4 Mose 14:3 - ŊMALƐ KRƆŊKRƆŊ LƐ

³ Mɛɛba Yehowa ekpala wɔ kɛba shikpɔŋ nɛɛ nɔ koni wɔbanyɔnyɔi yɛ klante naa koni aŋɔ wɔŋamɛi kɛ wɔbifabii anom nɛɛ? Ani ehiii moŋ akɛ wɔkpale kɛya Ijipt ekoŋŋ?”

Ṅmãle̱ Kroṅkroṅ Le̱

³ Ši mẽba po Iehowa kplawo̱ ke̱-ba šikpoṅ ne̱ no̱, ni wo̱banyõnyõi ye̱ klante nā, ní aṅõ wo̱ṅãmei ke̱ wo̱bii abifabii anom? Ani ehĩĩ moṅ ake̱ wo̱kpale ke-ya Mizraim ekoṅ? Lal. 106,24.

4 Mose 14:3 ပူးပေါင်းရင်းမြစ်များ

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Lalai 78:40

Kwɛ shii abɔ ni amɛtse ehiɛ atua yɛ ŋa lɛ nɔ, ni amɛfee lɛ nidɔɔnii yɛ shiaŋa lɛŋ.

2 Mose 16:3

Amɛkɛɛ, “Yehowa hã wɔgboi yɛ Ijipt be ni wɔtara loo kɛ kukwɛii ahe ni wɔyeɔ nii wɔtɔrɔɔ lɛ moŋ kulɛ, ehi fe nɔ ni nyɛjie wɔ kɛba ŋa nɛɛ nɔ, ni nyɛkɛ hɔmɔ abagbe asafo muu nɛɛ fɛɛ nɛɛ.”

2 Mose 5:21

Amɛkɛɛ Mose kɛ Aaron akɛ, “Yehowa akojo nyɛ ejaakɛ nyɛhã wɔsane eje Farao kɛ etsuji agugɔŋ fũ, ni nyɛwo amɛdɛ̃ŋ klante ni amɛkɛgbe wɔ.”

Yeremia 42:14

ni nyɛkɛɛ akɛ, ‘Dabida, wɔɔtee Ijipt shikpɔŋ lɛ nɔ he ni ta ko gbaŋ wɔnaa, ni wɔnuŋ tɛtɛrɛmantɛrɛ gbɛɛmɔ, asaŋ daaŋ ŋmaa ebɔŋ wɔ yɛ koni wɔyahi jɛi’ lɛ,

Yeremia 42:19

Gbalɔ Yeremia tee nɔ ekɛɛ akɛ, “Yehowa ekɛɛ nyɛ, Yudabii ni eshwɛ, akɛ, ‘Nyɛkayaa Ijipt.’ Nyɛnaa nyɛlea krɛdɛɛ akɛ miibɔ nyɛ kɔkɔ ŋmɛnɛ gbi nɛɛ

Yeremia 9:3

Amɛlilɛi edɔrɔ tamɔ gãitso; amale ehe shi waa yɛ shikpɔŋ lɛ nɔ fe anɔkwayeli moŋ. “Amɛjɛɔ nɔ fɔŋ kome he kɛyaa ekroko he, ni amɛleee mi po.” Yehowa kɛɛ.

4 Mose 11:20

shi moŋ nyɔŋ kome muu sɔŋŋ kɛyashi beyinɔ ni loo lɛ baaje fu ewo nyɛ, ni ebaaje nyɛtsine. Ejaakɛ nyɛgbe Yehowa ni kɛ nyɛ yɔɔ lɛ he guɔ, ni nyɛfo nyɛtsɔ̃ɔ lɛ, ni nyɛkɛɛ akɛ, ‘Wɔyɛ Ijipt moŋ kulɛ ehi.’ ”

4 Mose 16:13

Kɛji obakpala wɔ kɛjɛ shikpɔŋ kpakpa ni ewo fɔ nɔ, ni obaagbegbee wɔ yɛ ŋa nɛɛ nɔ lɛ, no kɛkɛ faaa hãaa bo; shi no sɛɛ hu lɛ ootao akɛ oyeɔ lumɔ yɛ wɔnɔ lo?

4 Mose 20:3

amɛwo Mose kɛ Aaron he. Amɛkɛɛ amɛ akɛ, “Wɔgboi tamɔ wɔnyɛmimɛi lɛ gboi yɛ Yehowa Buu lɛ hiɛ moŋ kulɛ bɛ ehi:

4 Mose 21:5

ni amɛwie amɛshi Nyɔŋmɔ kɛ Mose amɛkɛɛ akɛ, “Mɛɛba kwraa po nyɛjie wɔ yɛ Ijipt koni wɔbagboi yɛ ŋa nɛɛ nɔ nɛɛ? Niyenii bɛ lɛ, nu hu bɛ; niyenii gbonyogbonyo nɛɛ yeli eje wɔtsine.”

Bɔfoi 7:39

“Shi wɔtsɛmɛi lɛ ekpɛlɛ̃ɛɛ ni amɛbo lɛ toi, ni amɛtsi lɛ amɛto afã, ni amɛtsui kpale kɛtee Ijipt ekoŋŋ;

5 Mose 1:39

Asaŋ nyɛbifabii ni ji nyɛbii ni nako ale ekpakpa kɛ efɔŋ lɛ, mɛi ni nyɛkɛɛ abaaŋɔ amɛ nom lɛ, amɛ amɛbaayashɛ shikpɔŋ nɛɛ nɔ, ni amɛ mikɛ shikpɔŋ lɛ baahã, ni amɛbaaŋɔ akɛ amɛnɔ.