4 Mose 15:4 - ŊMALƐ KRƆŊKRƆŊ LƐ

⁴ Mɔ ni baashã afɔle lɛ ekɛ niyenii hu afata kooloo lɛ he kɛba. Niyenii nɛɛ afee ŋmãa mamu kilo kome ni akɛ mu lita kome efutu mli,

Ṅmãle̱ Kroṅkroṅ Le̱

⁴ no le̱ moni ke̱ enikẽnii bahã Iehowa le̱, aṅõ *niyenii-afo̱le hũ ke̱-ba: ṅmā̃ mã [efa] mlidšāi nyoṅma mli ekome ní awo mli mũ hin mlidšāi edſe̱ mli ekome, 3 Mose 6,14.

4 Mose 15:4 ပူးပေါင်းရင်းမြစ်များ

Ezra 7:17

“Nɛkɛ shika nɛɛ kwɛmɔ ni akɛhe tsinai, ojwɛnii, toobii kɛ amɛhe niyenii afɔlei kɛ dãa afɔle, koni okɛyashã afɔle yɛ afɔleshãa latɛ lɛ ni yɔɔ nyɛNyɔŋmɔ lɛ we lɛ yɛ Yerusalɛm lɛ nɔ.

2 Mose 29:40

Klɛŋklɛŋ toobi lɛ okɛ ŋmaa mamu yiteremɔ kilo mlijaa nyɔŋma mli ekome, ni akɛ fɔ ni ashi mli lita mlijaa ejwɛ mli ekome akpɔtɔ afata he, kɛ wain lita mlijaa ejwɛ mli ekome ni akɛshã afɔle lɛ.

Yesaia 66:20

Ni amɛ kɛ nyɛnyɛmimɛi lɛ fɛɛ ni jɛ jeŋmaji lɛ amli lɛ aaaba akɛ nikee abahã Yehowa. Amɛaatara okpɔŋɔi anɔ kɛ shwiilii kɛ akpakãii amli kɛ teji kɛ yoomai anɔ kɛba Yerusalɛm, migɔŋ krɔŋkrɔŋ lɛ nɔ, taakɛ bɔ ni Israelbii hiɛɔ amɛnikeenii yɛ nibii ni mli tse amli kɛbaa Yehowa we lɛ,” Yehowa kɛɛ.

Ezekiel 46:14

Ekɛ niyenii afɔle afata he daa leebi. Eŋɔ ŋmãa mamu efa mlijaa ekpaa mli ekome, ni ekɛ mu hin mlijaa etɛ̃ mli ekome afata he, ni akɛkpɔtɔ akɛ niyenii afɔle ahã Yehowa. Akpɔ ni akã shi daa ji no.

3 Mose 1:13

Shi mɔ lɛ kɛ nu afɔ kooloo lɛ mlinii lɛ kɛ enaji lɛ ahe. No sɛɛ lɛ, osɔfo lɛ ni tsuɔ nii nakai gbi lɛ kɛ nomɛi hu baashi nɔ, ni eshã kooloo muu lɛ fɛɛ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.

3 Mose 14:10

Gbi ni ji kpaanyɔ lɛ nɔ lɛ mɔ ni atsuɔ ehe lɛ kɛ gwantɛŋbii enyɔ ni kpa ko bɛ amɛhe kɛ gwantɛŋ yoo kome ni eye afi ni kpa ko bɛ ehe kɛ ŋmãa mamu kiloi etɛ̃ ni akɛ mu ewo mli kɛ mu lita mlijai etɛ̃ mli ekome aba.

3 Mose 2:1

“Kɛji mɔ ko kɛ ŋmãa miiba abashã afɔle ahã Yehowa lɛ, egbɛlɛ ŋmãa lɛ mã. Ekɛ mu ashwie mamu lɛ nɔ, ni ekɛ tsofakɛŋma hu afata he;

3 Mose 2:15

Akɛ mu ashwie nɔ, ni akɛ tsofakɛŋma afɔ̃ nɔ. Niyenii afɔle ni.

3 Mose 23:13

Ni niyenii afɔle ni afata kooloo lɛ he ji ŋmãa mamu ni akɛ fɔ ekpɔtɔ, kiloi enyɔ, koni ashã ahã Yehowa koni eje ŋma ewo lɛ; ni dãa afɔle ni akɛfata he ji wain lita kome.

3 Mose 3:7

Kɛji mɔ lɛ hiɛ gwantɛŋ kɛba afɔleshãa lɛ, no lɛ ekɛba Yehowa hiɛ,

3 Mose 6:14

Ŋmãa afɔle lɛ he mla nɛ: “Aaron bihii osɔfoi lɛ kɛ ŋmãa afɔle lɛ aba abahã Yehowa yɛ afɔleshãa latɛ lɛ hiɛ.

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

4 Mose 28:12

Niyenii afɔle ni ji ŋmãa mamu ni akɛ fɔ ekpɔtɔ ni akɛfata kooloi lɛ ahe nɛ: tsinanuu kome lɛ mamu kiloi etɛ̃, ojwɛni lɛ mamu kiloi enyɔ,

4 Mose 28:4

Oshã gwantɛŋbi kome leebi, ni oshã ekome hu gbɛkɛnaashi.

4 Mose 29:6

Enɛɛmɛi asɛɛ lɛ ashã nyɔŋ hee shãa afɔle kɛ ehe niyenii afɔle lɛ, kɛ daa gbi shãa afɔle lɛ hu kɛ ehe niyenii afɔle lɛ hu. Eko fɛɛ eko lɛ kɛ ehe dãa afɔle bɔ ni afo aŋmɛ shi lɛ pɛpɛɛpɛ. Niyenii afɔlei ni akɛ la shãa ni jeɔ ŋma woɔ Yehowa ni.

4 Mose 7:13

Enikeenii lɛ fee jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃, kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ koni akɛshã niyenii afɔle.

Romabii 15:16

koni mitsɔ̃ Yesu Kristo sɔ̃ɔlɔ mihã jeŋmaji lɛ, ni mitsu Nyɔŋmɔ Sanekpakpa lɛ he nii akɛ osɔfo, ni jeŋmaji lɛ atsɔ̃mɔ afɔle ni sa ehiɛ jogbaŋŋ ni atsuu he yɛ Mumɔ Krɔŋkrɔŋ mli.

Hebribii 13:16

Shi ejurɔfeemɔ kɛ nikee lɛ, nyɛhiɛ akakpaa nɔ; ejaakɛ nakai afɔlei saa Nyɔŋmɔ hiɛ jogbaŋŋ.

Kojolɔi 9:9

Shi mutso kɛɛ amɛ akɛ, ‘Ani mihã mimu ni akɛwoɔ nyɔŋmɔi kɛ gbɔmɛi ahiɛ nyam lɛ abɔ mi ni miyaye tsei anɔ lo?’