4 Mose 15:9 - ŊMALƐ KRƆŊKRƆŊ LƐ

⁹ no lɛ niyenii afɔle ni akɛfata tsina oblanyo lɛ he lɛ afee ŋmãa mamu kiloi etɛ̃ ni akɛ mu litai enyɔ efutu mli;

Ṅmãle̱ Kroṅkroṅ Le̱

⁹ no le̱ niyenii-afo̱le ní oke̱-fata tšina-oblanyo le̱ he ke̱-ba ne̱: ṅmā̃ mã [efa] mlidšāi nyoṅma mli etẽ ní awo mli mũ hin fã;

4 Mose 15:9 ပူးပေါင်းရင်းမြစ်များ

1 Kronika 21:23

Ornan kɛɛ David akɛ, “Minuŋtsɔ Maŋtsɛ, ŋɔɔ ni ofee nɔ ni sa ohiɛ. Naa, mikɛ tsinai lɛ miihã koni akɛshã afɔlei lɛ, ni mikɛ ŋmãagbeemɔhe tsei lɛ hu miiha koni akɛfee lai; ni naa ŋmãa hu koni akɛfee niyenii afɔle. Mikɛ fɛɛ miike!”

Nehemia 10:33

Nibii nɛɛ ji aboloo ni akɛmaa Nyɔŋmɔ hiɛ daa gbi lɛ, kɛ shãa afɔle lɛ kɛ hejɔɔmɔ gbii lɛ anɔ nii lɛ kɛ nyɔji hei anɔ afɔlei lɛ kɛ gbii juji ni ato lɛ anɔ nii lɛ kɛ nii krɔŋkrɔŋi lɛ kɛ esha afɔlei lɛ ni akɛkpãtã ahãa Israel lɛ. Wɔbaahã kɛhã wɔNyɔŋmɔ lɛ nitsumɔi lɛ fɛɛ.

Ezekiel 42:13

Agbɛnɛ nuu lɛ kɛɛ mi akɛ, “Piai ni yɔɔ kooyigbɛ lɛ kɛ piai ni yɔɔ wuoyigbɛ ni amɛhiɛ kwɛɔ kpo lɛ nɔ gbɛ lɛ, nomɛi ji piai krɔŋkrɔŋi lɛ. Jɛi osɔfoi ni bɛŋkɛɔ Yehowa lɛ yeɔ afɔle krɔŋkrɔŋi ni fe fɛɛ lɛ yɛ. Afɔlei nɛɛ ji niyenii afɔle lɛ kɛ esha afɔle lɛ kɛ sɔ̃ afɔle lɛ, ejaakɛ hei krɔŋkrɔŋi ni.

Ezekiel 46:11

Gbijurɔ fɛɛ gbijurɔ nɔ lɛ niyenii afɔle ni afata tsina oblanyo kome he ji ŋmãa efa kome; ni ojwɛni kome hu nɔ lɛ ji ŋmãa efa kome; ni ekɛ ŋmãa bɔ ni eeenyɛ afata gwantɛŋbii lɛ ahe. Ni mu hin kome afata ŋmãa efa kome fɛɛ efa kome he.

Ezekiel 46:15

No hewɔ lɛ, aha gwantɛŋbi lɛ kɛ ŋmãa mamu lɛ kɛ mu ni akɛbaasha shãa afɔle lɛ daa leebi. Daa shãa afɔle ji no.”

Ezekiel 46:5

Niyenii afɔle ni afata ojwɛni kome he ji, ŋmãa efa kome; ni niyenii afɔle ni afata gwantɛŋbii lɛ ahe ji bɔ ni lɛ eeenyɛ. Ekɛ mu hin kome afata ŋmãa efa kome fɛɛ efa kome he.

Ezekiel 46:7

Niyenii afɔle ni baafata tsinanuu kome he ji ŋmãa efa kome; ni ojwɛni kome hu ŋmãa efa kome; ni gwantɛŋbii lɛ hu ŋmãa bɔ ni lɛ eeenyɛ ehã. Ni ekɛ mu hin kome afata ŋmãa efa kome fɛɛ efa kome he.

Yoel 1:9

Niyenii afɔle kɛ dãa sɛɛ efo yɛ Yehowa we lɛ. Osɔfoi ni ji Yehowa sɔ̃ɔlɔi lɛ miiye ŋkɔmɔ, ejaakɛ afɔlei bɛ hã Yehowa.

Yoel 2:14

Ekolɛ Yehowa, nyɛNyɔŋmɔ lɛ, aaatsake ejwɛŋmɔ, ni eeejɔɔ nyɛŋmɔshinii, ni nyɛkɛ niyenii afɔle kɛ dãa afɔle aaabahã Yehowa, nyɛNyɔŋmɔ lɛ.

3 Mose 14:10

Gbi ni ji kpaanyɔ lɛ nɔ lɛ mɔ ni atsuɔ ehe lɛ kɛ gwantɛŋbii enyɔ ni kpa ko bɛ amɛhe kɛ gwantɛŋ yoo kome ni eye afi ni kpa ko bɛ ehe kɛ ŋmãa mamu kiloi etɛ̃ ni akɛ mu ewo mli kɛ mu lita mlijai etɛ̃ mli ekome aba.

3 Mose 6:14

Ŋmãa afɔle lɛ he mla nɛ: “Aaron bihii osɔfoi lɛ kɛ ŋmãa afɔle lɛ aba abahã Yehowa yɛ afɔleshãa latɛ lɛ hiɛ.

3 Mose 7:37

Enɛ ji mla ni kã shi hã shãa afɔlei lɛ kɛ ŋmãa afɔlei lɛ kɛ esha afɔlei kɛ sɔ̃ afɔlei lɛ kɛ osɔfowoo afɔlei lɛ kɛ naanyobɔɔ afɔlei lɛ.

4 Mose 15:10

ni akɛ wain litai enyɔ hu afata he. Afɔle ni akɛ la shãa hãa mi Yehowa, ni misumɔɔ eŋma ji enɛ.’

4 Mose 15:8

Shi kɛji akɛ tsina oblanyo baashã shãa afɔle loo gbee afɔle akɛ akɛmiiye shiwoo ko nɔ loo akɛ shidaa afɔle akɛhã mi, Yehowa, lɛ,

4 Mose 28:12

Niyenii afɔle ni ji ŋmãa mamu ni akɛ fɔ ekpɔtɔ ni akɛfata kooloi lɛ ahe nɛ: tsinanuu kome lɛ mamu kiloi etɛ̃, ojwɛni lɛ mamu kiloi enyɔ,

4 Mose 28:14

Yɛ dãa afɔle lɛ gbɛfaŋ lɛ tsinanuu kome he dãa ji wain litai enyɔ; ojwɛni kome he dãa ji wain lita kome kɛ fã; ni gwantɛŋbi he dãa ji wain lita kome. Afi mli nyɔŋ fɛɛ nyɔŋ klɛŋklɛŋ gbi lɛ nɔ lɛ, afɔle ni ashã lɛ he mla ji enɛ.

4 Mose 29:6

Enɛɛmɛi asɛɛ lɛ ashã nyɔŋ hee shãa afɔle kɛ ehe niyenii afɔle lɛ, kɛ daa gbi shãa afɔle lɛ hu kɛ ehe niyenii afɔle lɛ hu. Eko fɛɛ eko lɛ kɛ ehe dãa afɔle bɔ ni afo aŋmɛ shi lɛ pɛpɛɛpɛ. Niyenii afɔlei ni akɛ la shãa ni jeɔ ŋma woɔ Yehowa ni.

1 Samuel 1:24

Be ni Hana tse gbekɛ lɛ fufɔ lɛ sɛɛ lɛ, ekɛ gbekɛ lɛ tee Yehowa we lɛ yɛ Shilo, ni ehiɛ edɛŋ tsinanuu ni eye afii etɛ̃ kɛ ŋmaa mamu kiloi nyɔŋma kɛ wain tɔ kome. Nakai be mli tete lɛ Samuel edako.