4 Mose 12:2 - ŊMALƐ KRƆŊKRƆŊ LƐ

² ni amɛkɛɛ akɛ, “Ani Mose kome kɛkɛ Yehowa kɛwieɔ? Ani wɔ hu ekɛ wɔ ewieko pɛŋ?” Yehowa nu Miriam kɛ Aaron wiemɔ nɛɛ.

Ṅmãle̱ Kroṅkroṅ Le̱

² Ni ame̱kē̱: Ani Mose kome ke̱ke̱ Iehowa ke̱-wieo̱? ani wo hũ eke̱wo̱ ewieko pẽṅ? Ni Iehowa nu.

4 Mose 12:2 ပူးပေါင်းရင်းမြစ်များ

1 Mose 29:33

Lea na musu ekoŋŋ, ni efɔ binuu. Ekɛɛ akɛ, “Akɛni Yehowa enu akɛ asumɔɔɔ mi hewɔ lɛ, ehã mi binuu nɛɛ hu.” Ni ewo lɛ Simeon.

2 Samuel 11:27

Be ni Batsheba eye ŋkɔmɔ egbe naa lɛ, David tsu ni ayaŋɔ lɛ kɛba maŋtsɛ we lɛ, ni etsɔ eŋa. Batsheba kɛ David fɔ binuu. Shi sane ni David ye nɛɛ eŋɔɔɔ Yehowa naa.

2 Maŋtsɛmɛi 19:4

Eko lɛ Yehowa oNyɔŋmɔ lɛ enu Rabshake wiemɔi fɛɛ ni enuŋtsɔ Asiria Maŋtsɛ lɛ kɛtsu lɛ koni ekɛbabɔ Nyɔŋmɔ hiɛkãalɔ lɛ ahora lɛ, ni Yehowa baakã ehiɛ yɛ wiemɔi ni Yehowa oNyɔŋmɔ lɛ enu lɛ hewɔ. No hewɔ lɛ, sɔlemɔ okpa fai ohã wɔmaŋbii ni eshwɛ ni yɔɔ lɛ.”

2 Mose 4:14

Kɛkɛ ni Yehowa mli wo Mose la, ni ekɛɛ lɛ akɛ, “Ani onyɛmi Aaron, Levinyo lɛ, bɛ? Mile akɛ enaa tse. Ni ŋmɛlɛtswaa nɛɛ po enyiɛ gbɛ eeba ni ekɛ bo abakpe, ni kɛ ena bo lɛ eeenya ohe kɛ etsuiŋ fɛɛ.

2 Mose 4:30

Aaron jaje wiemɔi lɛ fɛɛ ni Yehowa kɛ Mose ewie lɛ, ni Mose fee okadii lɛ hu etsɔ̃ɔ maŋbii lɛ.

2 Mose 5:1

Enɛ sɛɛ lɛ Mose kɛ Aaron tee Farao ŋɔɔ amɛyakɛɛ lɛ akɛ, “Bɔ ni Yehowa, Israel Nyɔŋmɔ lɛ, kɛɛ nɛ, ‘Hã mimaŋ lɛ aya ni amɛyaye gbi jurɔ amɛhã mi yɛ ŋa lɛ nɔ.’ ”

2 Mose 7:10

No hewɔ lɛ, Mose kɛ Aaron tee Farao ŋɔɔ, ni amɛfee bɔ ni Yehowa efã amɛ lɛ. Aaron kɛ etso lɛ fɔ shi yɛ Farao kɛ etsuji lɛ ahiɛ, ni tso lɛ tsɔ onufu.

Abe̱i 13:10

Hewoo lɛ bei kɛkɛ ekɛbaa; shi mɛi ni boɔ ŋaawoo toi lɛ, amɛleɔ nii.

Yesaia 37:4

Ekolɛ Yehowa, oNyɔŋmɔ lɛ, enu tsulɔnukpa lɛ, mɔ ni enuŋtsɔ Asiria maŋtsɛ lɛ tsu lɛ koni ebaye Nyɔŋmɔ hiɛkãalɔ lɛ he fɛo lɛ, wiemɔi lɛ. Aba mli akɛ Yehowa, oNyɔŋmɔ lɛ, enu ahorabɔɔ wiemɔi lɛ, ni ebaagbala mɔ ni wie lɛ toi. No hewɔ lɛ, sɔlemɔ okpa Nyɔŋmɔ fai yɛ wɔmaŋbii ni eshwɛ lɛ ahewɔ.”

Mika 6:4

Ejaakɛ mi mijie bo kɛjɛ Ijipt shikpɔŋ lɛ nɔ, ni mikpɔ̃ bo yɛ nyɔŋyeli mli. Mitsu Mose kɛ Aaron kɛ Miriam kɛba akɛ ohiɛnyiɛlɔi.

4 Mose 11:1

Yehowa toi gbe huhuuhu ni maŋbii lɛ wie tamɔ gbɔmɛi komɛi ni miina nɔ. Be ni Yehowa nu lɛ, emli wo la ni ehã la here yɛ amɛshitoohe lɛ mli ni ekpãtã nibii ahiɛ yɛ shitoohe lɛ afãgbɛ.

4 Mose 11:29

Shi Mose kɛɛ Yoshua akɛ, “Mi oyeɔ awuŋã ohã nɛɛ? Miná ni kulɛ Yehowa maŋ muu lɛ fɛɛ tsɔ̃mɔ gbalɔi, ni Yehowa fɔse emumɔ lɛ eshwie amɛnɔ.”

4 Mose 12:3

Nɛkɛ nuu Mose nɛɛ lɛ, anɔkwa, eji ehe humi fe shikpɔŋ lɛ nɔ gbɔmɛi fɛɛ.

4 Mose 16:3

Gbɔmɛi nɛɛ kpe amɛwo Mose kɛ Aaron he, ni amɛkɛɛ amɛ akɛ, “Nyɛmiitsɛ nyɛhe tsɔ̃. Ejaakɛ asafo muu lɛ mli mɔ fɛɛ mɔ lɛ, Yehowa nɔ ni; ni Yehowa kɛ wɔ fɛɛ yɛ. Mɛɛba ni nyɛwoɔ nyɛhe nɔ yɛ Yehowa asafo lɛ nɔ mɔ?”

Romabii 12:10

nyɛkɛ nyɛmimɛi asuɔmɔ ni mli wa asumɔsumɔa nyɛhe; mɔ fɛɛ mɔ atsɔ̃ hiɛ ekɛ woo ahã enaanyo.

Romabii 12:3

Shi miitsɔ̃ dromɔ ni akɛduro mi lɛ nɔ miikɛɛ nyɛteŋ mɔ fɛɛ mɔ akɛ, ekabu lɛ diɛŋtsɛ ehe tuutu fe bɔ ni sa; shi moŋ ejwɛŋ kɛ hiɛshikãmɔ, mɔ fɛɛ mɔ lɛ yɛ hemɔkɛyeli bɔ ni Nyɔŋmɔ ehã lɛ lɛ naa.

Filipibii 2:14

Nyɛfea nyɛnii fɛɛ ni huhuuhu wiemɔi kɛ naataamɔ akahi mli;

Filipibii 2:3

Ni nyɛkafea nɔ ko kɛ mligbalamɔ mumɔ loo yaka anunyam taomɔ, shi moŋ nyɛkɛ heshibaa jwɛŋmɔ abua nyɛnanemɛi akɛ amɛfe nyɛ.

1 Petro 5:5

Nakai nɔŋŋ nyɛ oblahii kɛ oblayei, nyɛbaa nyɛhe shi nyɛhãa onukpai lɛ. Ni nyɛ fɛɛ nyɛbabaa nyɛhe shi nyɛhãa nyɛhe ni nyɛkɛ heshibaa afee mama nyɛŋmɔa nyɛhɛ, ejaakɛ ŋmalɛ lɛ kɛɛ, “Nyɔŋmɔ kuɔ hewolɔi anaa, shi eduroɔ heshibalɔi.”