsuɔ Yehowa Kpee Buu Krɔŋkrɔŋ lɛ mli nii; ni asaŋ nyɛdamɔɔ asafo lɛ hiɛ nyɛsɔ̃mɔɔ amɛ, aso no faaa hãaa nyɛ lo?

Ṅmãle̱ Kroṅkroṅ Le̱

⁹ Aso efáá hããnye, ake̱ Israel Nyoṅmo̱ le̱ *etšenye ke̱-dše̱ Israel asafo le̱ he, ni ehã nyebe̱ṅke̱le̱, koni nyetšu Ie-howa šihĩle̱he le̱ he nii, ni asaṅ nyedamo̱ asafo le̱ hĩe ni nyesúmoame̱ le̱? *3,6-13; 4,4-20.

4 Mose 16:9 ပူးပေါင်းရင်းမြစ်များ

1 Mose 30:15

Shi Lea kɛɛ Rahel akɛ, “Aso ni oshɔ̃ miwu lɛ, no faaa hãaa bo, obaashɔ̃ mibi lɛ suɔmɔ tso yibii lɛ hu?” Rahel to he akɛ, “Kɛji ooohã mi obi lɛ suɔmɔ tso yibii lɛ eko lɛ, no lɛ obaanyɛ oyawɔ Yakob ŋɔɔ ŋmɛnɛ.”

2 Samuel 7:19

Ni kɛ̃lɛ enɛ jeee nɔ ko srɔto ko hã bo, Nuŋtsɔ Nyɔŋmɔ. Otsɔ̃ɔ wɔsɛɛ shɔŋŋ nibii ni baaba, mi otsulɔ, miwe lɛ nɔ hu. Nuŋtsɔ Nyɔŋmɔ, otsɔ̃ɔ mi shwiei ni mawo.

2 Kronika 35:3

Ekɛɛ Levibii lɛ ni amɛ ji Israel muu fɛɛ tsɔɔlɔi lɛ, ni asaŋ amɛjɔɔ amɛhe nɔ amɛhã Yehowa sɔɔmɔ lɛ akɛ, “Nyɛkɛ Kpãŋmɔ Adeka lɛ ayamaa Sɔlemɔ we lɛ ni Maŋtsɛ Solomon, Israel Maŋtsɛ David bi lɛ, ma lɛ mli. Ehiaaa akɛ nyɛaatere adeka lɛ kɛya kɛba. Agbɛnɛ nyɛsɔmɔa Yehowa, nyɛNyɔŋmɔ lɛ, kɛ emaŋ Israel.

Nehemia 12:44

Nakai gbi lɛ nɔ nɔŋŋ lɛ, afamɔ hii komɛi ato nitoohei lɛ anɔ: nitoohei nɛɛ ji hei ni akɛ nɔwomɔ afɔlei kɛ klɛŋklɛŋ yibii afɔlei lɛ kɛ nibii amlijai nyɔŋma mli ekomekome lɛ toɔ. Afamɔ hii nɛɛ koni amɛbua ŋmɔji ni yɔɔ maji lɛ ahe lɛ amli nii lɛ amlijai nyɔŋma ni mla lɛ to lɛ naa amɛwo nitoohei lɛ amli amɛhã osɔfoi lɛ kɛ Levibii lɛ. Yuda shikpɔŋ lɛ nɔ bii na osɔfoi lɛ kɛ Levibii ni damɔɔ shi sɔmɔɔ lɛ ahe miishɛɛ;

Yesaia 7:13

Kɛkɛ ni Yesaia to he akɛ, “Nyɛboa toi koo, agbɛnɛ, nyɛ Maŋtsɛ David shwiei! Aso gbɔmɛi ni nyɛhao lɛ faaa hãaa nyɛ hewɔ ni nyɛtaoɔ akɛ nyɛhao miNyɔŋmɔ lɛ hu nɛɛ?

Ezekiel 34:18

Ani jwɛi kpakpa ni nyɛnaa nyɛyeɔ yɛ ŋa lɛ nɔ lɛ, nyɛtsui etɔ̃ɔɔ hewɔ ni nyɛkɛ nyɛnaji naanaa nyɛjwɛi kpakpa ni shwɛɔ lɛ nɔ lɛ? Ani nu hu ni hiɛ tɛ̃ kɔtekɔte ni nyɛnuɔ lɛ, nyɛtsui etɔ̃ɔɔ hewɔ ni nyɛkɛ nyɛnaji kpɔtɔɔ nɔ ni shwɛɔ lɛ!

Ezekiel 44:16

Amɛ amɛbaabote miHe krɔŋkrɔŋ lɛ, ni amɛ amɛbaabɛŋkɛ mikpɔlɔ̃ lɛ ni amɛsɔmɔ mi; ni amɛ amɛbaatsu minii amɛhã mi.

4 Mose 1:53

Shi Levibii lɛ ashishii amɛbui lɛ kɛbɔle miKpee Buu Krɔŋkrɔŋ lɛ; amɛbu he bɔ ni afee ni mɔ folo ko akabɛŋkɛ Buu lɛ ni no yatsɛ mimlifu bahã Israelbii lɛ.”

4 Mose 16:13

Kɛji obakpala wɔ kɛjɛ shikpɔŋ kpakpa ni ewo fɔ nɔ, ni obaagbegbee wɔ yɛ ŋa nɛɛ nɔ lɛ, no kɛkɛ faaa hãaa bo; shi no sɛɛ hu lɛ ootao akɛ oyeɔ lumɔ yɛ wɔnɔ lo?

4 Mose 16:8

Kɛkɛ ni Mose kɛɛ Kora akɛ, “Nyɛboa mi toi koo, nyɛ Levibii!

4 Mose 3:6

“Ŋɔɔ Levi akutso lɛ kɛba ni owo amɛ yelikɛbualɔi, mɛi ni baawa Osɔfo Aaron yɛ esɔfoyeli nitsumɔ lɛ mli.

4 Mose 3:9

Ojɔɔ Levibii lɛ anɔ ohã Aaron kɛ ebihii lɛ. Oŋɔ amɛ yɛ Israelbii lɛ ateŋ, ni ojɔɔ amɛnɔ kwraa ohã koni amɛsɔ̃mɔ Aaron kɛ ebihii osɔfoi lɛ.

Bɔfoi 13:2

Shi be ni amɛjaa Nuŋtsɔ lɛ ni amɛhiɔ ŋmaa lɛ, Mumɔ Krɔŋkrɔŋ lɛ kɛɛ, “Nyɛjiea Barnaba kɛ Saul nyɛhãa mi kɛhã nitsumɔ ni mitsɛ amɛ yɛ hewɔ lɛ.”

1 Korintobii 4:3

Shi mi lɛ, ejeee nɔ ko titri ko hã mi akɛ nyɛkojoɔ mi aloo akɛ akɛ gbɔmɛi akojomɔ aaakojo mi; mi diɛŋtsɛ tete mikojooo mihe.

5 Mose 10:8

Be ni ayɔɔ gɔŋ lɛ he lɛ, Yehowa ŋɔ Levi akutso lɛ akɛ amɛ amɛtere Kpãŋmɔ Adeka lɛ. Asaŋ amɛ amɛdamɔ ehiɛ amɛsɔmɔ lɛ, ni amɛ pɛ amɛkɛ egbɛi ajɔɔ mɛi. Nitsumɔi nɛɛ amli amɛhiɛ kɛbashi ŋmɛnɛ gbi nɛɛ.

1 Samuel 18:23

Be ni Saul tsuji lɛ kɛ David yawie wiemɔ nɛɛ lɛ, David kɛɛ tsuji lɛ akɛ, “Kolɛ nyɛkɛɛ benɛ maŋtsɛ shaanuu tsɔ̃mɔ lɛ shwɛmɔ sane ni? Mi hu nɛ, ohiafobi humi ni mijeee mɔ ko.”