4 Mose 15:3 - ŊMALƐ KRƆŊKRƆŊ LƐ

³ kɛji nyɛkɛ tsina loo too baashã afɔle nyɛkɛhã mi, Yehowa, lɛ, shãa afɔle ni jio, gbee afɔle ni jio, afɔle ni akɛmiiye shiwoo ko nɔ ni jio, tsuijurɔ naa afɔle ni jio, nyɛgbii juji ni ato lɛ eko nɔ afɔle ni jio, afɔle lɛ ŋma asa mi, Yehowa, mihiɛ.

Ṅmãle̱ Kroṅkroṅ Le̱

³ ni nyeke̱ tšinai ke̱ tōi bašã afo̱le ahã Iehowa le̱, šā̃-afo̱le dšio, gbē-afo̱le dšio, ke̱ *šiwō ko no̱ nyeke̱-yeo̱, alo tšuidšŭrõ nā, alo nyegbĩĩ dšudši ní ato le̱ eko no̱ nyešãa ye̱, koni edše ṅma ehã Iehowa le̱, *3 Mose 7,16.

4 Mose 15:3 ပူးပေါင်းရင်းမြစ်များ

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Ezra 7:17

“Nɛkɛ shika nɛɛ kwɛmɔ ni akɛhe tsinai, ojwɛnii, toobii kɛ amɛhe niyenii afɔlei kɛ dãa afɔle, koni okɛyashã afɔle yɛ afɔleshãa latɛ lɛ ni yɔɔ nyɛNyɔŋmɔ lɛ we lɛ yɛ Yerusalɛm lɛ nɔ.

Lalai 54:6

Mibashã tsuijurɔ naa afɔle mahã bo. Oo Yehowa, majie ogbɛi lɛ yi, ejaakɛ omli hi.

2 Mose 29:18

ni oma too ojwɛni muu lɛ fɛɛ naa la yɛ afɔleshãa latɛ lɛ nɔ. Eji afɔle ni akɛ la shãa ahãa mi, Yehowa; ni misumɔɔ eŋma lɛ.

2 Mose 29:25

Enɛ sɛɛ lɛ ohe nibii lɛ yɛ amɛdɛ̃ ni oma fɛɛ naa la yɛ afɔleshãa latɛ lɛ nɔ, ni oshã ofata shãa afɔle lɛ he akɛ afɔle ni akɛ la shãa ahãa mi, Yehowa; ni misumɔɔ eŋma lɛ.

2 Mose 29:41

Ni toobi kome lɛ hu okɛshã afɔle gbɛkɛ. Okɛ niyenii kɛ dãa, tamɔ leebi nibii lɛ afalɛ nakai nɔŋŋ, afata he ni oshã, ni ahã eje ŋma. Eji afɔle ni akɛ la shãa ahãa mi, Yehowa, ni misumɔɔ eŋma lɛ.

3 Mose 10:13

Nyɛyea yɛ he ko ni yɔɔ krɔŋkrɔŋ, ejaakɛ bo kɛ obihii lɛ, nyɛgbɛnaanii ji niyenii afɔlei nɛɛ ni shwɛɔ yɛ shãa afɔlei ni ashãa ahãa Yehowa lɛ asɛɛ lɛ. Ejaakɛ enɛ ji Yehowa kitã ni ewo mi.

3 Mose 27:2

ekɛɛ Israelbii lɛ akɛ, “Kɛji mɔ ko je gbɛ, ni ewo shi krɛdɛɛ, ni ejɔɔ gbɔmɛi komɛi anɔ ekɛke Yehowa koni amɛsɔ̃mɔ yɛ jamɔhe lɛ, jara ni abaawo yɛ amɛyi kɛkpɔ̃ amɛ nɛ:

3 Mose 7:16

Kɛji afɔle ni mɔ ko kɛba lɛ shiwoo afɔle ni, loo afɔle ni ekɛba yɛ tsuijurɔ naa ni lɛ, no lɛ ebɛ akɛ aye loo lɛ fɛɛ gbi nɔ ni agbe kooloo lɛ nɔŋŋ; shi kɛ loo lɛ eko shwɛ lɛ, aye enɔ jetsɛremɔ.

4 Mose 28:27

shi nyɛkɛ tsina oblahii enyɔ kɛ ojwɛni kome kɛ gwantɛŋ bihii kpawo ni eye afifi ni kpa ko bɛ amɛhe ashã shãa afɔle ni jeɔ ŋma woɔ Yehowa.

4 Mose 29:8

shi nyɛkɛ tsina oblanyo kome kɛ ojwɛni kome kɛ gwantɛŋ bihii kpawo ni eye afifi ni kpa ko bɛ amɛhe ashã shãa afɔle ni jeɔ ŋma woɔ Yehowa.

4 Mose 6:15

Ehiɛ nibii nɛɛ hu efata kooloi lɛ ahe: aboloo ni akɛŋmãa mã akpiti ni awo mli fɔ shã kɛntɛŋ kome, kɛ akpãanɔɔ ni akɛ mamu muɛmuɛ fɛɛfɛo ni awo mli fɔ shã kɛ mã akpiti aboloo kekeree ni akpa hiɛ fɔ. Ekɛ abele kɛ dãa afɔlei lɛ hu ashi nɔ.

Mateo 3:17

Ni naa, gbee ko jɛ ŋwɛi kɛɛ, “Mɔ nɛ ji misuɔmɔ Bi ni mina ehe tsui lɛ.”

2 Korintobii 2:15

Ejaakɛ Kristo ŋmajee ni ekɛhãa Nyɔŋmɔ ji wɔ yɛ mɛi ni ahereɔ amɛyiwala lɛ kɛ mɛi ni laajeɔ lɛ fɛɛ ateŋ,

2 Korintobii 2:16

mɛi ni laajeɔ lɛ, eji gbele ŋma ni kɛ mɔ yaa gbele mli hã amɛ; shi mɛi krokomɛi lɛ, eji wala ŋma ni kɛ mɔ yaa wala mli hã amɛ. Ni namɔ sa hã nɛkɛ nitsumɔ?

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

5 Mose 12:17

Nii ni nyɛkɛmiishã afɔle lɛ, nyɛkayea eko yɛ nyɛmaji lɛ eko kwraa mli. Nyɛbele jio, nyɛwain jio, nyɛmu mlijaa nyɔŋma mli ekomekome lɛ jio, nyɛtoi loo nyɛtsinai akromɔbii lɛ jio, nii ni nyɛkɛwo shi lɛ jio, nyɛtsuijurɔnaa nikeenii lɛ jio, niyenii afɔlei lɛ jio nyɛkayea yɛ nyɛmaji amli.

5 Mose 12:6

Nyɛkɛ kooloi ni agbeɔ akɛ afɔle kɛ afɔlei ni ashãa lɛ kɛ ekrokomɛi lɛ, nyɛnibii amlijai nyɔŋma mli ekomekome lɛ kɛ nyɛniyenii afɔlei lɛ kɛ nyɛshiwoo afɔlei lɛ kɛ nyɛtsuijurɔ naa nikeenii lɛ kɛ nyɛtoi kɛ nyɛtsinai akromɔbii lɛ, ayaa jɛi.

Filipibii 4:18

Shi mina nii fɛɛ ni eteke nɔ; ni akɛni minine eshɛ nii ni nyɛkɛmaje Epafrodito kɛbahã mi lɛ nɔ nɛɛ, mina nɔ fɛɛ nɔ ni mitaoɔ; eji ŋmajee kpakpa kɛ afɔle kɛ ŋɔɔmɔ ni sa Nyɔŋmɔ hiɛ.