3 Yohane 1:4 - ŊMALƐ KRƆŊKRƆŊ LƐ

⁴ Mibɛ miishɛɛ ko ni da fe enɛ akɛ manu akɛ mibii lɛ nyiɛɔ yɛ anɔkwale lɛ mli lɛ.

Ṅmãle̱ Kroṅkroṅ Le̱

⁴ Mibe̱ mīše̱ ni fá fè ene̱ ake̱ manu ake̱ mibii le̱ nyieo̱ ano̱kwale mli le̱.

3 Yohane 1:4 ပူးပေါင်းရင်းမြစ်များ

1 Maŋtsɛmɛi 2:4

Kɛkɛ lɛ shi ni Yehowa wo mi lɛ baaba mli. No ji, ‘Kɛji oshwiei lɛ kɛ amɛtsui fɛɛ kɛ amɛsusuma fɛɛ aaaba amɛjeŋ yɛ mihiɛ, ni amɛaaye mi anɔkwa lɛ, no lɛ nuu ni aaaye maŋtsɛ yɛ Israel ebɔŋ bo.’

1 Maŋtsɛmɛi 3:6

Ni Solomon kɛɛ lɛ akɛ, “Ofee mitsɛ David ejurɔ, ni osumɔ lɛ kɛ suɔmɔ kpele, ejaakɛ eye bo anɔkwa; eja, ni ekɛ bo hi shi kɛ tsui krɔŋŋ. Ni bo hu osumɔ lɛ, ni ohã lɛ binuu koni eta esɛ̃i lɛ nɔ, tamɔ bɔ ni eba mli ŋmɛnɛ nɛɛ.

2 Maŋtsɛmɛi 20:3

“Ao, Yehowa, kaimɔ bɔ ni misɔ̃mɔ bo, ni miye bo anɔkwa kɛ mitsui fɛɛ, ni mifee nɔ ni ja yɛ ohiɛ.” Kɛkɛ ni Hezekia fo waa diɛŋtsɛ.

Abe̱i 23:24

Jalɔ tsɛ aaanya babaoo, ni mɔ ni fɔɔ bi nilelɔ lɛ aaana ebi lɛ he miishɛɛ.

Yesaia 38:3

ni ekɛɛ akɛ, “Ao Yehowa, miikpa bo fai, kaimɔ bɔ ni misɔmɔ bo kɛ anɔkwa kɛ mitsuiŋ fɛɛ, ni mifee nɔ ni hi yɛ ohiɛ!” Kɛkɛ ni Hezekia fo blobloblo.

Yesaia 8:18

Naa, mi kɛ bii ni Yehowa ehã mi lɛ, wɔji Yehowa, Taiatsɛ lɛ, mɔ ni hiɔ Zion Gɔŋ lɛ nɔ lɛ, dɛŋ okadii kɛ naakpɛɛnii hã Israel.

2 Korintobii 6:13

Nyɛ hu nyɛgbelea nyɛtsuii amli nakai nɔŋŋ, ni nyɛkɛto wɔ najiaŋ. Mikɛ nyɛ miiwie tamɔ mibii.

Galatabii 2:14

Shi be ni mina akɛ amɛnyiɛɛɛ trɔmɔɔ yɛ Sanekpakpa lɛ anɔkwale lɛ naa lɛ, mikɛɛ Kefa yɛ amɛ fɛɛ amɛhiɛ akɛ, “Kɛ bo ni oji Yudanyo lɛ ohiɔ shi tamɔ jeŋmajiaŋnyo ni jeee tamɔ Yudafonyo lɛ, mɛɛba onyɛɔ jeŋmajiaŋbii lɛ anɔ akɛ amɛhi shi tamɔ Yudafoi?”

Galatabii 4:19

Mibii bibii ni mikɔ̃mɔɔ kɛ nyɛfɔmɔ ekoŋŋ kɛyashi beyinɔ ni aaashɔ̃ Kristo subaŋ yɛ nyɛmli.

1 Tesalonikabii 2:11

Tamɔ bɔ nɔŋŋ ni nyɛle akɛ wɔhiɛ nyɛteŋ mɔ fɛɛ mɔ tamɔ tsɛ hiɛɔ ebii.

1 Timoteo 1:2

ŋma yahã Timoteo ni ji ebi krɔŋŋ yɛ hemɔkɛyeli mli lɛ. Dromɔ, mɔbɔnalɛ kɛ hejɔlɛ ni jɛ Nyɔŋmɔ, wɔTsɛ lɛ, kɛ Yesu Kristo, wɔNuŋtsɔ lɛ, dɛŋ ahã bo!

2 Timoteo 1:2

ŋma yahã esuɔmɔ bi Timoteo. Dromɔ, mɔbɔnalɛ, hejɔlɛ ni jɛ Tsɛ Nyɔŋmɔ lɛ kɛ wɔNuŋtsɔ Kristo Yesu lɛ dɛŋ ahã bo!

Filemon 1:10

Miikpa bo fai yɛ mibi ni mifɔ yɛ Kristo mli yɛ mikpãi lɛ amli ni ji Onesimo lɛ hewɔ,

1 Yohane 2:1

Mibii bibii, miiŋma nyɛ nii nɛɛ koni nyɛkafee esha. Ni kɛ mɔ ko fee esha jiŋŋ, wɔyɛ mlidaamɔlɔ yɛ Tsɛ lɛ ŋɔɔ, Yesu Kristo jalɔ lɛ.

2 Yohane 1:4

Mina miishɛɛ babaoo akɛ mina obii lɛ ateŋ mɛi komɛi nyiɛ yɛ anɔkwale lɛ mli, tamɔ bɔ ni Tsɛ lɛ wo wɔ kitã lɛ.