4 Mose 12:3 - ŊMALƐ KRƆŊKRƆŊ LƐ

³ Nɛkɛ nuu Mose nɛɛ lɛ, anɔkwa, eji ehe humi fe shikpɔŋ lɛ nɔ gbɔmɛi fɛɛ.

Ṅmãle̱ Kroṅkroṅ Le̱

³ Ši ne̱ke̱ nū Mose ne̱, ehe dšo̱ fè gbomei fẽ ní yo̱ šikpoṅ ne̱ no̱.

4 Mose 12:3 ပူးပေါင်းရင်းမြစ်များ

Lalai 147:6

Yehowa woɔ heshibalɔi anɔ, shi yiwalɔi lɛ etsirɛɔ amɛ etswiaa shi.

Lalai 149:4

Ejaakɛ Yehowa naa emaŋbii lɛ ahe tsuijurɔ; ehãa humii yeɔ ta mli kunim.

4 Mose 12:4

Kɛkɛ ni trukaa lɛ Yehowa kɛɛ Mose kɛ Aaron kɛ Miriam akɛ, “Nyɛyi etɛ̃ lɛ fɛɛ, nyɛjea kpo ni nyɛbaa Kpee Buu lɛ he.” Ni amɛyi etɛ̃ lɛ fɛɛ amɛtee.

Mateo 11:29

Nyɛwoa mipã lɛ nyɛfɔ̃a nyɛnɔ, ni nyɛkasea mi; shi mihe jɔ, ni mibaa mihe shi kɛjɛ mitsui mli; ni nyɛaana hejɔɔmɔ nyɛhã nyɛsusumai lɛ.

Mateo 21:5

“Nyɛkɛa Zion biyoo lɛ akɛ, naa, omaŋtsɛ lɛ miiba oŋɔɔ. Ehe jɔ, ni eta teji nɔ kɛ teji ni ji nitsumɔ kooloo lɛ bi nɔ.”

Mateo 5:5

“Ajɔɔ mɛi ni he jɔ lɛ; shi shikpɔŋ lɛ aaatsɔ̃ amɛnɔ.”

2 Korintobii 10:1

Shi mi Paulo diɛŋtsɛ miikpa nyɛ fai yɛ Kristo hejɔlɛ kɛ kpoofeemɔ lɛ hewɔ, mi ni akɛɛ kɛ miyɛ nyɛhiɛ lɛ mifeɔ mihe humi yɛ nyɛteŋ, shi kɛ mibɛ nyɛŋɔɔ lɛ, mijeɔ ekãa miwoɔ nyɛ lɛ.

2 Korintobii 11:5

Ejaakɛ misusuɔ akɛ eshwɛɛɛ mi nɔ ko nɔ ko ni mikɛ bɔfoi agboi lɛ aye hegbɔ.

2 Korintobii 12:11

Mifee kwashia; nyɛ nyɛnyɛ minɔ ni mifee nakai. Ejaakɛ kulɛ esa akɛ nyɛ moŋ nyɛjieɔ miyi; ejaakɛ kɛji mijeee nɔ ko tete po, eshwɛɛɛ mi nɔ ko ni mikɛ bɔfoi agboi lɛ aye hegbɔ.

1 Tesalonikabii 2:7

Tsɛ wɔyɛ hegbɛ akɛ wɔfeɔ wɔhe agboi yɛ nyɛnɔ, akɛni Kristo bɔfoi ji wɔ lɛ; shi moŋ wɔhe jɔ yɛ nyɛteŋ, tamɔ bɔ ni bii anyɛ hiɛɔ lɛ diɛŋtsɛ ebii dɔdɔɔdɔ lɛ.

Yakobo 3:13

Namɔ ji nilelɔ kɛ sanesɛɛkɔlɔ yɛ nyɛteŋ? Ekɛ jeŋba kpakpa atsɔ̃ɔ lɛ diɛŋtsɛ enitsumɔi lɛ yɛ nilee kpoofeemɔ mli.

1 Petro 3:4

Shi moŋ efee tsui mli gbɔmɔ ni akɛtee yɛ mumɔ ni he jɔ ni yɔɔ kpoo lɛ hewulamɔ ni fiteee lɛ mli lɛ; no ji nɔ ni jara wa yɛ Nyɔŋmɔ hiɛ.