4 Mose 10:10 - ŊMALƐ KRƆŊKRƆŊ LƐ

¹⁰ Asaŋ nyɛkpãa tɛtɛrɛmantɛrɛi lɛ yɛ gbii ni nyɛmiinya hu anɔ, kɛ gbii juji ni ato lɛ kɛ nyɔŋ hee shishijee gbi lɛ hu nɔ be mli ni nyɛshãa afɔlei kɛ shidaa afɔlei lɛ yɛ mihiɛ lɛ, ni maye mabua nyɛ. Mi ji Yehowa, nyɛNyɔŋmɔ lɛ.”

Ṅmãle̱ Kroṅkroṅ Le̱

¹⁰ Asaṅ *nyenyã́mo̱ gbĩĩ le̱ ke̱ nyegbĩĩ dšudši ní ato le̱ ke̱ nyenyõdši hēi le̱ ano̱ hũ le̱ nyekpãa te̱tre̱mantre̱i, beni nyešãa nyešã-afo̱lei ke̱ nyešidā-afo̱lei le̱, ni atšṍ kaime̱no ahãnye ye̱ nye-Nyoṅmo̱ le hĩe. Midsi Iehowa, nye-Nyoṅmo̱ le̱. *3 Mose 23,24. 2 Maṅ. 11,14. 2 Kron. 7,6.

4 Mose 10:10 ပူးပေါင်းရင်းမြစ်များ

2 Maŋtsɛmɛi 4:23

Ewu lɛ bi lɛ akɛ “Mɛni hewɔ otaoɔ ni oya eŋɔɔ ŋmɛnɛ lɛ?” Ŋmɛnɛ jeee nyɔŋ hee, asaŋ ejeee hejɔɔmɔ gbi. Yoo lɛ here nɔ akɛ, “Kaaye otsui.”

1 Kronika 15:24

Ahala Shebania kɛ Yoshafat kɛ Netanel kɛ Amasai kɛ Zakaria kɛ Benaia kɛ Eliezer, ni ji osɔfoi lɛ, koni amɛkpã tɛtɛrɛmantɛrɛ kɛnyiɛ Nyɔŋmɔ Kpãŋmɔ Adeka lɛ hiɛ. Aha Obed-Edom kɛ Yehia hu fata Kpãŋmɔ Adeka lɛ hebulɔi lɛ ahe.

1 Kronika 15:28

Israel muu fɛɛ wo Yehowa Kpãŋmɔ Adeka lɛ kɛba Yerusalɛm be mli ni aabɔ oshe hoo ni aakpã koŋ bɛji kɛ tɛtɛrɛmantɛrɛ, ni aatswia ŋmɛji kɛ saŋkui hu waa diɛŋtsɛ lɛ.

1 Kronika 16:42

Heman kɛ Yedutun ji mɛi ni kwɛɔ tɛtɛrɛmantɛrɛi kɛ ŋmɛji kɛ amɛgbee ŋlɛ̃ŋlɛ̃ lɛ kɛ jooshwɛmɔ nibii krokomɛi fɛɛ ni akɛshwɛɔ joo kɛji aala yijiemɔ lala krɔŋkrɔŋ lɛ. Ni Yedutun bii lɛ ji mɛi ni afee amɛ agbonaabulɔi.

2 Kronika 29:26

Levibii lɛ hiɛhiɛ David yinɔ lámɔ nibii krokomɛi lɛ, ni osɔfoi lɛ hiɛ tɛtɛrɛmantɛrɛ lɛ.

2 Kronika 29:28

Asafo ni yɔɔ jɛi lɛ ja Yehowa. Lalɔi lɛ la, ni tɛtɛrɛmantɛrɛtsɛmɛi lɛ hu tee nɔ amɛkpã bɛji lɛ aahu kɛyashi agbe shãa afɔle lɛ shãa naa.

2 Kronika 7:6

Osɔfoi lɛ damɔ amɛgbɛhe ni ato ahã amɛ lɛ, ni Levibii lɛ damɔ shi amɛmiikwɛ osɔfoi lɛ ahiɛ, ni amɛmiikpã bɛji ni Maŋtsɛ David kɛwo jamɔ lɛ mli koni akɛjie Yehowa yi lɛ akɛ, “Yehowa, esuɔmɔ sɛɛ efooo kɛmiiya naanɔ” lɛ. Nakai be mli lɛ Israel muu lɛ fɛɛ eho edamɔ shi.

Ezra 3:10

Be ni tsumalɔi lɛ to Yehowa Sɔlemɔtsu lɛ shishi lɛ, osɔfoi ni ewula kɛ amɛtadei lɛ badamɔ shi kɛ amɛtɛtrɛmantrɛi ni amɛhiɛ yɛ amɛdɛŋ kɛ Levibii lɛ ni ji Asafbii lɛ hu kɛ amɛŋoŋoi, koni amɛkafo Yehowa tamɔ bɔ ni Israel Maŋtsɛ David eto gbɛjianɔ lɛ.

Nehemia 12:35

Be ni ayaa lɛ belɛ osɔfoi lɛ ateŋ mɛi komɛi miikpã tɛtɛrɛmantɛrɛi. Amɛteŋ mɔ kome ji Zakaria, Yonatan bi lɛ. Enii kɛ ekaŋsowai ji Shemaia kɛ Matania kɛ Mikaia kɛ Zakur kɛ Asaf.

Lalai 150:3

Nyɛjiea eyi kɛ tɛtɛrɛmantɛrɛ kpãmɔ; nyɛjiea eyi kɛ obenta kɛ saŋku!

Lalai 81:3

Nyɛkpãa tɛtɛrɛmantɛrɛ yɛ wɔgbijurɔyeli gbi lɛ nɔ, be ni nyɔŋ hee eje, kɛ be hu ni nyɔŋ lɛ eye emuu,

Lalai 81:4

ejaakɛ eji akpɔ hã Israel, akpɔ ni jɛ Yakob Nyɔŋmɔ lɛ dɛŋ.

Lalai 89:15

Ajɔɔ mɛi ni le gbijurɔyeli lala lɛ, mɛi ni baa amɛjeŋ bɔ ni sa bo, Yehowa, ohiɛ lɛ;

2 Mose 28:29

“No hewɔ lɛ, kɛji Aaron miiba He Krɔŋkrɔŋ lɛ, ekɛ Israel akutsei lɛ agbɛii ni aŋmala yɛ tsitsinɔhaanii lɛ nɔ lɛ miiba mi, Yehowa, mihiɛ koni makai amɛ daa.

2 Mose 30:16

Hemɔ kpãtãmɔ too nɛɛ yɛ Israelbii adɛŋ ni akɛto koni akɛtsu Kpee Buu lɛ mli sɔ̃ɔmɔ lɛ he nii, koni ehã Yehowa akai Israelbii lɛ daa ejaakɛ nyɛkɛ too lɛ miikpãtã Nyɔŋmɔ nyɛhã nyɛ diɛŋtsɛ nyɛwala.”

Yesaia 27:13

Aaakpã tɛtɛrɛmantɛrɛ wulu ko nakai gbi lɛ, ni mɛi fɛɛ ni elaaje yɛ Asiria shikpɔŋ lɛ nɔ lɛ, kɛ mɛi ni ashwie amɛ kɛtee Ijipt shikpɔŋ lɛ nɔ lɛ aaaba, ni amɛaabaja Yehowa yɛ Gɔŋ Krɔŋkrɔŋ lɛ nɔ yɛ Yerusalɛm.

3 Mose 23:24

“Kɛɛmɔ Israelbii lɛ akɛ nyɔɔŋ ni ji kpawo lɛ klɛŋklɛŋ gbi lɛ, nyɛyea lɛ kpoo akɛ hejɔɔmɔ gbijurɔ. Akpã tɛtɛrɛmantɛrɛ akɛ kaimɔ nɔ kɛshiɛ gbi lɛ, koni akpe kpee krɔŋkrɔŋ kɛja.

4 Mose 10:9

Kɛji nyɛkɛ henyɛlɔ ko ni gbaa nyɛnaa miiwu yɛ nyɛshikpɔŋ nɔ lɛ, nyɛkpãa tɛtɛrɛmantɛrɛi lɛ kɛbɔa oshe; ni mi, Yehowa, nyɛNyɔŋmɔ lɛ, mibaye mabua nyɛ, ni mibahere nyɛyiwala yɛ nyɛhenyɛlɔi lɛ adɛŋ.

4 Mose 28:11

“Nyɔŋ fɛɛ nyɔŋ klɛŋklɛŋ gbi lɛ nɔ lɛ, nyɛshãa afɔle nyɛkɛhãa Yehowa. Nyɛkɛ tsina oblahii enyɔ kɛ ojwɛni kome kɛ gwantɛŋ bihii kpawo ni eye afifi ni kpa ko bɛ amɛhe ashãa.

4 Mose 29:1

Nyɔŋ ni ji kpawo lɛ klɛŋklɛŋ gbi lɛ nɔ lɛ, nyɛkpea kpee krɔŋkrɔŋ ni nyɛjaa Yehowa. Akatsu nitsumɔ ko nitsumɔ ko ni wa yɛ gbi lɛ nɔ. Nyɛtɛtrɛmantrɛ lɛ kpãmɔ gbi ni;

Mateo 11:28

“Nyɛbaa miŋɔɔ, nyɛ mɛi fɛɛ ni etɔ nyɛ ni nyɛjatsui fe nyɛ lɛ, ni mahã nyɛ hejɔɔmɔ.

Bɔfoi 10:4

Ni ekwɛ lɛ gãa ni eshe gbeyei ni ekɛɛ; “Mɛni, Nuŋtsɔ?” Ni ekɛɛ lɛ akɛ, “Osɔlemɔi kɛ onijuji ni ofeɔ lɛ eshɛ ŋwɛi ni efee kaimɔnɔ yɛ Nyɔŋmɔ hiɛ.

1 Korintobii 15:52

trukaa, hiŋmɛitswaa mli, be ni aaakpã naagbee tɛtɛrɛmantɛrɛ lɛ; ejaakɛ abaakpã tɛtɛrɛmantɛrɛ, ni aaatee gbohii ashi ni amɛfiteŋ dɔŋŋ, ni wɔ lɛ, abaatsake wɔ.

1 Tesalonikabii 4:16

Ejaakɛ lɛ Nuŋtsɔ lɛ diɛŋtsɛ baakpleke shi kɛjɛ ŋwɛi yɛ oshebɔɔ mli ni ŋwɛi bɔfonukpa gbee kɛ Nyɔŋmɔ tɛtɛrɛmantɛrɛ baagbɛɛ, ni gbohii ni yɔɔ Kristo mli lɛ tsutsu baate shi,

1 Tesalonikabii 4:18

No hewɔ lɛ, nyɛkɛ wiemɔi nɛɛ ashɛjeshɛjea nyɛhe mii.

Yoshua 4:7

nyɛjie naa nyɛhã amɛ akɛ, ‘Yordan Faa lɛŋ nu lɛ sɛɛ fo yɛ Kpãŋmɔ Adeka lɛ hiɛ be ni akɛfo Yordan lɛ.’ No hewɔ lɛ, tɛi nɛɛ baatsɔ̃ kaimɔ nɔ ahã Israelbii kɛya naanɔ.”

Yoshua 6:4

Osɔfoi kpawo ahiɛ bɛji kpawo ni akɛ ojwɛni akloŋto fee kɛnyiɛ Kpãŋmɔ Adeka lɛ hiɛ. Gbi ni ji kpawo lɛ nɔ lɛ, nyɛbɔlea maŋ lɛ shii kpawo be mli ni osɔfoi lɛ miikpã bɛji lɛ.

Kpojiemɔ 22:17

Ni Mumɔ lɛ kɛ Ayɛmforo lɛ kɛɔ akɛ, “Ba!” Ni mɔ ni nuɔ lɛ, ekɛɛ akɛ, “Ba!” Ni mɔ ni kumai yeɔ lɛ lɛ, eba, ni mɔ ni sumɔɔ lɛ, ebahe wala nu lɛ yaka.

1 Samuel 20:5

David kɛɛ Yonatan akɛ, “Wɔ lɛ nyɔŋ hee baaje, ni kulɛ esa akɛ mikɛ maŋtsɛ ayata shi aye nii; shi ofainɛ, ŋmɛɛ mi gbɛ koni maya ni mayatee mihe yɛ ŋa lɛ nɔ kɛyashi biɛ gbii etɛ̃ gbɛkɛ.