3 Yohane 1:5 - ŊMALƐ KRƆŊKRƆŊ LƐ

⁵ Suɔlɔ, nɔ fɛɛ nɔ ni otsuɔ ohãa nyɛmimɛi lɛ anɔkwale mli ofeɔ yɛ, tsɛbelɛ gbɔi ji amɛ.

Ṅmãle̱ Kroṅkroṅ Le̱

⁵ Suolo̱, noni otšuo̱ ohãa nyemimei ni dši gbo̱i le, ano̱kwale mli ofeo̱ ye̱.

3 Yohane 1:5 ပူးပေါင်းရင်းမြစ်များ

Galatabii 6:10

Belɛ be mli ni hegbɛ yɔɔ hã wɔ nɛɛ, nyɛhãa wɔfea mɛi fɛɛ ejurɔ, shi titri lɛ mɛi ni ji hemɔkɛyeli lɛ webii lɛ.

Kolosebii 3:17

Ni nɔ fɛɛ nɔ ni nyɛfeɔ yɛ wiemɔ loo nitsumɔ gbɛfaŋ lɛ, nyɛfea fɛɛ yɛ Yesu Kristo gbɛi mli, ni nyɛtsɔ̃a enɔ nyɛdaa Nyɔŋmɔ ni ji Tsɛ lɛ shi.

Luka 12:42

Nuŋtsɔ lɛ kɛɛ, “Shi namɔ mɔ ji tsulɔnukpa anɔkwafo kɛ nilelɔ, ni nuŋtsɔ lɛ aaawo lɛ onukpa yɛ ewebii anɔ, koni ehã amɛ amɛniyenii yɛ be ni sa mli lɛ?

Mateo 24:45

“Belɛ namɔ ji tsulɔ anɔkwafo kɛ nilelɔ mɔ ni enuŋtsɔ kɛ lɛ eto ewebii lɛ anɔ, koni ehã amɛ amɛŋmaa yɛ be ni sa mli lɛ?

Bɔfoi 1:15

Nɛkɛ be nɛɛ mli lɛ Petro te shi edamɔ nyɛmimɛi lɛ ateŋ (mɛi fɛɛ ni ebabua amɛhe naa lɛ aaafee oha kɛ nyɔŋmai enyɔ) ni ekɛɛ,

Romabii 12:13

Nyɛhãa mɛi krɔŋkrɔŋi lɛ ahiamɔ lɛ afea nyɛ hu nyɛhiamɔ; nyɛbɔa gbɔfeemɔ he mɔdɛŋ.

Hebribii 13:2

Gbɔfeemɔ hu, nyɛhiɛ akakpaa nɔ; ejaakɛ no nɔ mɛi komɛi tsɔ̃ fee ŋwɛi bɔfoi agbɔ ni amɛleee.

3 Yohane 1:3

Ejaakɛ mina miishɛɛ babaoo be ni nyɛmimɛi komɛi ba ni amɛbaye onɔkwale lɛ he odase, bɔ ni onyiɛɔ yɛ anɔkwale lɛ mli lɛ.

3 Yohane 1:10

No hewɔ lɛ, kɛ miba lɛ mahã nyɛle enifɔɔji anii ni efeɔ lɛ, bɔ ni ewieɔ wɔhe wiemɔi fɔ̃ji lɛ, ni enɛɛmɛi tete hu faaa hãaa lɛ, shi moŋ lɛ diɛŋtsɛ ehereee nyɛmimɛi lɛ, ni asaŋ mɛi ni sumɔɔ akɛ amɛaafee nakai lɛ etsĩɔ amɛ gbɛ, ni eshwieɔ amɛ kɛjɛɔ asafo lɛ mli.

Mateo 25:16

Ni amrɔ lɛ nɔŋŋ lɛ mɔ ni na talentai enumɔ lɛ tee ni eyatsɔ̃mɔ he, ni ena talentai enumɔ ebɔ he.