4 Mose 16:5 - ŊMALƐ KRƆŊKRƆŊ LƐ

⁵ Kɛkɛ ni ekɛɛ Kora kɛ asafo lɛ ni ekɛba lɛ fɛɛ akɛ, “Wɔ ni ji wɔ leebi lɛ Yehowa baahã ale mɔ ni ji enɔ; mɔ ni ji mɔ krɔŋkrɔŋ lɛ, lɛ ebaahã ebɛŋkɛ lɛ. Mɔ ni Yehowa aaaŋɔ̃ lɛ, lɛ ebaahã ebɛŋkɛ lɛ yɛ afɔleshãa latɛ lɛ he.

Ṅmãle̱ Kroṅkroṅ Le̱

⁵ ni eke̱ Kora ke̱ esafo le̱ fẽ wie ake̱: Wó̱ ní dši wó̱ le̱ Iehowa bahã ale moni *dši enõ ke̱ moni dši mo kroṅkroṅ ní eehã ebe̱ṅke̱le̱; moni eehala le̱, le̱ eehã ebe̱ṅke̱le̱. *2 Tim. 2,19.

4 Mose 16:5 ပူးပေါင်းရင်းမြစ်များ

Lalai 105:26

Kɛkɛ ni etsu etsulɔ Mose kɛ Aaron, mɛi ni ehala lɛ.

Lalai 115:10

Oo Aaronwe, nyɛŋɔa nyɛhiɛ nyɛfɔa Yehowa nɔ! Lɛ ji nyɛbualɔ kɛ nyɛtsɛŋ!

Lalai 65:4

Ajɔɔ mɔ ni ohala ni ohãa ebɛŋkɛɔ bo, koni ehi ohe krɔŋkrɔŋ lɛŋ lɛ. Wɔɔtɔrɔ kɛ owe lɛŋ nibii kpakpai lɛ, ni ji oSɔlemɔ we krɔŋkrɔŋ lɛŋ nibii lɛ.

2 Mose 28:1

“Ŋɔɔ onyɛmi Aaron kɛ ebihii lɛ, ni ji Nadab kɛ Abihu kɛ Eleazar kɛ Itamar, kɛjɛ Israelbii lɛ ateŋ koni amɛsɔmɔ mi akɛ osɔfoi.

2 Mose 28:41

Okɛ nibii nɛɛ awula onyɛmi Aaron kɛ ebihii lɛ hu ofata ehe, ni ofɔ amɛ mu, ni owo amɛ osɔfo, ni otsuu amɛhe koni amɛye osɔfo amɛhã mi.

2 Mose 28:43

Aaron kɛ ebihii lɛ awo tswakoto nɛɛ kɛji amɛmiiba Kpee Buu lɛ mli aloo kɛ amɛmiibɛŋkɛ afɔleshãa latɛ lɛ he kɛbasɔ̃mɔ yɛ Kpee Buu Krɔŋkrɔŋ lɛ mli koni amɛkaloo musu ni amɛgboi. Enɛ atsɔ̃ akpɔ ni kã shi kɛmiiya naanɔ hã Aaron kɛ eshwiei ni baaba yɛ esɛɛ lɛ.”

Yeremia 30:21

Amɛteŋ mɔ ko nɔŋŋ baatsɔ̃ amɛlumɔ; amɛnɔyelɔ lɛ baajɛ amɛ nɔŋŋ amɛteŋ. Mahã etsi ebɛŋkɛ mi, ni ebaaba mimasɛi, ejaakɛ namɔ aaanyɛ ashi etsitsi, ni eba mi, mimasɛi? Mi, Yehowa, mikɛɛ.

Yeremia 49:19

Naa, bɔ ni jata fãa kɛjɛɔ Yordan Faa he koo hayii mli kɛbaa ebatuaa too ku yɛ amɛniyelihe lɛ, nakai mibaba trukaa, ni mahã Edombii ajo foi amɛshi amɛshikpɔŋ lɛ nɔ, ni mi, mibato mɔ ni misumɔɔ koni eye Edom nɔ. Ejaakɛ namɔ kɛ mi ye egbɔ? Namɔ baanyɛ mi sane ebi? Mɛɛ maŋ hiɛnyiɛlɔ baanyɛ mihiɛ edamɔ?

Yeremia 50:44

“Naa, mafã tamɔ jata ni ejɛ Yordan Faa lɛ he koo hayii lɛ mli ni ebatua kooloi yɛ jwɛifɔ ŋa nɔ, ni mahã amɛjo foi trukaa kɛje jɛi; ni mi diɛŋtsɛ mafã mɔ ko koni eye maŋ lɛ nɔ. Ejaakɛ namɔ tamɔ mi? Namɔ baanyɛ mi ekɛfu daa? Namɔ baanyɛ mi mihiɛ edamɔ?

Ezekiel 40:46

Ni tsu ni hiɛ kwɛɔ kooyigbɛ lɛ, osɔfoi ni tsuɔ afɔleshãa latɛ lɛ he nii lɛ anɔ ni. Osɔfoi nɛɛ fɛɛ lɛ Zadokbii ni jɛ Levi shwiei lɛ amli ji amɛ. Amɛ pɛ ji mɛi ni bɛŋkɛɔ Yehowa, ni amɛsɔmɔɔ lɛ.”

Ezekiel 43:19

ŋɔɔ tsina oblanyo ohã osɔfoi ni ji Levibii ni jɛ Zadok weku lɛ mli lɛ mɛi ni bɛŋkɛɔ mi ni amɛsɔmɔɔ mi lɛ, koni amɛkɛshã esha he afɔle.

Ezekiel 45:4

Shikpɔŋ krɔŋkrɔŋ lɛ he ni shwɛɔ lɛ, akɛhã osɔfoi lɛ ni sɔmɔɔ yɛ Sɔlemɔ we lɛ, mɛi ni bɛŋkɛɔ Yehowa ni amɛsɔmɔɔ lɛ lɛ. Etsɔ he ni abaamamɔ amɛshĩai yɛ, ni jɛi hu afee He Krɔŋkrɔŋ ahã Sɔlemɔ we lɛ.

3 Mose 10:3

Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

3 Mose 8:2

“Ŋɔɔ Aaron kɛ ebihii lɛ ofata ohe, ni oŋɔ atadei lɛ kɛ mɔ mufɔɔ mu lɛ kɛ tsinanuu ni akɛshãa esha afɔle lɛ kɛ too ojwɛnii enyɔ lɛ kɛ mã akpiti kafu lɛ koni okɛ amɛ aba Kpee Buu lɛ naa.

Maleaki 3:18

No dani nyɛbaana ekoŋŋ nɔ srɔto ni yɔɔ jalɔ kɛ efɔŋfeelɔ teŋ, kɛ srɔto ni yɔɔ mɔ ni sɔ̃mɔɔ Nyɔŋmɔ kɛ mɔ ni sɔ̃mɔɔɔ Nyɔŋmɔ teŋ.”

4 Mose 16:3

Gbɔmɛi nɛɛ kpe amɛwo Mose kɛ Aaron he, ni amɛkɛɛ amɛ akɛ, “Nyɛmiitsɛ nyɛhe tsɔ̃. Ejaakɛ asafo muu lɛ mli mɔ fɛɛ mɔ lɛ, Yehowa nɔ ni; ni Yehowa kɛ wɔ fɛɛ yɛ. Mɛɛba ni nyɛwoɔ nyɛhe nɔ yɛ Yehowa asafo lɛ nɔ mɔ?”

4 Mose 16:6

Nɔ ni nyɛfee nɛ: Kora, bo kɛ osafo lɛ nyɛkɔlɔa lajee tsɛnsii;

4 Mose 17:5

Gbɔmɛi nɛɛ ateŋ mɔ ni ji mɔ ni miŋɔ lɛ, edɛhiɛmɔtso lɛ baagba afofro; ni mikɛ enɛ baahã huhuuhu ni Israelbii lɛ wieɔ amɛshiɔ nyɛ yɛ mihewɔ lɛ sɛɛ afo.”

4 Mose 17:8

Enɔ jetsɛremɔ be ni Mose tee Kpee Buu lɛ mli lɛ, naa Aaron tso lɛ ni ji Levibii awe lɛ tso lɛ ni efrɔke ni egba afofro, ni ewo yibii hu.

Yohane 15:16

Jeee nyɛ nyɛhala mi, shi mi moŋ mihala nyɛ, ni mito nyɛ koni nyɛ hu nyɛya ni nyɛyawo yibii, ni nyɛyibii lɛ ahi shi, koni nɔ fɛɛ nɔ he fai ni nyɛaakpa Tsɛ lɛ yɛ migbɛi mli lɛ, ehã nyɛ.

Bɔfoi 1:2

kɛyashi gbi nɔ ni aŋɔ lɛ kɛtee ŋwɛi, be ni etsɔ̃ Mumɔ Krɔŋkrɔŋ lɛ nɔ ewo ebɔfoi ni ehala lɛ akitãi sɛɛ lɛ.

Bɔfoi 1:24

Ni amɛsɔle amɛkɛɛ, “Bo, Nuŋtsɔ, ni ole gbɔmɛi fɛɛ atsuiiaŋ, tsɔ̃ɔmɔ mɛi enyɔ nɛɛ ateŋ mɔ ni ohala

Bɔfoi 13:2

Shi be ni amɛjaa Nuŋtsɔ lɛ ni amɛhiɔ ŋmaa lɛ, Mumɔ Krɔŋkrɔŋ lɛ kɛɛ, “Nyɛjiea Barnaba kɛ Saul nyɛhãa mi kɛhã nitsumɔ ni mitsɛ amɛ yɛ hewɔ lɛ.”

Bɔfoi 15:7

Shi be ni amɛyiyii aahu lɛ, Petro te shi damɔ shi, ni ekɛɛ amɛ akɛ, “Anyɛmimɛi hii, nyɛ diɛŋtsɛ nyɛle akɛ jeeŋmɔ beebe Nyɔŋmɔ hala wɔmli, ni eto akɛ minaa jeŋmaji lɛ anu Sanekpakpa lɛ yɛ ni amɛhe amɛye.

Bɔfoi 22:14

Ni ekɛɛ, ‘Wɔtsɛmɛi aNyɔŋmɔ lɛ ehala bo eto, ni ole esuɔmɔnaanii, ni ona Nyɔŋmɔ Jalɔ lɛ, ni onu edaaŋ gbee;

Efesobii 2:13

Shi agbɛnɛ, Kristo Yesu mli lɛ, nyɛ ni sa ni nyɛyɔɔ shɔŋŋ lɛ, nyɛtsɔ̃ Kristo lá lɛ nɔ nyɛbɛŋkɛ.

2 Timoteo 2:19

Kɛ̃lɛ Nyɔŋmɔ shishitoo ni wa lɛ ma shi shiŋŋ, ni ehiɛ nɛkɛ naasɔomɔnɔ nɛɛ, “Nuŋtsɔ lɛ le lɛ diɛŋtsɛ emɛi lɛ,” kɛ “Mɔ fɛɛ mɔ ni tsiɔ Nuŋtsɔ lɛ gbɛi lɛ tã lɛ atsi ehe kɛjɛ nii ni ejaaa gbɛ lɛ ahe.”

Hebribii 12:14

Nyɛtiua nyɛ kɛ mɛi fɛɛ ateŋ hejɔlɛ sɛɛ kɛ hetsemɔ ni kɛ mɔ ko shi ni enaŋ Nuŋtsɔ lɛ.

Kpojiemɔ 1:6

ni ekɛ wɔ efee maŋtsɛmɛi kɛ osɔfoi ehã eTsɛ Nyɔŋmɔ lɛ, lɛ aŋɔ anunyam kɛ hewalɛ ahã kɛyashi naanɔi anaanɔ. Amen!

1 Samuel 2:28

Ni miŋɔ otsɛ we lɛ yɛ Israel akutsei lɛ fɛɛ ateŋ koni eye osɔfo ehã mi, ni esɔmɔ mi yɛ afɔleshãa latɛ lɛ naa, ni eshã tsofakɛŋma ehã mi, ni ewo efod lɛ kɛsɔmɔ mi. Ni no hewɔ lɛ, miŋɔ afɔlei fɛɛ ni akɛ la shãa mihã lɛ.