3 Mose 9:7 - ŊMALƐ KRƆŊKRƆŊ LƐ

⁷ Kɛkɛ ni Mose kɛɛ Aaron akɛ, “Tsi obɛŋkɛ afɔleshãa latɛ lɛ ni oshã esha afɔle kɛ shãa afɔle ohã ohe koni okɛfɔ ohe esha kɛ maŋ lɛ he esha. Oshã afɔle nɛɛ koni okɛfɔ maŋ lɛ he eshai, tamɔ bɔ ni Yehowa wo kitã lɛ.”

Ṅmãle̱ Kroṅkroṅ Le̱

⁷ Ni Mose kē̱ Aaron ake̱: Tši obe̱ṅke̱ afo̱lešãlate̱ le̱, ni ošã eša-afo̱le ke̱ šā̃-afo̱le ohã ohe, ni okpãtã *ohã ohe ke̱ maṅ le̱ hũ; koni ošã maṅ le̱ afo̱le le̱, ni okpãtã ohãame, take̱ boni Iehowa wo kitã le̱. *16,6. 11. 15. Heb. 5,3; 7,27.

3 Mose 9:7 ပူးပေါင်းရင်းမြစ်များ

3 Mose 16:11

“Aaron kɛ etsinanuu lɛ aba akɛ esha afɔle ahã lɛ diɛŋtsɛ ehe kɛ ewe lɛ, ni egbe.

3 Mose 16:24

Eju ehe kɛ nu yɛ He Krɔŋkrɔŋ lɛ, ni ekɔlɔ lɛ diɛŋtsɛ etadei lɛ. Eje kpo ni eyashã lɛ diɛŋtsɛ eshãa afɔle lɛ kɛ maŋ lɛ shãa afɔle kooloo lɛ koni ekɛkpãtã ehã lɛ diɛŋtsɛ ehe kɛ maŋ lɛ hu.

3 Mose 16:6

Aaron kɛ tsinanuu ni ji lɛ diɛŋtsɛ enɔ lɛ abashã esha afɔle kɛjie lɛ diɛŋtsɛ ehe eshai kɛ ewe lɛ he eshai.

3 Mose 4:3

Kɛji Osɔfonukpa lɛ ni tɔ̃ lɛ, ni no ehã maŋ muu lɛ fɛɛ etɔ̃ lɛ, ekɛ tsina oblanyo ni kpa ko bɛ ehe abashã ehe esha lɛ he afɔle ehã Yehowa.

3 Mose 8:34

Nɔ ni afee ŋmɛnɛ gbi nɛɛ lɛ, Yehowa kɛɛ afee koni akɛjie nyɛhe esha kɛya.

3 Mose 9:2

Mose kɛɛ Aaron akɛ: “Ŋɔɔ tsinanuu fioo kome ni kpa ko bɛ ehe kɛ too ojwɛni kome hu ni kpa ko bɛ ehe ni okɛshã afɔle, ohã Yehowa. Okɛ tsinanuu lɛ ashã esha afɔle ni okɛ too ojwɛni lɛ ashã shãa afɔle.

Hebribii 5:1

Ejaakɛ osɔfonukpa fɛɛ osɔfonukpa ni ahala kɛjɛ gbɔmɛi ateŋ lɛ, awo lɛ osɔfo ni edamɔ gbɔmɛi anajiaŋ yɛ Nyɔŋmɔ nii agbɛfaŋ, koni ekɛ nikeenii kɛ afɔlei abahã yɛ eshai ahewɔ,

Hebribii 5:3

Ni enɛ hewɔ lɛ ehe ehĩa akɛ eshã eshai ahe afɔle ehã ehe, tamɔ bɔ ni efeɔ ehãa maŋ lɛ.

Hebribii 9:7

shi buu ni ji enyɔ lɛ, osɔfonukpa lɛ kɛkɛ yaa mli shi kome daa afi, ni eyaaa ni ehiɛɛɛ lá, ni ekɛyahãa yɛ lɛ diɛŋtsɛ kɛ maŋ lɛ tɔ̃mɔi ni amɛleee lɛ ahewɔ lɛ.

1 Samuel 3:14

No hewɔ lɛ, mikã Eli we lɛ he kitã akɛ kɛji akɛ gbee afɔle loo niyenii afɔle ko aaakpãta Eli we lɛ nɔ sha lɛ kɛyashi naanɔ fĩi.”