4 Mose 15:5 - ŊMALƐ KRƆŊKRƆŊ LƐ

⁵ kɛ wain hu lita kome. Akɛ nibii nɛɛ afata toobi kome ni akɛbaashã shãa afɔle loo gbee afɔle lɛ he.

Ṅmãle̱ Kroṅkroṅ Le̱

⁵ ke̱ wein ni *ake̱-baye ṅkpai hin mlidšāi edſe̱ mli ekome, ni eṅo-fata šā̃-afo̱le lo gbē-afo̱le le̱, ní dši tōbi kome le̱ he. *28,7.

4 Mose 15:5 ပူးပေါင်းရင်းမြစ်များ

2 Kronika 29:35

Bɔ ni shãa afɔle lɛ yafa babaoo diɛŋtsɛ lɛ, nakai nɔŋŋ yeli kɛ shidaa afɔle kooloi lɛ amli fɔi lɛ, kɛ agbɛnɛ shãa afɔle lɛ he dãa afɔle lɛ hu yafa babaoo. Gbɛ nɔ ni tsɔ̃ ni atsuu Yehowa We lɛ he, asaŋ ni agbele naa ekoŋŋ koni aja yɛ mli lɛ nɛ.

Ezra 7:17

“Nɛkɛ shika nɛɛ kwɛmɔ ni akɛhe tsinai, ojwɛnii, toobii kɛ amɛhe niyenii afɔlei kɛ dãa afɔle, koni okɛyashã afɔle yɛ afɔleshãa latɛ lɛ ni yɔɔ nyɛNyɔŋmɔ lɛ we lɛ yɛ Yerusalɛm lɛ nɔ.

Lalai 116:13

Mawo yiwalaheremɔ kpulu lɛ nɔ, ni matsɛ Yehowa gbɛi lɛ.

2 Mose 29:40

Klɛŋklɛŋ toobi lɛ okɛ ŋmaa mamu yiteremɔ kilo mlijaa nyɔŋma mli ekome, ni akɛ fɔ ni ashi mli lita mlijaa ejwɛ mli ekome akpɔtɔ afata he, kɛ wain lita mlijaa ejwɛ mli ekome ni akɛshã afɔle lɛ.

Salomo Lalai 1:4

MiMaŋtsɛ, hã manyiɛ osɛɛ; hã wɔye wɔhe oyai kɛya opiai lɛ amli. Wɔɔnya, ni wɔmii aaashɛ. Wɔɔkafo osuɔmɔ lɛ fe wain; ŋwanejee ko bɛ he akɛ, no hewɔ yei sumɔɔ bo lɛ.

3 Mose 1:10

“Shi kɛji too gwantɛŋ loo abotia mɔ lɛ kɛbaa ebashã shãa afɔle lɛ, ehiɛ gwantɛŋ nuu loo abotia nuu ni kpa ko bɛ ehe kɛba.

3 Mose 23:13

Ni niyenii afɔle ni afata kooloo lɛ he ji ŋmãa mamu ni akɛ fɔ ekpɔtɔ, kiloi enyɔ, koni ashã ahã Yehowa koni eje ŋma ewo lɛ; ni dãa afɔle ni akɛfata he ji wain lita kome.

3 Mose 3:6

“Kɛji mɔ lɛ miiba ebashã naanyobɔɔ afɔle ehã Yehowa kɛ gwantɛŋi loo abotiai lɛ ateŋ eko lɛ, kooloo lɛ nuu ni jio, yoo ni jio, efee kooloo ni kpa ko bɛ ehe.

3 Mose 3:7

Kɛji mɔ lɛ hiɛ gwantɛŋ kɛba afɔleshãa lɛ, no lɛ ekɛba Yehowa hiɛ,

Zakaria 9:17

Shikpɔŋ lɛ nɔ aaaŋɔɔ, eeefee fɛo; abele aaahã oblahii afrɔke ni wain hee hu aaahã oblayei afrɔke.

4 Mose 15:11

“Niyenii ni afata tsinanuu fɛɛ tsinanuu, loo ojwɛni fɛɛ ojwɛni, loo gwantɛŋbi fɛɛ gwantɛŋbi loo abotiabi fɛɛ abotiabi he nɛ.

4 Mose 15:6

Kɛji akɛ ojwɛni baashã afɔle lɛ, akɛ ŋmãa mamu kiloi enyɔ ni akɛ mu lita kome kɛ fã efutu mli afee kooloo lɛ he niyenii afɔle lɛ;

4 Mose 28:14

Yɛ dãa afɔle lɛ gbɛfaŋ lɛ tsinanuu kome he dãa ji wain litai enyɔ; ojwɛni kome he dãa ji wain lita kome kɛ fã; ni gwantɛŋbi he dãa ji wain lita kome. Afi mli nyɔŋ fɛɛ nyɔŋ klɛŋklɛŋ gbi lɛ nɔ lɛ, afɔle ni ashã lɛ he mla ji enɛ.

4 Mose 28:7

Dãa afɔle lita kome afata gwantɛŋbi kome he, koni ofɔse dãa lɛ oshwie shi yɛ He Krɔŋkrɔŋ lɛ okɛhã Yehowa.

Filipibii 2:17

Shi kɛji afɔse milá ashwie nyɛhemɔkɛyeli ni akɛhãa Nyɔŋmɔ akɛ afɔle lɛ nɔ tete lɛ, miyɛ he tsuijurɔ, ni mikɛ nyɛ fɛɛ aaana tsuijurɔ;

2 Timoteo 4:6

Ejaakɛ mi lɛ, aafɔse mila aashwie shi momo akɛ afɔle, ni mimliyimɔ be lɛ eshɛ.

Kojolɔi 9:13

Shi waintso kɛɛ amɛ akɛ, ‘Ani mihã midãa ni shɛjeɔ nyɔŋmɔi kɛ gbɔmɛi amii lɛ abɔ mi, ni mayaye tsei anɔ lo?’