4 Mose 11:10 - ŊMALƐ KRƆŊKRƆŊ LƐ

¹⁰ Mose nu ni maŋbii lɛ miifofoi yɛ amɛwekui lɛ fɛɛ amli; mɔ fɛɛ mɔ damɔ ebuu shinaa naa. Yehowa mli fu naakpa; ni sane lɛ eŋɔ̃ɔɔ Mose hu naa kwraa.

Ṅmãle̱ Kroṅkroṅ Le̱

¹⁰ Ke̱ke̱ ni Mose nu ni maṅ le̱ mīfófói ye̱ ame̱wekui le̱ fẽ mli, mofẽmo ye̱ ebu šĩnā nā, ni Iehowa mli wo la naakpa, ni Mose hũ, eṅoõ ena kwrā.

4 Mose 11:10 ပူးပေါင်းရင်းမြစ်များ

Lalai 106:25

Amɛwie huhuuhu yɛ amɛbuui amli; ni amɛbooo Yehowa gbee toi.

Lalai 139:21

Oo Yehowa, aso mɛi ni nyɛɔ bo lɛ mikanyɛ amɛ? Ni mɛi ni teɔ shi woɔ bo lɛ, mikate shi miwo amɛ?

Lalai 78:21

No hewɔ lɛ, be ni Yehowa nu lɛ, emli fu naakpa eje la ewo Israel he; emlifu te shi ewo Israel naakpa,

Lalai 78:59

Nyɔŋmɔ mli wo la be ni ena amãgãi lɛ, no hewɔ lɛ, ekwa Israel kwrakwra.

Yesaia 5:25

Enɛ hewɔ lɛ, Yehowa mli fu ewebii lɛ, ni ewo enine nɔ yɛ amɛnɔ, ni egbala amɛtoi. Gɔji lɛ hoso, ni amɛgbohii lɛ jwere blohui amli oookɛɛ shĩaŋ jwɛi ni abɛɛ ashwie. Shi fɛɛ sɛɛ lɛ Yehowa mlifu lɛ naa bako shi, shi ekpã enine lɛ mli lolo.

Yeremia 17:4

Obaaŋmɛɛ ogboshinii ni mikɛhã bo lɛ he ofɔ̃ shi, ni mibahã oyasɔ̃mɔ ohenyɛlɔi yɛ maŋsɛɛ shikpɔŋ ni oleee nɔ, ejaakɛ mimlifu lɛ tamɔ la ni ashɛre, ni ebaatso kɛya naanɔ.”

4 Mose 11:1

Yehowa toi gbe huhuuhu ni maŋbii lɛ wie tamɔ gbɔmɛi komɛi ni miina nɔ. Be ni Yehowa nu lɛ, emli wo la ni ehã la here yɛ amɛshitoohe lɛ mli ni ekpãtã nibii ahiɛ yɛ shitoohe lɛ afãgbɛ.

4 Mose 11:11

No hewɔ lɛ, Mose kɛɛ Yehowa akɛ, “Mɛɛba ni okɛ mi, otsulɔ, yeɔ kɛ joomɔ nɛɛ, ni oná mi mlifu? Mɛɛba ni okɛ nɛkɛ maŋbii nɛɛ fɛɛ yi sɔ̃ etere mi nɛɛ?

4 Mose 11:9

Nyɔɔŋ be mli ni bɔ nyɔɔ shitoohe lɛ nɔ lɛ, nakai be mli mana lɛ hu bashwieɔ shi.

4 Mose 12:3

Nɛkɛ nuu Mose nɛɛ lɛ, anɔkwa, eji ehe humi fe shikpɔŋ lɛ nɔ gbɔmɛi fɛɛ.

4 Mose 12:9

Yehowa mli fu Aaron kɛ Miriam; ni eyiŋ etee.

4 Mose 16:27

Wiemɔ nɛɛ hã asafo lɛ gbala amɛhe shi kɛshi Kora kɛ Datan kɛ Abiram bui lɛ ahe kɛtee sɛɛ flɛŋŋ. Datan kɛ Abiram je kpo amɛbadamɔ amɛbui lɛ ashinai lɛ ashi, ni amɛŋamɛi kɛ amɛbii kɛ amɛbifabii lɛ fɛɛ hu fata amɛhe.

4 Mose 21:5

ni amɛwie amɛshi Nyɔŋmɔ kɛ Mose amɛkɛɛ akɛ, “Mɛɛba kwraa po nyɛjie wɔ yɛ Ijipt koni wɔbagboi yɛ ŋa nɛɛ nɔ nɛɛ? Niyenii bɛ lɛ, nu hu bɛ; niyenii gbonyogbonyo nɛɛ yeli eje wɔtsine.”

Marko 10:14

Shi be ni Yesu na lɛ, emli fu, ni ekɛɛ ekaselɔi lɛ akɛ, “Nyɛhãa gbekɛbii lɛ abaa miŋɔɔ, ni nyɛkatsia amɛ gbɛ, ejaakɛ mɛi ni tamɔ mɛnɛɛmɛi anɔ ji Nyɔŋmɔ Maŋtsɛyeli lɛ.

Marko 3:5

Ni ekwɛ amɛhiɛiaŋ kɛkpe kɛ mlifu, ejaakɛ edɔ lɛ akɛ amɛtsui wa nɛkɛ; ni ekɛɛ nuu lɛ akɛ, “Kpã onine lɛ mli!” Ekpã mli, ni atsa enine lɛ ni eye emuu.

5 Mose 32:22

Ejaakɛ mimlifu ehã la ko ehere, ni eetso kɛmiiya gbohiiaje tɔ̃ɔ; ebaashã je lɛ kɛ enɔ nibii, ni ebaashã gɔji lɛ ashishitoi diɛŋtsɛ.