4 Mose 1:1 - ŊMALƐ KRƆŊKRƆŊ LƐ

¹ Israelbii lɛ Ijipt shikpɔŋ lɛ nɔ shimɔ sɛɛ afi ni ji enyɔ lɛ mli nyɔŋ ni ji enyɔ lɛ klɛŋklɛŋ gbi lɛ nɔ lɛ, Yehowa kɛ Mose wie yɛ Kpee Buu lɛ mli yɛ Sinai Shiaŋa lɛ nɔ, ni ekɛɛ lɛ akɛ,

Ṅmãle̱ Kroṅkroṅ Le̱

¹ Ni Iehowa ke̱ Mose wie ye̱ Sinai ṅã le̱ no̱, yē kpē-bū le̱ mli, ye̱ ame̱ Mizraim šikpoṅ le̱ no̱ dšē se̱ afi ní dši enyo̱ le̱ mli ye̱ nyõṅ ní dši enyo̱ le̱ no̱ kleṅkleṅ gbĩ le̱ no̱ ake:

4 Mose 1:1 ပူးပေါင်းရင်းမြစ်များ

1 Maŋtsɛmɛi 6:1

Solomon nitsulɔi lɛ bɔi Sɔlemɔtsu lɛ mãa yɛ nyɔŋ ni ji enyɔ ni atsɛɔ lɛ Zif lɛ nɔ. Nakai beiaŋ lɛ Solomon eye maŋtsɛ afii ejwɛ. Israelbii lɛ shi Ijipt nɛɛ afii ohai ejwɛ kɛ nyɔŋmai kpaanyɔ nɛ.

2 Mose 19:1

Gbi ni Israelbii lɛ yiŋ kɛjɛ Ijipt shikpɔŋ lɛ nɔ lɛ, enɔ nyɔji etɛ̃ pɛpɛɛpɛ ni amɛyashɛ Sinai ŋa lɛ nɔ.

2 Mose 19:2

Refidim ji he ni amɛfã kɛjɛ dani amɛyashɛ Sinai ŋa lɛ nɔ lɛ, ni amɛbato shi yɛ Sinai Gɔŋ lɛ hiɛ.

2 Mose 25:22

Gbɛ ni kã kerubim enyɔ lɛ ateŋ yɛ Kpãŋmɔ Adeka lɛ naanɔ lɛ nɔ lɛ baatsɔ̃ mi kɛ bo kpeehe, ni jɛi majɛ mi kɛ bo aaawie nibii fɛɛ ni mifã bo akɛ okɛɛ Israelbii lɛ.

2 Mose 40:17

Be ni Israelbii lɛ shi Ijipt lɛ enɔ afi ni ji enyɔ lɛ klɛŋklɛŋ nyɔɔŋ lɛ nɔ klɛŋklɛŋ gbi lɛ nɔ ashi Kpee Buu Krɔŋkrɔŋ lɛ ama shi.

2 Mose 40:2

“Klɛŋklɛŋ nyɔŋ lɛ nɔ klɛŋklɛŋ gbi lɛ nɔ lɛ, shii Kpee Buu Krɔŋkrɔŋ lɛ.

3 Mose 1:1

Yehowa jɛ Kpee Buu lɛ mli etsɛ Mose, ni ekɛɛ lɛ akɛ,

3 Mose 27:34

Enɛɛmɛi ji kitãi ni Yehowa fã Mose yɛ Sinai Gɔŋ lɛ nɔ akɛ ewo Israelbii lɛ.

4 Mose 1:18

ni amɛbua Israel asafo muu lɛ fɛɛ naa kɛkpe yɛ nyɔŋ ni ji enyɔ lɛ klɛŋklɛŋ gbi lɛ nɔ, ni amɛŋmala maŋbii lɛ agbɛii yɛ amɛwekui lɛ kɛ amɛtsɛmɛi awei lɛ anaa. Hii fɛɛ ni eye kɛjɛ afii nyɔŋmai enyɔ kɛyaa lɛ aŋmala amɛgbɛii ni akane amɛyibɔ.

4 Mose 12:4

Kɛkɛ ni trukaa lɛ Yehowa kɛɛ Mose kɛ Aaron kɛ Miriam akɛ, “Nyɛyi etɛ̃ lɛ fɛɛ, nyɛjea kpo ni nyɛbaa Kpee Buu lɛ he.” Ni amɛyi etɛ̃ lɛ fɛɛ amɛtee.

4 Mose 9:1

Yehowa kɛ Mose wie yɛ Sinai Shiaŋa lɛ nɔ yɛ Israelbii lɛ Ijipt shikpɔŋ lɛ nɔ shimɔ sɛɛ afi ni ji enyɔ lɛ klɛŋklɛŋ nyɔŋ lɛ nɔ, ni ekɛɛ lɛ akɛ,

5 Mose 1:3

Afi ni ji nyɔŋmai ejwɛ lɛ mli nyɔŋ ni ji nyɔŋma kɛ ekome lɛ klɛŋklɛŋ gbi lɛ nɔ lɛ, Mose kɛ Israelbii lɛ wie wiemɔi fɛɛ ni Yehowa efã lɛ akɛ ekɛ amɛ awie lɛ.

5 Mose 2:14

Be ni wɔye yɛ gbɛteŋ kɛjɛ beyinɔ ni wɔshi Kadesh Barnea kɛyashi wɔfo Zered Faa lɛ fee afii nyɔŋmai etɛ̃ kɛ kpaanyɔ. Nakai be mli lɛ tsutsu yinɔ tabilɔi lɛ fɛɛ egboi tamɔ bɔ ni Yehowa kã kitã lɛ.

5 Mose 2:7

“Ejaakɛ Yehowa, nyɛNyɔŋmɔ lɛ, ejɔɔ nyɛ yɛ nɔ fɛɛ nɔ ni nyɛtsu mli; ni ebaa nyɛyi yɛ nyɛgbɛnyiɛmɔ mli yɛ nɛkɛ shiaŋa kpeteŋkple nɛɛ nɔ. Afii nyɔŋmai ejwɛ nɛɛ fɛɛ mli lɛ, Yehowa, nyɛNyɔŋmɔ lɛ, kɛ nyɛ yɛ, ni nɔ ko nɔ ko bɛ ni hia nyɛ.