4 Mose 11:16 - ŊMALƐ KRƆŊKRƆŊ LƐ

¹⁶ Kɛkɛ ni Yehowa kɛɛ Mose akɛ, “Halamɔ Israel maŋ onukpai lɛ ateŋ mɛi nyɔŋmai kpawo ni ji hiɛnaanɔ gbɔmɛi, ni okɛ amɛ aba miŋɔɔ yɛ Kpee Buu lɛ he, ni ohã amɛdamɔ omasɛi.

Ṅmãle̱ Kroṅkroṅ Le̱

¹⁶ Ni Iehowa kē̱ Mose ake̱: Buamo̱ Israel *onukpai le̱ ateṅ mei nyoṅmai-kpawo nā ohãmi, mei ní ole ake̱ ame̱dši maṅ le̱ onukpai ke̱ ame̱no̱kwe̱lo̱i, ni oṅõame̱ ke̱-ba kpē-bū le̱ he, ni ame̱ke̱o adamo̱ ši ye̱ dše̱i. *2 Mose 18,21; 24,1.

4 Mose 11:16 ပူးပေါင်းရင်းမြစ်များ

1 Mose 46:27

Yosef bihii ni afɔ yɛ Ijipt lɛ ji bihii enyɔ. Belɛ gbɔmɛi fɛɛ ni jɛ Yakob we lɛ ni amɛba Ijipt lɛ ayibɔ ji gbɔmɛi nyɔŋmai kpawo.

2 Mose 18:25

Ehala maŋ lɛ fɛɛ mli hii ni aaanyɛ atsu gbɛnaa ni abaahã amɛ lɛ he nii, ni eto amɛ kui anɔkwɛlɔi: mɛi nyɔŋma nyɔŋma kui kɛ mɛi nyɔŋmai enumɔenumɔ kui kɛ mɛi ohaoha kui kɛ mɛi akpeakpe kui anɔkwɛlɔi.

2 Mose 24:1

Ni Yehowa kɛɛ Mose akɛ, “Bo kɛ Aaron kɛ Nadab kɛ Abihu kɛ Israel onukpai lɛ ateŋ mɛi nyɔŋmai kpawo akwɔ gɔŋ lɛ kɛba miŋɔɔ koni nyɛbaja yɛ sɛɛ flɛŋŋ.

2 Mose 24:9

Kɛkɛ ni Mose kɛ Aaron kɛ Nadab kɛ Abihu kɛ Israel onukpai nyɔŋmai kpawo lɛ kwɔ gɔŋ lɛ kɛtee,

2 Mose 4:29

Ni Mose kɛ Aaron tee Ijipt, ni amɛyabua Israelbii lɛ anukpai lɛ fɛɛ anaa.

Yeremia 19:1

Yehowa kɛɛ mi akɛ, “Yaa ni oyahe gbɛshɔ̃lɔ sũ kpulu, ni oŋɔ maŋ onukpai lɛ kɛ osɔfoi lɛ ateŋ mɛi komɛi ofata ohe,

Ezekiel 8:11

Ni Israel we lɛ mli hii onukpai nyɔŋmai kpawo damɔ wɔji lɛ ahiɛ, ni Shafan bi Yaazania damɔ amɛteŋ. Mɔ fɛɛ mɔ hiɛ etsofakɛŋmashaa ŋɛsu yɛ edɛŋ, ni tsofakɛŋma ni ashãa lɛ lasu lɛ teɔ shi kɛyaa ŋwɛi tamɔ atatu.

4 Mose 11:24

No hewɔ lɛ, Mose tee ni eyakɛɛ maŋ lɛ nɔ ni Yehowa kɛɛ lɛ lɛ. Ebua maŋ lɛ mli onukpai lɛ ateŋ hii nyɔŋmai kpawo lɛ anaa, ni ehã amɛdamɔ shi kɛbɔle Kpee Buu lɛ he kɛkpe.

4 Mose 16:25

Mose te shi, ni eyiŋ kɛtee Datan kɛ Abiram ŋɔ̃ɔ, ni Israel maŋ onukpai lɛ nyiɛ esɛɛ kɛtee.

Luka 10:1

Enɛ sɛɛ lɛ, Nuŋtsɔ lɛ famɔ mɛi krokomɛi nyɔŋmai kpawo hu, ni etsu amɛ enyɔnyɔɔnyɔ kɛtsɔ̃ ehiɛ kɛtee maŋ fɛɛ maŋ nɔ kɛ he fɛɛ he ni lɛ diɛŋtsɛ ebaaya lɛ.

Luka 10:17

Ni mɛi nyɔŋmai kpawo lɛ ku amɛsɛɛ amɛba kɛ miishɛɛ ni amɛbakɛɛ, “Nuŋtsɔ, mumɔi fɔ̃ji tete baa amɛhe shi amɛhãa wɔ yɛ ogbɛi lɛ hewɔ.”

5 Mose 1:15

Kɛkɛ ni miŋɔ nyɛkutsei lɛ amli hii ni le nii, ni yɔɔ gbɛi hu ni nyɛfamɔ lɛ, ni miwo amɛ onukpai mihã nyɛ, mɛi akpeakpe kui kɛ mɛi ohaoha kui kɛ mɛi nyɔŋmai enumɔenumɔ kui kɛ mɛi nyɔŋmanyɔŋma kui anɔkwɛlɔi kɛ nyɛkutsei lɛ anɔkwɛlɔi hu.

5 Mose 16:18

“Nyɛwoa kojolɔi kɛ maŋnɔkwɛlɔi yɛ nyɛmaji fɛɛ ni Yehowa, nyɛNyɔŋmɔ lɛ, hãa nyɛ lɛ amli, yɛ nyɛkutsei lɛ anaa, koni amɛkojo maŋbii ateŋ yɛ jalɛ naa.

5 Mose 31:28

Nyɛtsɛa nyɛkutseiatsɛmɛi lɛ fɛɛ kɛ nyɛmaŋ nitsulɔi onukpai lɛ hu kɛbaa miŋɔɔ bɔ ni afee ni mawie nɛkɛ wiemɔi nɛɛ mawo amɛtoii amli koni matsɛ ŋwɛi kɛ shikpɔŋ koni amɛbaye mi kɛ amɛteŋ odase.