4 Mose 10:1 - ŊMALƐ KRƆŊKRƆŊ LƐ

¹ Yehowa kɛɛ Mose akɛ,

Ṅmãle̱ Kroṅkroṅ Le̱

¹ Ni Iehowa ke̱ Mose wie ni ekē̱:

4 Mose 10:1 ပူးပေါင်းရင်းမြစ်များ

1 Mose 42:13

Amɛto he akɛ, “Wɔ otsuji lɛ, nyɛmimɛi nyɔŋma kɛ enyɔ ji wɔ, nuu kome bii ji wɔ yɛ Kanaan shikpɔŋ lɛ nɔ; wɔteŋ gbekɛ fe fɛɛ lɛ yɛ wɔtsɛ ŋɔɔ amrɔ nɛɛ; ni mɔ kome bɛ jeŋ.”

1 Mose 46:15

Mɛnɛɛmɛi ji Lea bihii kɛ amɛnyɛmi yoo Dina ni ekɛ Yakob fɔ yɛ Mesopotamia lɛ. Yakob bii ni ekɛ Lea fɔ fɛɛ feɔ gbɔmɛi nyɔŋmai etɛ̃ kɛ etɛ.

2 Samuel 6:15

Lɛ kɛ Israel maŋ muu fɛɛ kɛ oshebɔɔ kɛ tɛtɛrɛmantɛrɛ yawo Kpãŋmɔ Adeka lɛ.

2 Maŋtsɛmɛi 11:14

Be ni eyaakwɛ lɛ, naa maŋtsɛ hee lɛ damɔ Sɔlemɔ we lɛ agbo lɛ naa akulashiŋ lɛ he, bɔ ni ji gbɛnaa lɛ; ni asafoiatsɛmɛi lɛ kɛ tɛtɛrɛmantɛrɛkpãlɔi yɛ maŋtsɛ lɛ masɛi, ni shikpɔŋ lɛ nɔ bii fɛɛ miinya, ni amɛmiikpã tɛtɛrɛmantɛrɛi. Kɛkɛ ni Atalia gbala ehe atadei, ni ebolɔ ekɛɛ akɛ, “Maŋjwaa sane nɛ, maŋjwaa sane nɛ!”

2 Kronika 23:13

Be ni Atalia shɛ jɛi ni ebaakwɛ lɛ, naa maŋtsɛ lɛ ni edamɔ maŋtsɛ shidaamɔhe lɛ yɛ Sɔlemɔtsu lɛ shinaa lɛ shi, ni asafoiatsɛmɛi lɛ kɛ tɛtɛrɛmantɛrɛkpãlɔi lɛ efo ehe sa kpula. Maŋ muu lɛ fɛɛ miibɔ oshe kɛ nyamɔ, ni aakpã tɛtɛrɛmantɛrɛ, ni Sɔlemɔ we lɛ mli lalatsɛmɛi lɛ miitswa saŋku, ni akɛmiila yijiemɔ lalai. Kɛkɛ ni Atalia kɛ dɔlɛ gbala ehe atadei lɛ, ni ebo ekɛɛ akɛ, “Maŋjwaa sane! Maŋjwaa sane!”

2 Kronika 5:12

asaŋ Levibii lalatsɛmɛi, ni ji Asaf kɛ Heman kɛ Yedutun kɛ amɛshishibii lɛ kɛ amɛwekumɛi lɛ ewula kɛ klala atadei fɛɛfɛji, ni amɛhiɛhiɛ ŋmɛji kɛ bɛji kɛ saŋkui kɛdamɔ afɔleshãa latɛ lɛ bokãgbɛ. Osɔfoi oha kɛ nyɔŋmai enyɔ ni ji tɛtɛrɛmantɛrɛkpãlɔi fata lalɔi lɛ ahe.

2 Kronika 7:6

Osɔfoi lɛ damɔ amɛgbɛhe ni ato ahã amɛ lɛ, ni Levibii lɛ damɔ shi amɛmiikwɛ osɔfoi lɛ ahiɛ, ni amɛmiikpã bɛji ni Maŋtsɛ David kɛwo jamɔ lɛ mli koni akɛjie Yehowa yi lɛ akɛ, “Yehowa, esuɔmɔ sɛɛ efooo kɛmiiya naanɔ” lɛ. Nakai be mli lɛ Israel muu lɛ fɛɛ eho edamɔ shi.

Ezra 3:10

Be ni tsumalɔi lɛ to Yehowa Sɔlemɔtsu lɛ shishi lɛ, osɔfoi ni ewula kɛ amɛtadei lɛ badamɔ shi kɛ amɛtɛtrɛmantrɛi ni amɛhiɛ yɛ amɛdɛŋ kɛ Levibii lɛ ni ji Asafbii lɛ hu kɛ amɛŋoŋoi, koni amɛkafo Yehowa tamɔ bɔ ni Israel Maŋtsɛ David eto gbɛjianɔ lɛ.

Lalai 47:5

Nyɔŋmɔ etee ŋwɛi kɛ oshebɔɔ. Yehowa kɛ tɛtɛrɛmantɛrɛ jijemɔ etee ŋwɛi.

Lalai 81:3

Nyɛkpãa tɛtɛrɛmantɛrɛ yɛ wɔgbijurɔyeli gbi lɛ nɔ, be ni nyɔŋ hee eje, kɛ be hu ni nyɔŋ lɛ eye emuu,

Lalai 98:6

Nyɛkpãa tɛtɛrɛmantɛrɛi, nyɛkpãa koofɛŋi! Ni nyɛkɛ miishɛɛ abɔa oshe yɛ wɔmaŋtsɛ Yehowa hiɛ!

4 Mose 1:52

Kɛji ashɛ shitoohe ko lɛ, Israelbii fɛɛ ashi amɛbuui yɛ amɛsafo kuikui lɛ anaa. Mɔ fɛɛ mɔ buu ahi esafo shitoohe mli, ni asaŋ yɛ etsɛmɛi awe aflaŋaa shishi.

4 Mose 10:2

“Okɛ jwiɛtɛi ni atswia afee tɛtɛrɛmantɛrɛi enyɔ koni akɛtsɛ asafo lɛ kɛkpe, ni asaŋ okɛhã amɛfã kɛshi shitoohe lɛ.

4 Mose 29:1

Nyɔŋ ni ji kpawo lɛ klɛŋklɛŋ gbi lɛ nɔ lɛ, nyɛkpea kpee krɔŋkrɔŋ ni nyɛjaa Yehowa. Akatsu nitsumɔ ko nitsumɔ ko ni wa yɛ gbi lɛ nɔ. Nyɛtɛtrɛmantrɛ lɛ kpãmɔ gbi ni;

4 Mose 7:2

Maŋbii lɛ ahiɛnyiɛlɔi ni ji Israelbii lɛ atsɛmɛi awei lɛ anɔ onukpai, ni ji akutsei lɛ atsɛmɛi, mɛi nɔŋŋ hu ni kwɛ maŋbii lɛ kanemɔ lɛ nɔ lɛ,

4 Mose 9:23

Amɛtoɔ shi yɛ Yehowa fãmɔ naa, ni amɛfãa yɛ Yehowa nɔŋŋ fãmɔ naa. Amɛye Yehowa gbee nɔ tamɔ bɔ ni etsɔ Mose nɔ efã amɛ akɛ amɛfee lɛ.

Mateo 24:31

Ni eeetsu ebɔfoi lɛ kɛ tɛtɛrɛmantɛrɛ ni gbee wa, ni amɛaabua ehalamɔbii lɛ anaa kɛaajɛ kɔɔyɔi ejwɛ lɛ anɔ, kɛajɛ ŋwɛi naagbeehe kome kɛaaya naagbeehe kroko lɛ.”

Yoshua 6:4

Osɔfoi kpawo ahiɛ bɛji kpawo ni akɛ ojwɛni akloŋto fee kɛnyiɛ Kpãŋmɔ Adeka lɛ hiɛ. Gbi ni ji kpawo lɛ nɔ lɛ, nyɛbɔlea maŋ lɛ shii kpawo be mli ni osɔfoi lɛ miikpã bɛji lɛ.

Kpojiemɔ 8:2

Ni mina bɔfoi kpawo lɛ ni damɔ Nyɔŋmɔ hiɛ lɛ, ni akɛ tɛtrɛmantrɛi kpawo hã amɛ.

Kojolɔi 7:20

Agbɛnɛ kui etɛ̃ lɛ fɛɛ kpãkpãa tɛtɛrɛmantɛrɛi lɛ, ni amɛjwara kpuji lɛ. Amɛhiɛ kɔtii lɛ yɛ amɛbɛku kɛ tɛtɛrɛmantɛrɛi lɛ yɛ amɛninejurɔ. Amɛkpã tɛtɛrɛmantɛrɛi lɛ, ni amɛbɔ oshe akɛ, “Yehowa kɛ Gideon klante!”