4 Mose 11:1 - ŊMALƐ KRƆŊKRƆŊ LƐ

¹ Yehowa toi gbe huhuuhu ni maŋbii lɛ wie tamɔ gbɔmɛi komɛi ni miina nɔ. Be ni Yehowa nu lɛ, emli wo la ni ehã la here yɛ amɛshitoohe lɛ mli ni ekpãtã nibii ahiɛ yɛ shitoohe lɛ afãgbɛ.

Ṅmãle̱ Kroṅkroṅ Le̱

¹ Ni maṅ le̱ wie hũhū̃hũ tamo̱ mei ní mīna nõ ye̱ Iehowa toiiaṅ, ni Iehowa nu, ni emli wo la, ni Iehowa *la le̱ here ye̱ ame̱teṅ ní ekpãtã nii ahĩe ye̱ nsra le̱ nā nā. *3 Mose 10,2.

4 Mose 11:1 ပူးပေါင်းရင်းမြစ်များ

1 Mose 38:10

Nɔ ni efee lɛ, efɔŋ ni yɛ Yehowa hiɛ; no hewɔ lɛ, Yehowa gbe Onan hu.

2 Samuel 11:27

Be ni Batsheba eye ŋkɔmɔ egbe naa lɛ, David tsu ni ayaŋɔ lɛ kɛba maŋtsɛ we lɛ, ni etsɔ eŋa. Batsheba kɛ David fɔ binuu. Shi sane ni David ye nɛɛ eŋɔɔɔ Yehowa naa.

2 Maŋtsɛmɛi 1:12

Shi Elia hã lɛ hetoo akɛ, “Kɛji Nyɔŋmɔ gbɔmɔ ji mi lɛ, no lɛ, la ajɛ ŋwɛi ayi shi, ni ebashã bo kɛ omɛi nyɔŋmai enumɔ lɛ.” Kɛkɛ ni la jɛ ŋwɛi yi shi, ni ebashã lɛ kɛ emɛi nyɔŋmai enumɔ lɛ.

Hiob 1:16

Tsulɔ lɛ hiɛ wiemɔ lɛ mli lolo kɛkɛ ni tsulɔ kroko ko ba, ni ebakɛɛ akɛ, “Srawa gba kɛjɛ ŋwɛi ni ebayi toi lɛ kɛ tsuji lɛ anɔ, ni eplene amɛ fɛɛ; mikome too pɛ mihe je mli, ni miba mibatswa bo adafi nɛɛ.”

Lalai 106:18

La je yɛ amɛsafo lɛ mli, ni la lilɛi shã mɛi fɔ̃ji lɛ.

Lalai 78:21

No hewɔ lɛ, be ni Yehowa nu lɛ, emli fu naakpa eje la ewo Israel he; emlifu te shi ewo Israel naakpa,

Lalai 78:63

La kpãtã oblahii lɛ ahiɛ, ni amɛblayei lɛ, alaaa yookpeemɔ lala ko ahãaa amɛ.

2 Mose 16:7

Leebi lɛ nyɛaana Yehowa anunyam lɛ, ejaakɛ enu huhuuhu wiemɔi ni nyɛwieɔ nyɛshiɔ lɛ lɛ, ejaakɛ wɔ lɛ namɛi ji wɔ ni nyɛwieɔ huhuuhu nyɛshiɔ wɔ?”

2 Mose 16:9

Kɛkɛ ni Mose kɛɛ Aaron akɛ, “Kɛɛmɔ Israelbii asafo muu lɛ fɛɛ akɛ, ‘Nyɛtsia nyɛbaa Yehowa hiɛ; enu nyɛ huhuuhu wiemɔi lɛ.’ ”

Yesaia 10:17

Nyɔŋmɔ, Israel kane lɛ atsɔ̃ la, ni Israel Mɔ Krɔŋkrɔŋ lɛ aaatsɔ̃ la lilɛi, ni ebaatso, ni ebaashã ŋmeii kɛ kpitikpitii ni yɔɔ Israel lɛ fɛɛ gbi ko.

Yesaia 30:33

Ejaakɛ kɛjɛ jeeŋmɔ beebe ni asaa he ko ato kɛha Asiria maŋtsɛ lɛ shãa. Jɛi kwɔ, ni elɛɛ, ni eyi kɛ la kɛ lai babaoo. Ni Yehowa mumɔ ni emuɔ ni tamɔ la lɛ baama laii lɛ anaa la.

Yesaia 33:14

Eshafeelɔi ni yɔɔ Zion lɛ miishe gbeyei, ni mɛi ni sheee Nyɔŋmɔ gbeyei lɛ ahe miikpokpo. Amɛkɛɛmɔ ji, “Wɔteŋ namɔ baanyɛ la naa edamɔ kɛyashi naanɔ?”

Yāfó 3:39

Mɛni hewɔ gbɔmɔ gbigbliɔ emli kɛji agbala etoi yɛ ehe eshai ahewɔ lɛ?

Ezekiel 20:36

Nuŋtsɔ Yehowa kɛɛ akɛ, “Bɔ ni migbala nyɛtsɛmɛi lɛ atoi yɛ Ijipt ŋa lɛ nɔ lɛ, nakai nɔŋŋ magbala nyɛ hu nyɛtoi.

3 Mose 10:2

Yehowa hã la ba ebashã amɛ, ni amɛgboi yɛ ehiɛ.

Nahum 1:5

Gɔji hosoɔ yɛ ehiɛ, gɔ̃ŋkpɔi lɛ sereɔ: Shikpɔŋ lɛ hiɛ kpãtãa yɛ ehiɛ, ni je lɛ kɛ emli bii fɛɛ hu ahiɛ kpãtãa.

Habakuk 3:5

Tsɛŋemɔ hela nyiɛɔ ehiɛ, ni gbele hela nyiɛ esɛɛ tuuŋtu.

4 Mose 10:33

No hewɔ lɛ, Israelbii lɛ fã nyiɛmɔ kɛjɛ Sinai, ni ji Yehowa Gɔŋ lɛ he; ni amɛnyiɛ gbii etɛ̃; ni Yehowa Kpãŋmɔ Adeka lɛ nyiɛ amɛhiɛ gbii etɛ̃ lɛ koni etsɔ̃ɔ amɛ amɛshitoohe.

4 Mose 11:18

Ni okɛɛ maŋbii lɛ akɛ, Nyɛfea nyɛhe krɔŋkrɔŋ nyɛtoa wɔ; shi nyɛbaana loo nyɛye. Yehowa enu yaafo ni nyɛfo akɛ, ‘Namɔ aaahã wɔ loo ni wɔye, ejaakɛ be mli ni wɔyɔɔ Ijipt lɛ ehi moŋ ehã wɔ lɛ. No hewɔ lɛ, agbɛnɛ Yehowa baahã nyɛ loo ni nyɛye.’

4 Mose 12:2

ni amɛkɛɛ akɛ, “Ani Mose kome kɛkɛ Yehowa kɛwieɔ? Ani wɔ hu ekɛ wɔ ewieko pɛŋ?” Yehowa nu Miriam kɛ Aaron wiemɔ nɛɛ.

4 Mose 14:2

ni amɛwie huhuuhu amɛshi Mose kɛ Aaron, ni amɛkɛɛ akɛ, “Wɔgboi moŋ yɛ Ijipt shikpɔŋ lɛ nɔ, loo yɛ shiaŋa lɛ nɔ po kulɛ bɛ ehi?

4 Mose 14:22

mɛi fɛɛ ni na minunyam la kaŋkaŋ lɛ kɛ nibii fɛɛ ni mifee yɛ Ijipt kɛ shiaŋa lɛ nɔ, ni nomɛi fɛɛ asɛɛ lɛ amɛka mi shii nyɔŋma sɔŋŋ, ni amɛbooo miwiemɔ toi lɛ,

4 Mose 14:27

“Mɛɛ beyinɔ nɔŋŋ nɛkɛ asafo fɔŋ nɛɛ baawie huhuuhu amɛshi mi kɛyashi? Huhuuhu lɛ ni Israelbii lɛ wieɔ shiɔ mi lɛ, minu fɛɛ.

4 Mose 14:28

No hewɔ lɛ, kɛɛmɔ amɛ akɛ, mi Yehowa, mikɛɛ, ‘Gbii abɔ ni mihiɛ kã nɛɛ, bɔ ni nyɛwie nyɛwo mitoiŋ lɛ, nakai pɛpɛɛpɛ mibafee nyɛ.

4 Mose 16:11

Naa, kpee ni bo kɛ osafo lɛ bakpe nɛɛ lɛ, Yehowa he nyɛkpe nyɛwo lɛ, ni huhuuhu ni nyɛwieɔ nyɛshiɔ Aaron lɛ, Yehowa moŋ nyɛwieɔ nyɛshiɔ lɛ.”

4 Mose 16:35

Yehowa hã la bayi hii ohai enyɔ kɛ nyɔŋmai enumɔ lɛ ni kɛ tsofakɛŋma ba Kpee Buu lɛ hiɛ lɛ anɔ ni eshã amɛ wɛɛ.

4 Mose 17:5

Gbɔmɛi nɛɛ ateŋ mɔ ni ji mɔ ni miŋɔ lɛ, edɛhiɛmɔtso lɛ baagba afofro; ni mikɛ enɛ baahã huhuuhu ni Israelbii lɛ wieɔ amɛshiɔ nyɛ yɛ mihewɔ lɛ sɛɛ afo.”

4 Mose 21:5

ni amɛwie amɛshi Nyɔŋmɔ kɛ Mose amɛkɛɛ akɛ, “Mɛɛba kwraa po nyɛjie wɔ yɛ Ijipt koni wɔbagboi yɛ ŋa nɛɛ nɔ nɛɛ? Niyenii bɛ lɛ, nu hu bɛ; niyenii gbonyogbonyo nɛɛ yeli eje wɔtsine.”

1 Korintobii 10:10

Ni nyɛsaa nyɛkawiea huhuuhu tamɔ bɔ ni amɛteŋ mɛi komɛi hu wie huhuuhu ni hiɛkpãtãlɔ lɛ bakpãtã amɛhiɛ lɛ.

5 Mose 25:18

bɔ ni amɛyasheee Nyɔŋmɔ gbeyei, ni no hewɔ lɛ, amɛjɛ nyɛsɛɛgbɛ ni amɛtua nyɛ, be ni etɔ nyɛ ni nyɛtɔ biti lɛ, ni amɛgbegbee nyɛsɛɛbii fɛɛ ni egbɔjɔ lɛ.

5 Mose 32:22

Ejaakɛ mimlifu ehã la ko ehere, ni eetso kɛmiiya gbohiiaje tɔ̃ɔ; ebaashã je lɛ kɛ enɔ nibii, ni ebaashã gɔji lɛ ashishitoi diɛŋtsɛ.

5 Mose 9:22

Nyɛku sɛɛ nyɛwo Yehowa mlifu yɛ Tabera kɛ Masa kɛ Kibrot Hataava fɛɛ.

Hebribii 12:29

Ejaakɛ wɔNyɔŋmɔ lɛ, la ni fiteɔ nii hu ji lɛ.

Yakobo 5:4

Naa, nitsulɔi ni kpa nyɛŋmɔjiaŋnii lɛ anyɔmɔwoo ni nyɛkɛhãaa amɛ lɛ miibolɔ, ni nikpalɔi lɛ abolɔmɔi lɛ ebabote tai aNuŋtsɔ lɛ toiiaŋ.

Yuda 1:16

Mɛnɛɛmɛi ji huhuuhu wielɔi kɛ krɔlɔi ni nɔ esaaa amɛhiɛ, ni nyiɛɔ yɛ amɛ diɛŋtsɛ amɛkɔnɔi anaa, ni amɛnaabu wieɔ naafuu wiemɔi, ni amɛsumɔɔ mɛi ahiɛsaa yɛ sɛɛnamɔ hewɔ.