Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




4 Mose 12:6 - ŊMALƐ KRƆŊKRƆŊ LƐ

6 ni Yehowa kɛɛ amɛ akɛ, “Nyɛboa mi toi! Kɛji gbalɔ ko yɛ nyɛteŋ lɛ, mitsɔ̃ɔ ninaa nɔ mihãa eleɔ mi, ni wɔlamɔ mli mitsɔ̃ɔ mikɛ lɛ wieɔ.

အခန်းကိုကြည့်ပါ။ ကော်ပီ

Ṅmãle̱ Kroṅkroṅ Le̱

6 Ni ekē̱: Nyeboa miwiemo̱i le̱ atoi ko! Ke̱dši gbalo̱ ko ye̱ nyeteṅ le̱, mi Iehowa, ninā mli mahã elemi ye̱, wo̱lamõ mli mike̱le̱ awie ye̱.

အခန်းကိုကြည့်ပါ။ ကော်ပီ




4 Mose 12:6
50 ပူးပေါင်းရင်းမြစ်များ  

Enɛ sɛɛ lɛ Yehowa kɛ Abram wie yɛ ninaa mli akɛ, “Kaashe gbeyei, Abram, mabu ohe, ni mabaa oyi.”


No hewɔ lɛ, agbɛnɛ kɛ nuu lɛ ŋa lɛ aku sɛɛ oyahã lɛ ejaakɛ gbalɔ ji lɛ, ni eeesɔle ekpa fai ehã bo, ni oyi aaana wala. Shi kɛji okɛ lɛ hãaa lɛ lɛ, no lɛ na ole akɛ gbo ooogbo, bo kɛ mɛi fɛɛ ni ji onɔ lɛ.”


Ni ela ni aŋtswere ko ma shikpɔŋ ni eyiteŋ eyashi ŋwɛi. Nyɔŋmɔ bɔfoi miikwɔ miikpeleke shi,


Kɛkɛ ni Yakob hiɛ tsɛ̃ kɛjɛ ewɔ lɛ mli, ni ekɛɛ akɛ, “Yehowa yɛ biɛ kwa, ni mi lɛ mileee nɛɛ!”


Be ko lɛ Yosef la lamɔ ko ni be ni egba enyɛmimɛi lɛ lamɔ lɛ, ehã nyɛɛ ni amɛnyɛɔ lɛ lɛ mli wo wu moŋ fe tsutsu lɛ.


Kɛkɛ ni esaa ela lamɔ kroko hu, ni egba enyɛmimɛi lɛ ekɛɛ; “Naa, mila lamɔ ko ekoŋŋ. Mila ni hulu kɛ nyɔɔŋtsere kɛ ŋulamii nyɔŋma kɛ ekome bakoto mi.”


Nyɔŋmɔ kɛ Yakob wie yɛ ninaa mli nyɔɔŋ ni ekɛɛ, “Yakob, Yakob!” Ni Yakob here nɔ akɛ, “Naa mi.”


Shi nakai gbi lɛ nɔŋŋ nyɔɔŋ lɛ, Yehowa kɛɛ Natan akɛ,


Kɛkɛ ni Solomon hiɛ tsɛ̃, ni naa lamɔ ni. Nyɔŋmɔ kɛ lɛ ewie yɛ mli. Eba Yerusalɛm, ni ebadamɔ Yehowa afɔleshãa latɛ lɛ hiɛ, ni eshã shãa afɔle. No sɛɛ lɛ, eŋmɛ etsuji lɛ fɛɛ okplɔ̃.


Nyɔɔŋ be ni eyɔɔ jɛi lɛ, Nuŋtsɔ Naa Nyɔŋmɔ jie ehe kpo etsɔ̃ɔ lɛ yɛ lamɔ mli. Ni Nyɔŋmɔ kɛɛ lɛ akɛ, “Bi mi nɔ ni otaoɔ ni mahã bo!”


Nyɔɔŋ be ni wɔ ni tsii enyɔ adesai anɔ yɛ amɛsai amli lɛ, Nyɔŋmɔ tsɔ̃ɔ lamɔ kɛ nyɔɔŋ ninaa nɔ


be ni wɔ ni tsii nyɔɔ mɛi anɔ, ni ninai ahejwɛŋmɔ


Ekɛɛ akɛ, “Nyɛkataa mimɛi ni mifɔ amɛmu lɛ ahe; ni migbalɔi lɛ hu, nyɛkafea amɛ efɔŋ ko.”


Blema ko lɛ okɛ otsuji anɔkwafoi lɛ wie yɛ ninaa mli akɛ, “Miye mibua kãkãlɔ ko, miŋɔ mɔ ko yɛ maŋbii lɛ ateŋ ni miwo enɔ.


Kɛkɛ ni Yehowa kɛɛ Mose akɛ, “Naa, miihã otsɔ̃ tamɔ Nyɔŋmɔ ohã Farao, ni onyɛmi Aaron aaatsɔ̃ ogbalɔ.


Minu nɔ ni gbalɔi ni gbaa amale gbalɛi yɛ mi, migbɛi mli ni amɛkɛɔ akɛ, ‘Mila lamɔ ko; mila lamɔ ko lɛ.’


Gbalɔ ni ela lamɔ ko lɛ, egba lamɔ lɛ; ni gbalɔ ni mikɛ miwiemɔ ewo enaa lɛ, ewie wiemɔ lɛ anɔkwale mli. Mɛni tutuu kɛ abele yɔɔ jaa?


Yɛ afi ni ji nyɔŋmai etɛ̃ lɛ nɔ, nyɔŋ ni ji ejwɛ lɛ nɔ, gbi ni ji enumɔ lɛ nɔ lɛ, be ni miyɔɔ nomii lɛ ateŋ yɛ Kebar Faa lɛ naa lɛ, agbele ŋwɛi naa, ni mina Nyɔŋmɔ he ninai.


No hewɔ lɛ, ebashwɛ mi, mi koome ni miikwɛ ninaa kpeteŋkple nɛɛ. Migbɔmɔtsoŋ hewalɛ fɛɛ tã, ni mihiɛ fɛɛ tsake, ni hewalɛ ko bɛ mimli dɔŋŋ.


Ajie teemɔŋ sane lɛ shishi atsɔ̃ɔ Daniel yɛ ninaa mli nyɔɔŋ, ni Daniel jie Nyɔŋmɔ ni yɔɔ ŋwɛi lɛ yi.


Babilon Maŋtsɛ Belshazar klɛŋklɛŋ afi lɛ nɔ lɛ, Daniel la lamɔ ko, ni ena ninaa ko be mli ni ekã shi ewɔ. Eŋma lamɔ lɛ efɔ̃ shi; ni lamɔ nɛɛ mli saji titrii ji enɛ.


Mina yɛ ninaa nɛɛ mli akɛ miyɛ maŋtsɛmaŋ ni atsɛɔ lɛ Susa ni yɔɔ Elam kpokpai anɔ shikpɔŋ lɛ nɔ lɛ mli. Midamɔ Ulai Faa lɛ naa.


Shi kɛ̃lɛ aaja amãgãi yɛ Gilead; shi mɛi fɛɛ ni jaa amɛ lɛ aaagboi. Aagbe tsinai akɛmiishã afɔle yɛ Gilgal; shi afɔleshãa latɛi nɛɛ baatsɔ̃mɔ tɛi kuikui kɛkɛ yɛ amɛŋmɔjiashi akofii lɛ ateŋ.”


Yehowa kɛɛ, “Nakai be lɛ mahã Yuda kɛ Yerusalɛm aku sɛɛ ashwere ekoŋŋ.


“Mina ninaa ko nyɔɔŋ ni nuu ko ta okpɔŋɔ tsuru nɔ, ni edamɔ shi yɛ mirto tsei ateŋ yɛ jɔɔ ko mli. Ni okpɔŋɔi tsuji kɛ okpɔŋɔi okɔbɛŋi kɛ okpɔŋɔi yɛji hu damɔ shi yɛ esɛɛ.”


mɔ ni nuɔ nɔ ni Nyɔŋmɔ kɛɔ ni enaa ninaa ni Ofe lɛ jieɔ etsɔ̃ɔ lɛ, mɔ ni buɔ shi, shi enaa nii lɛ.


Shi be ni ejwɛŋɔ nii nɛɛ ahe lɛ, Nuŋtsɔ lɛ bɔfo jie ehe kpo etsɔ̃ɔ lɛ yɛ wɔlamɔ mli, ni ekɛɛ lɛ akɛ, “Yosef, David bi, kaashe oŋa Maria lɛ ŋɔɔ gbeyei, shi musu ni ehiɛ nɛɛ ejɛ Mumɔ Krɔŋkrɔŋ lɛ mli,


Shi be ni Herode egbo lɛ, Nuŋtsɔ lɛ bɔfo jie ehe kpo etsɔ̃ɔ Yosef yɛ wɔlamɔ mli yɛ Ijipt,


Belɛ nyɛ diɛŋtsɛ nyɛmiiye nyɛhe odase akɛ mɛi ni gbe gbalɔi lɛ abii ji nyɛ.


No hewɔ lɛ, naa, miitsu gbalɔi kɛ nilelɔi kɛ mlatsɔɔlɔi kɛba nyɛŋɔɔ, ni nyɛaagbe amɛteŋ mɛi komɛi ni nyɛaasɛŋ mɛi komɛi, ni mɛi krokomɛi lɛ nyɛaayi amɛ kpelebii yɛ nyɛkpeehei lɛ, ni nyɛaawa amɛ yi kɛaajɛ maŋ kome mli kɛaatee ekroko mli.


“Yerusalɛm, Yerusalɛm, bo ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi; shii enyiɛ mitao akɛ kulɛ mabua obii anaa tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!


Shi be ni eta kojomɔ sɛi lɛ nɔ lɛ, eŋa tsu aba eŋɔɔ abakɛɛ lɛ akɛ, “Okɛ jalɔ nɛɛ akaye sane ko; ejaakɛ ehewɔ lɛ mihe ejara mi babaoo yɛ wɔlamɔ mli ŋmɛnɛ.”


Ni Nuŋtsɔ lɛ bɔfo ko bajie ehe kpo etsɔ̃ɔ lɛ ni edamɔ tsofakɛŋmashãa latɛ lɛ ninejurɔ nɔ.


Shi be ni eje kpo lɛ, enyɛɛɛ ekɛ amɛ awie, ni amɛyoo sɛɛ akɛ eyana nii yɛ Sɔlemɔtsu lɛ mli; ni lɛ diɛŋtsɛ hu ekɛ enine fee okadi etsɔ̃ɔ amɛ, ni etɔ mu lolo.


Ni asaŋ kɛji wɔkɛɛ akɛ ejɛ gbɔmɛi adɛŋ lɛ, maŋ lɛ fɛɛ aaatswia wɔ tɛi; ejaakɛ amɛyɛ nɔmimaa akɛ; Yohane lɛ, gbalɔ ji lɛ.”


ni ena akɛ ŋwɛi egbele, ni nɔ ko miikpeleke shi ni tamɔ mama kpeteŋkple, ni ahiɛ ekoji ejwɛ lɛ mli aashi kɛmiiba shikpɔŋ;


Be ni Petro efee yaa akɛ te nii ni ena nɛɛ shishiŋ lɛ, hii lɛ ni Kornelio tsu lɛ miibibii Simon we lɛ gbɛ; ni amɛbadamɔ agbo lɛ naa


Ni lɛ nɔŋŋ ehã mɛi komɛi tsɔ̃mɔ bɔfoi, mɛi komɛi lɛ gbalɔi, mɛi komɛi hu Sanekpakpashiɛlɔi, ni mɛi komɛi hu nɔkwɛlɔi kɛ tsɔɔlɔi.


“Yehowa, nyɛNyɔŋmɔ lɛ, baatee gbalɔ ko ni tamɔ mi shi yɛ nyɛ nyɛteŋ, ni lɛ toi esa akɛ nyɛbo.


Mibatee gbalɔ ko shi tamɔ bo mahã amɛ, yɛ amɛnyɛmimɛi lɛ ateŋ, ni ebaakɛɛ emaŋbii lɛ nɔ ni mikɛhã lɛ akɛ ekɛɛ amɛ lɛ.


Sa lɛ bei srɔtoi amli kɛ gbɛi srɔtoi anɔ Nyɔŋmɔ tsɔ̃ ekɛ wɔtsɛmɛi lɛ wie yɛ gbalɔi lɛ anaa.


Ni mɛi ni yɔɔ shikpɔŋ lɛ nɔ lɛ aaanya yɛ amɛnɔ ni amɛmli aaafli amɛ, ni amɛ aaamajemajee amɛhe keenii, ejaakɛ nɛkɛ gbalɔi enyɔ nɛɛ piŋ mɛi ni yɔɔ shikpɔŋ lɛ nɔ lɛ.


Ni mahã midasefoi enyɔ lɛ hegbɛ ni amɛgba gbii akpe kɛ ohai enyɔ kɛ nyɔŋmai ekpaa ni amɛwo kpekpe.”


No hewɔ lɛ, Saul tee eyabi Yehowa nii. Shi yɛ lamɔ mli jio, yɛ Urim lɛ naa jio, yɛ gbalɔi anaa jio, Yehowa efooo Saul daaŋ.


Kɛkɛ ni Samuel ho ekã shi kɛyashi je tsɛre ni egbele Yehowa we lɛ shinai lɛ. Samuel she he gbeyei akɛ eeegba Eli ninaa lɛ.


Yehowa kã he etsɔ̃ɔ ewiemɔ lɛ nɔ ejieɔ ehe kpo etsɔ̃ɔ Samuel yɛ Shilo. Ni kɛji Samuel wie lɛ, Israel fɛɛ boɔ lɛ toi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ