4 Mose 14:5 - ŊMALƐ KRƆŊKRƆŊ LƐ

⁵ Kɛkɛ ni Mose kɛ Aaron kɛ amɛhiɛ bumɔ shi yɛ Israelbii asafo ni ebabɔ gwa lɛ fɛɛ hiɛ.

Ṅmãle̱ Kroṅkroṅ Le̱

⁵ Ke̱ke̱ ni Mose ke̱ Aaron *ke̱ ame̱hĩe bumo̱ ši ye̱ Israelbii asafo le̱ gwabo̱ le̱ fẽ hĩe. *16,4.

4 Mose 14:5 ပူးပေါင်းရင်းမြစ်များ

4 Mose 16:4

Be ni Mose nu wiemɔ nɛɛ lɛ, ekɛ ehiɛ bu shi ni esɔle.

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

4 Mose 16:45

“Nyɛtsia nyɛhe kɛjea nɛkɛ asafo nɛɛ he kɛyaa sɛɛ koni makpãtã amɛhiɛ hiŋmɛitswaa mli.” Shi Mose kɛ Aaron kɛ amɛhiɛ bumɔ shi,

Ezekiel 9:8

Be ni amɛgbeɔ mɛi lɛ ni ashi mikome too lɛ, miho migbee shi, ni mikɛ mihiɛ bu shi ni mibo mikɛɛ akɛ, “Ao, Nuŋtsɔ, Yehowa ani ookpãtã Israel mɛi ni eshwɛ lɛ fɛɛ ahiɛ yɛ omli ni efu Yerusalɛm waa lɛ naa lo?”

1 Kronika 21:16

David yaawo ehiɛ nɔ lɛ naa Yehowa bɔfo lɛ damɔ ŋwɛi kɛ shikpɔŋ teŋ, ni klante hiɛ edɛŋ, ni ekpã enine mli yɛ Yerusalɛm nɔ. Kɛkɛ ni David kɛ maŋ onukpai ni ekɛ amɛ bumɔ kpekpe lɛ kɛ amɛhiɛ bu shi.

Yoshua 5:14

Nuu lɛ to he ekɛɛ, “Dabi; miba akɛ Yehowa ta lɛ nɔ tatsɛ.” Kɛkɛ ni Yoshua kɛ ehiɛ bu shi, ni eja lɛ, ni ekɛɛ lɛ akɛ, “Mɛni minuŋtsɔ kɛɔ etsulɔ?”

3 Mose 9:24

Trukaa lɛ Yehowa hã la ba ni ebashã shãa afɔle lɛ kɛ fɔi lɛ ni yɔɔ afɔleshãa latɛ lɛ nɔ lɛ. Be ni maŋ muu lɛ fɛɛ na lɛ, amɛbolɔ, ni amɛkɛ amɛhiɛ bumɔ shi.

1 Mose 17:3

Kɛkɛ ni Abram ŋɔ ehiɛ ebu shi, ni Nyɔŋmɔ kɛɛ lɛ akɛ,

Kpojiemɔ 7:11

Ni bɔfoi lɛ fɛɛ damɔ maŋtsɛ sɛ̃i lɛ kɛ onukpai lɛ kɛ hiɛkãalɔi ejwɛ lɛ ahe kɛkpe, ni amɛja Nyɔŋmɔ

Kpojiemɔ 5:14

Ni hiɛkãalɔi ejwɛ lɛ kɛɛ “Amen!” Ni onukpai lɛ ho gbee shi, ni amɛja.

Kpojiemɔ 4:10

onukpai nyɔŋmai enyɔ kɛ ejwɛ lɛ hoɔ gbeɔ shi yɛ mɔ ni ta maŋtsɛ sɛ̃i lɛ nɔ lɛ hiɛ, ni amɛjaa mɔ ni hiɛ kã kɛyaa naanɔi anaanɔ lɛ, ni amɛshɛrɛɔ amɛkekrei lɛ amɛshwieɔ maŋtsɛ sɛ̃i lɛ hiɛ amɛkɛɔ akɛ,

Mateo 26:39

Ni etee hiɛ fioo, ni ekɛ ehiɛ bu shi, ni esɔle ekɛɛ, “MiTsɛ, kɛji aaaho lɛ, hã ni kpulu nɛɛ aho mihe aya; shi kɛ̃lɛ jeee bɔ ni mi misumɔɔ, shi moŋ bɔ ni bo osumɔɔ.”

Daniel 10:9

Kɛkɛ ni minu nuu lɛ gbee ni eewie. Be ni minu ewiemɔ lɛ, ni migbee shi, ni mikɛ mihiɛ bu shi, ni nɔ nyɔ minɔ.

1 Maŋtsɛmɛi 18:39

Be ni maŋ lɛ fɛɛ na nɔ ni eba lɛ, amɛkɛ amɛhiɛiaŋ bumɔ shi, ni amɛbolɔ amɛkɛɛ, “Yehowa lɛ, lɛ ji Nyɔŋmɔ! Yehowa lɛ, lɛ ji Nyɔŋmɔ!”

Yoshua 7:10

Yehowa kɛɛ Yoshua akɛ, “Tee shi; mɛni hewɔ ni okɛ ohiɛ ebu shi?

4 Mose 14:6

Kɛkɛ ni Yoshua, Nun bi lɛ, kɛ Kaleb, Yefune bi lɛ, ni ji hii ni atsu ni amɛyasara shikpɔŋ lɛ amɛkwɛ lɛ ateŋ mɛi enyɔ lɛ, gbala amɛtadei;

4 Mose 20:6

Mose kɛ Aaron je gwabɔɔ lɛ hiɛ, ni amɛtee Kpee Buu lɛ shinaa lɛ shi; ni amɛkɛ amɛhiɛ bumɔ shi; kɛkɛ ni Yehowa anunyam lɛ pue yɛ amɛnɔ.

4 Mose 17:10

Kɛkɛ ni Yehowa kɛɛ Mose akɛ, “Kpalemɔ ni okɛ Aaron tso lɛ ayafɔ̃ Kpãŋmɔ Adeka lɛ hiɛ ekoŋŋ koni akɛto okadi ahã toigbolɔi lɛ bɔ ni afee ni huhuuhu ni amɛwieɔ amɛshiɔ mi lɛ sɛɛ afo, koni amɛkagboi.”